الاطلال

على الاطلال لاتبكي .. كفى تبكي على الاطلال = تناسى الهم يا قلبي .. كفانا غربله و هموم
تعال احسب معي الايام وكم ليله بليا وصال = خلاص الماضي مايرجع ترى حنا عيال اليوم
هذاك اول نعيش بحب ونتهنى براحة بال = هذاك اول قبل نكبر .. وتصبح فــ العلوم علوم
ياقلبي هذي الدينا و دايم تنقلب الاحوال = ترى ماني الوحيد اللي بصدري ضيقه و مكتوم
انا ادري ان الزمن ظالم ولا يحسب عنا الرجال = و اعرف الحظ ليمن طاح .. يـبـيـله وقت لين يقوم
و ذي قسمتنا يا قلبي تصبر عالحزن لو طال = امر مكتوب و مقدر وكيف نغير المقسوم ؟
مهو ذنبي ولا ذنبك .. نعاف الحلم و الامال = مدام ان السهر فارض علينا ما نذوق النوم
يا قلبي تعبت عيوني .. وهي تنظر يمين .. شمال = ادول للامل لكن .. لقيت ان الامل معدوم
ياقلبي لا المطر جانا ولا حتى بعد همال = ما غير تحوفنا الغيمه .. تمنينا المطر و تحوم
انا احب البحر .. واعرف هدير الموج و اليامال = ولكني معا هذا .. احس اني ما اطيق العوم
اعيش بفقري و راضي .. ولا ودي يجيني مال = لاني لو لقيت المال وجيت اشري .. عجزت آسوم
ياقلبي مر في سمعي كثير من الحكم و امثال = ولكن مالقيت اصدق من اللي قال .. ( بكره يوم )
تعال نعيش دنيانا ونتعود على ذا الحال = ويمكن شمسنا تشرق و تصبح فــ العلوم علوم

السلام عليكم ورحمة الله وبركاته
الأخت الرائعه ( سديم )
هلا والله ومراااحب فيك وفي تألقك المعهود
إبداع وروعه دائماً نجدها فيما تقومين بطرحه من مشاركات
صح لسان الشاعر وسلمت يداك أختي على إختيارك وذوقك الأكثر من رااائع
لاعدمناك ولاعدمنا تألقك وإبداعك
خالص تحياتي وتقديري؛؛

ســـــــــديـــــــــــــــــــــــم

هلا وغلا

قصيده اكثر من رائعه


بس عندي سؤال يمكن ما يكون هذا محله


وين باقي الارشيف؟؟؟؟؟؟؟؟؟؟


ترانا ننتظر


هههههههههههههه


سجلي اعجابي بمشاركاتك

و تقبلي تحيااااااااااااااتي

وعليكم السلام و رحمة الله وبركاته

يسلمك ربي .. عازف الناي ..

شكرا للمتابعه

هلاااا وغلاااا بالليدي عمشا

وصلك الارشيف والباقي في الطريق


شكرا لحضورك

الرااااقيه سديم

قصيدة رااااقية كرقيك


صح لساااان شاعرها


وسلمت يدااااك


تقبلي تحياااااتي

يسلمك ربي .. ابو رهف ..

شكرا لحضورك

وشكرا للاطراء