....
تناقلت وسائل الاعلام وكثير من المنتديات
خبر مطعم رنوش سنتر للبيتزا .. بسيهات في المنطقه الشرقيّه
والذي قام صاحبه بتوظيف سعوديتين يعملن في اعداد البيتز ا
وتقديم الطلبات للزبائن...خلاصة الموضوع ان المطعم اغلق وصاحبه
اخذ للتحقيق لمخالفته بعض القوانين...
الشاهد : ان الناس امام هذا الحدث انقسموا الى قسمين
قسم معارض لهذه الظاهره الدخيله والجديده على مجتمعنا ....
وقسمُ اخر مؤيده لها ويرى ان هذا شي طبيعي ولا يستحق كل
هذه الهاله الاعلاميه...
حاولت ان اجسد هذه القصه بهذه القصيده..
والتي اترك لكم حريّة التعليق وطرح وجهات نظركم..
....
غرائب الدنيا ماهــيب اشـــويّه = ياكثرها با اعلامنا المقريـــّـــه
شد انتبـــــاهي قصـــّة ٍ مكتوبه = ومــوثــــقـه بالصـــوره الاصليّــه
قصّه غريبه واصبحت مشهوره = باللي عطوها هـــاله اعلاميّه
كلٍّ يـــــدوّر للكـــــلام الطــــازه = واعــــداء نا تـــــفرح على هذيّه
خذ ياعزيزي مختصــر هالقصّه = اســــباب هالقصــّه وجــود ابنيّه
جت تشتغل من حاجةٍ مســــــتها = وتقول ابا اكسب عيــــــشتي بيديّه
توظـــفت في مطــعم ٍ طـــــــباخه = وتــــقدم الوجــبات فالــــصيــنيّه
واللي يبي يطلب تضيع اعلومه = يقعد يطـالع عيـــــنها الكحليّه
وانقسموا اهل المعرفه قسميني = كل ٍ بها لموضوع ادلى ادليّــــــه
احد زعل من شغلها ويعارض = ويقول لاهنتي تـــــــــرى مكــفيّه
مثل العمل هذا لايمكن يحصــل = المسلمه ماهــي كمـــا الغــربيـــه
عند الحمـــايل عيب واكبر منكر = فيها (قبايــــل) ماهي بعــــاديّـــــــه
بنت الحمايل سترها و عزّتهــــــــا = في بيتها كالجوهره محميّـــــــه
واحد ٍ يؤيد فـــعلهـــا وبقــــــوّه = يقول هالموضـــــوع مابه شــــيّه
من حقها تعمل وهـــي مستوره = اخير من بعــض الدروب السيّه
كثر الكـــــلام ولا طلع نتيــــجه = والمشكله يبغى لها حسميّــــــــه
ياليت به عالم يصـــــدّر فتوى = يفتــــي بها بالنظـــــــره الشرعيّه
من اجل كل ٍ للحقيقه يرجـــع = ان كان في قصده صلاح النيّـــــه
أنت غير مسجل في منتديات الوئام . للتسجيل الرجاء إضغط هنـا
سعوديات يعملن في مطعم...!!! 
