~*¤ô§ô¤*~ توك صغيــــره وأبتديتي تحبينـــ ~*¤ô§ô¤*~

تـوك صغيـره وأبـتـديـتـي تحـبـيـن
من علمك لـيـل السهر ياصــغيـره ؟

بدري عـلـيـك العشق يابنت هـاللحـين
حـرام هـذا القـلب وشــهــو مصيـره ؟

أنـتي بريئه في الهوا ليه تـشـقـيـن ؟
دروبه طـــوال ٍ عــليـك وعــسيـره

رحتي بـدرب ٍ ماله أصلا ً عـناويـن
وأنتي مشاويرك من أول قصيـر ه

ياطـفـلة ٍ حـبّت وراحـت على وين ؟
عقب الهنا ذقـتي الحيـاه المريـره

وينك ووين الحب والشوق والبين ؟
عنّيتي عيونك وصرتـي سهيـره

أمحق تسلّـي كـان ودّك تسلّيـن
الورد لولا اللون وشهو عبيـره ؟

خلّيتي دروسك وصرتـي تحاتيـن
الدرس في ديره وصرتـي بديـره

وصرتي بعد من غير هذا تغارين
والمشكله يابنـت منتـي خبيـره

نصيحتي لـك كـان ودّك ترديـن
يـم السعـاده والحيـاه المثيـره

خلّـك بجـو العايلـه لا تعدّيـن
ماما وبابـا والعجـوز الضريـره

شيبانك اللي مـا يبونـك تعانيـن
من بينهم عشتـي كأنّـك اميـره

الحب قبلك هـز نـاس ٍ كثيريـن
خلاّ القلوب تعيـش هـم ٍ وحيـره

الحب يفضح لا انكشف داخل العين
وأنتي بنفسـك ماهقيتـك بصيـره

طيعي كلامي واحذري لا تماديـن
تراجعي لاعل في الأمـر خيـره

عيشي الطفوله والبراءه لك سنيـن
وبعدين حبـي لا غديتـي كبيـره
هذا من كتاباتي

	المشاركة الأصلية كتبت بواسطة دلوعة جازان

	هذا من كتاباتي

منقول جميل اختي
لكن مذيل بـ(من كتاباتي)
وعلى مااظن اني قرأتها من قبل
اختي اتمنى ان نتحرى الدقه والامانه فيما ننقله .
فمن المؤسف ان ينسب جهدنا لغيرنا ،،كذلك جهد الغيرلنا.
شي لانرضاه لانفسنا اتمنى ان لانرضاه لغيرنا.
دمت بكل خير اختي.

والله بخط يدي ومنزلها بمنتدي وانا اعرفة ليش اشيل جهد احد

لو ماهوانا راح اكتب منقوووول الكذب حرررام وتبين اعلم على المنتدى واقول عااااادي

تسلمي على روووعة الرد

القصيدة للشاعر الكويتي / حمد بن سعد المسرع

وموجودة في اليوتوب بالصوت ,,

اختي دلوعة القصيده للشاعر الكويتي حمد المسرع مثل ماذكر استاذنا ابو خالد
وموجوده بمنتدى اخر نصيه ايضا بوجود الشاعر،ياليت تبحثي عنها وتتاكدي بنفسك .
لا ماله دااعي تقولي ،،يكفي اللي ارسلتيه
اختي اسم الله عظيم ماينفع نستهين فيه ونحلف فيه على كل شي،
أنتِ مسؤله ومحاسبه عن كل كلمه تقوليها ،فمو مجال حلف .
الكتاب يبين من عنوانه والحق مايحتاج أدله لاثباته.
على العموم كلنا خطائين بس خيرنا التوابين .
نشوفك على خير

	المشاركة الأصلية كتبت بواسطة دلوعة جازان

	والله بخط يدي ومنزلها بمنتدي وانا اعرفة ليش اشيل جهد احد لو ماهوانا راح اكتب منقوووول الكذب حرررام وتبين اعلم على المنتدى واقول عااااادي

منزلها ولا منزلتها ؟
يختي القصيده معروفه من زمان وسبق طرحت هنا بالوئام
ودام تعرفين الكذب حرام مهما كان هي قصيده ماتستاهل الحلف بالله
الله يهديك بس

دلوعه منقول رائع كل الشكر لك ياعسل
والصمت ابلغ من الكلاام لاتحرمينا من منقولاتك
نشاطك ملموس
لاخلاولاعدم

وينك دلوعة جازان ليش ما تردين علينا

وتثبتين كلامك أن القصيدة من اشعارك حسب ماتقولين ,

الهروب والتطنيش مش كويس يا ستي ,,

ماأظنها بترد يابو خالد

ههههههههههههه


صح لسان الشاعر

قصيده رائعه بالفعل وما شاء الله عليك يا دلوعه إنتي مدرسه شعريه نتعلم منها


بعدين تقولين من كتاباتك أول شي لو كانت من كتاباتك بنحصل في كل بيت خطأ إملائي وإنتي تقولين انك معلمه وهذا ما هو اسلوب معلمه أول مره أشوف معلمه ما تعرف تكتب

(القصيده منقوله أقصد مسروقه ومشكوره على النقل )