حياتي

مرحبا .....ما هندي موضوع قلت خلني اوصف لكم كل شخص فحياتي يعني اصدقائي و اختي ....و....


اول شي ابدأ بأصدقائي نقس ماتعرفون يعي في اللي دفشه وفي بعضم ناعمات رغم ان كلهم بنات وما راح اذكر الاسامي بس برقم الصديقات


الصديقة الاولى : كسلانه واصله التب حتى تقديرها متوسط مسكينه لكن عاد اذا في خناق او يعني شدي شباك بين البنات هي استاده ونسيت ما قلت لكم تحب مغني انجليزي يعني تحبه وايد وايد وايد ولا بعد صورته ماتنشال من جيب المريول و المعمه تشرح هي حاطه صورته في الرف اللي تحت الطاوله واذا صار وقت الفسحه لازم تطلعه من جيبه وتقعد تشوفه علشان تنفتحي شهيتها ؟ واضيف في امتحان العلوم اللي من مئة ماخذه21من 100



الصديقة الثانيه: اهم شي في حياتها الاكل وبس عندها تعيش علشان التآكل مب تاكل علشان تعيش ومن اروح بيتهم اول شي اختها تقعد ويانا بالغرفه وبعدين تطلع ما تلحق تطلع اللي صديقتي رايحه مطلعه ليها شبس او مينو خاشته عن اختها و في المدرسه لاتقولون عاد الا حاطه ليها مؤونه علشان ثلاث حصص الاولى اللي قبل الفرصه من بسكويت وكاكو واشباس و....,و..... الخلكن والله خفيفة دم


الصديقه الثالثة: تعيش علشان تلبس ثياب كشخه اذا ابي اشتري لي شي هي الدليل اقول ليها من وين احصل لي مثلا بونطلين واسعين دايركت تعطيني اسم المجمع واسم المحل واذا ابي استعير ثياب ما عندي اللا هي ولا بعد مو بس ثياب اللي نظارات واحذيه وكل شي يلبس واذا ما تصدقون اسمعو السالفه
مره في حصة الرياضيات المعلمه قاعده تشرح الدرس مسكينه والبنات كل ما تشرح وتشرح يقولون ليها معلمه ما فهمنا شي وتعيد المهم الحين انا يعني منتبه الى المعلمه بعكس غيري اللي مطيرين الا هي قاعده تناديني ها خير؟ اللا مطلعه من جيبه نظاره شمسيه شوفي هذي النظارة عجيبه لا ؟هذا امس شريتها من المجمع يبن عليها رخيصه لا بس هي غاليه ب15دينار و هي قاعده تتمنظر في نظارتها والمعلمه تشرح واذا رحت ليها بيتهم تطلع لي نص ثيابها ها شوفي هذا من ماليزيا وهذا من دبي وهذا من المجمع الفلاني وهذا .....وهذا.......




الصديقه الرابعه : والله تكسر الخاطر طول الحصص مفهيه او بالمعنى الاصح احنا فوادي وهي في وادي وهي بعد مهووسه بمغني والطاوله لاتقولون عاد حاطه مليون صوره للمغني اللي تحبه اللي هو انريكي وبالاضافه كاتبه حرف الeعلى كل مكان في الطاوله ولا ازيدكم من الشعر بيت مسويه لها دفتر لاصقه فيه صور المغنيين والممثلين ولا مسويتها مرتب بينما دفاتر المدرسه ما عندها دفتر عربي حتى رغم انه من المواد الاساسبه يعني و لكن في بعض المواد عندها دفاتر ليها بس لو تشوفون الدفاتر لاحول لها ولاقوه







اختي الكبيره: اختي خليط من كل البنات اللي ذكرتهم ومدمنه انترنت اول شي بقول لكم يومياتها تقعد الساعه ست الصبح تلبس وتجهز وتنتظر صديقتها ويرووحون مع بض المدرسه وطبعا فطريقهم ما يخلون احد اللا ويهدرون عليه يعتي كل حش في الناس والساعة وحده الظهر ترجع من المدرسه هي وصديقتها وبعد نفس القصه قرقر على الناس المهم ترجع تقعد من الساعه 1الظهر الى 3 الظهر على النت بعدين يرجع الوالد الساعه 3 الظهر من الشغل تبند الكمبيوتر ونروح تنام الى الساعه 8 او 7 المغرب تقعد يكون الوالد طلع ترد تقعد على النت من هذي الساعه الي 11 او 12 في الليل هذا ايام مدرسه اما جمعه وخميس لا يزيد الوقت من الساعه 8 الى 1 او2 في الليل ايه اما بالتسبه للواجبات المدرسيه اذا ليها مزاج تيويهم اذا ماليهامزاج تويهم يوم ثاني في المدرسه الصبح او ما يحتاج ايه وبعد لا توصي كل ما يطلع الراتب مال الوالد اللا تطلع قروون لابوي علشان يعطيها فلوس و تروح مع ربعها تشتري بوانطلين ولا تشبع من هالثياب ابدا
ونسيت بعد اذا تتسبح كل مره تحط ليها خلطه في شعرها مره بيض وتخيش لنا الحمام(كرم الله وجهكم ما ادري شنو يقولون المهم)ومرة بيبسي ومره حنه وعلى حسب يعني ايه والاغاني غرفتها بتنبط من كثرة الصور جنيفر لوبيز وبرتني سبيرز وبلو و.....و..... وفي حالت انا الانترنت مقطوع الخط او في مشكله تروح ذيك الغرفة وتشغل ذاك الديجي اللي عندها مشتريه الوالد ليها بمناسبه النجاح يعني عزة الله تفوق اللا تقديرها متوسط وفي ماده الرياضيات على الحافه بس ما اقول غير الله يعقلها انشا الله.














المهم انشا الله عجبكم الموضوع يلا مع السلامه

السلام عليكم ورحمة الله وبركاته
وصلاة وسلام على أشرف خلق الله
محمد بن عبد الله وعلى آله وصحبه
وسلم ومن والآه

اللهم لك الحمد والشكر اني مش صديقتج ولا اختج

والا كان فضحتيني:D

زهرة بنفسج.

هههههه

الحمد لله اني رجال ولا كان رررررررحت فيها

عموماً شكراً على موضوعك الشيق........

تحياتي

ز

ا

شكرا

لكم