بســــــــاط الريح

.
هلا وغلا مليووون ابو عاابد منوور

والحمد لله عالسلامه فقدناك يابعدي جعلنا مانعدمك..

ويينه بس بساط الرييح ويينه ..

اتمنى ينقلني لراس قمه وبعييد عن الناس بجر صوتي بلخلاا الخالي وببعد عن الازعاج والقلق..

وودي يمربي عليك بتشرف بشوفتك والسلام عليك واتوكل على الله

ولبى ذوقك ياباعابد كلك رائع لاعدمناك

	المشاركة الأصلية كتبت بواسطة خلف الجابري

	. اتمنى ينقلني لراس قمه وبعييد عن الناس بجر صوتي بلخلاا الخالي وببعد عن الازعاج والقلق..

لا لا لا لا تكفى لا تقول بتاخذ معك ربابه
تخبر وانا على بساطي ماشيه 260 اخاف امر واسمع ويبنشر بساطي

	المشاركة الأصلية كتبت بواسطة ملكة الاحساس

	لا لا لا لا تكفى لا تقول بتاخذ معك ربابه تخبر وانا على بساطي ماشيه 260 اخاف امر واسمع ويبنشر بساطي

ههههه

لالا يااااالمشلوطه بس عود بدون ربابه بعدين تعالي وش انتي راكبه دباب؟؟والا سيكل وش 260؟

بس حبيت اقولك ترا بساطك مو اصلي صنع صيني بقولك بس بيني وبينك قربي قربي كففففففففففففففففففففففففففففففففففففففففففففففففف ف

طب امسحي خدك وقربي شوفي بساطي سرعته 26666وعشان اكون معك صادق وشي بالذمه يتعداها يجيب اكثر اووص لاتعطينه عين

هيا روحي انتي وبساطك تجيك غزاله على دبابها الكفرين وتتعداك

حياك الله أخي الحبيب خلف

سامحني ... وأتمنى أن يُسامحني الجميع بسبب غيابي سابقاً.
والله أني أنا اللي أتشرف بشوفتك ولقياك.

بالنسبة لبساط الريح اللي ودك أنه يأخذك إلى أعالي الجبال،
حبيت أقول لك إن بساط الريح المتوفر على فئات.

الفئة الأولى: تتكون من بساط الريح صناعة إنجليزية + فانوس سحري + دلة قهوة مع التمر + تكاية + ريموت كنترول.

الفئة الثانية: تتكون من بساط الريح كوري الصنع + قارورة ماء صغيرة.

الفئة الثالثة: بساط مشترك صناعة مشي حالك.
سموه بساط مشترك لأنه مثل بعض التكاسي في مطار الرياض اللي يأخذون أكثر من زبون من المطار ويودونهم إلى جهات مختلفة.

طبعاً، أنت ما لك إلا الفئة الأولى لأنك من فئة الخمس نجوم.
الله يحفظك ويسعدك.

	المشاركة الأصلية كتبت بواسطة خلف الجابري

	ههههه لالا يااااالمشلوطه بس عود بدون ربابه بعدين تعالي وش انتي راكبه دباب؟؟والا سيكل وش 260؟ بس حبيت اقولك ترا بساطك مو اصلي صنع صيني بقولك بس بيني وبينك قربي قربي كففففففففففففففففففففففففففففففففففففففففففففففففف ف طب امسحي خدك وقربي شوفي بساطي سرعته 26666وعشان اكون معك صادق وشي بالذمه يتعداها يجيب اكثر اووص لاتعطينه عين هيا روحي انتي وبساطك تجيك غزاله على دبابها الكفرين وتتعداك

الا قسم انت اللى ماعقلت ويبي لك شلوطه وتقطيع بساطور
يعني انا ابي استنشق الهواء واتامل وش ابي بسرعة 26666
انت اصلا وش عرفك لكن شكلك حدك بين جبلين


وعلى فكره ترا غزالة حدها سيكل مو دباب

اممممم أتمنى ألف العالم وينزلني بالحرم النبوي وأزور شموع يعطيك العافيه أخوي عبدالله

حياك الله اخي عبدالله

اتمنى اني امتلك بساط الريح لينقلني من البيت الى عملي والعكس

وافتك من شدة الزحام ورفع الضغط من بعض السائقين المتهورين ..

ربي يحقق لك كل أمنياتك أختي الكريمة أنين الشوق،

أسعدتني مداخلتك،
فلكِ شكري وامتناني.

دمتِ بصحة وسعادة.

	المشاركة الأصلية كتبت بواسطة أبو خـ البجادي ـالد

	اتمنى اني امتلك بساط الريح لينقلني من البيت الى عملي والعكس وافتك من شدة الزحام ورفع الضغط من بعض السائقين المتهورين ..

حيّاك الله أستاذي أبو خالد

يا كثر اللي يتمنون نفس أمنيتك،
الزحمة صارت جزء رئيسي من مشاويرنا اليومية،
المشوار اللي تحتاج تقطعه في ربع ساعة في الأحوال العادية،
أصبحنا نحتاج نقطعه في ساعة على الأقل.

اعتقد بأن أحد الحلول لتفادي الزحام هو التبكير في الخروج من المنزل،
لأن معظم الناس "عندنا" ما يطلعون من بيوتهم إلا في "الوقت بدل الضائع"
ولهذا نجدهم متنرفزين في الشوارع.

سألنا الشركة المصنعة لبساط الريح إذا كان عندهم بساط يناسب زحمة الرياض،
فقالوا لا ... لأنهم يخافون إن أحد يشوفك طاير بالبساط من فوقهم "فيصقعونك عين . .. تطيحك أنت والبساط"،
علشان كذا أطلع من بيتكم بدري وافتك من الزحمة ومن العين.

أدعو الله بأن يحقق لك كل أمنياتك،
ويديم عليك الصحة والسعادة.