أي من الاطفال انت ...!!

الطفل البريء ..



في البيت تلاقيه حبوووب وطبيعي 100 %
لكن مع دخوله المدرسة .. ( تنمحي ) شخصيته ..
فتكثر الاصابات في وجهه .. لأنه مايدافع عن نفسه ..

^^^^^^^^^^^^

الطفل العنيد



يطبق نظام البيت بالعكس .. يسوي اللي براسه ..
مايخاف من الماما او البابا .. لو قلت له هذا خطر لاتقربه .. عناد فيك يسويه ..
ياكثر مايضرب في طفولته .. ومع ذلك عنيد مايغير رايه ..

^^^^^^^^^^^^

الطفل الحنّـان



يستخدم وسيلة الحنة لتلبية رغباته
له نغمه خاصه في البيت ...
تلبى رغباته غصب عنك .. يعانون اهله من الصداع المستمر ..

^^^^^^^^^^^^

الطفل المادي



هذا الطفل مايرد السلام الا ( بفلوس ) ..
تعامله مع اهل البيت .. مادي بحت ..
يستخدمونه لتوصيل طلبات المنزل .. ونقل السوالف.. وكل شي بحسابه ..

^^^^^^^^^^^^

الطفل الفتّــان



تلاقي عند هذا النوع جميع اخبار البيت ..
يلاقي المتعه في اذلال غيره بالفتنه عليه .. ماله خاتمه ..
هذا الطفل حتى لو شريت سكوته بفلوس ..
توقع تلقى اخبارك ثاني يوم في الصفحه الرئيسية .. في الجريدة الرسمية ..

^^^^^^^^^^^^

الطفل الدلوع



هذا دلوع ماما وبابا .. يكرهونه باقي الاطفال لانه مرفه وشايف نفسه عليهم ..
تلبى رغباته قبل ليطلبها .. شخصيته اتكاليه جداً ..

^^^^^^^^^^^^

الطفل العله



يزعجك بأسئلته الي ماتنتهي .. يستفسر من كل شي .. حتى لو عطست ..
قالك شلون عطست .. وليش عطست .. وشلون تكونت العطسه ..
يحرجك احياناً .. ويمكن دائماً بأسئلته .. مره تجاوب عليه ومره تسفهه ..
واكثر الاوقات ماتلقى اجابه لاسئلته ... لانك في الحقيقه تجهلها ..

^^^^^^^^^^^^

الطفل الداج



هذا الطفل مستحيل يجلس في البيت ..
يعيش في الشارع اكثر من بيته .. خبره ودليل في كل ممر وطريق ..
يعرف طول الشارع بالسنتيمتر .. من الممكن ان يصبح اذا كبر مهندس طرق ..

^^^^^^^^^^^^

الطفل الملسون



يستانسون اهله على سوالفه .. فصيح جداً ..
ويلقط العبارات والمفردات بسرعة مذهله ..
يسبب احراج دائم لأهله ... يمكن يقول كلمة بالغلط للضيوف او الاقارب ..
يتميز احياناً بقلة الذووق والوقاحة اذا انفعل ..
لاينصح بأستفزازه ابداً ..

^^^^^^^^^^^^

الطفل اللزقه



تلقاه مسنتر عند باب البيت .. محد يطلع الا وهو لازق معاه ..
حتى الضيوف من الممكن تلقاه يلزق فيهم ويطلع معاهم ..
ياكثر ماينضرب .. وخاصه من اخوانه اللي اكبر منه ... او خواته ..
لانه عباره عن رادار على طلعاتهم ..
احياناً يضطرون يطلعون من شباك البيت للهروب منه ..
ولكن للأسف يلاقونه بانتظارهم في السيارة ...ويسألهم ليش تأخرتوا عليّ ..

^^^^^^^^^^^^

الطفل الهادي



هذا الطفل ماله صوت .. وين ماتحطه تلقاه ..
احياناً يهملونه اهله ... لانهم ناسينه ..
واحياناً يلقى اهتمام زائد من اهله ..
لو يموت من الجوع ماتكلم ..
في كثير من الاحيان تلقى اهله ناسينه بالسوق او عند الاقارب اثناء الزيارات ..

^^^^^^^^^^^^

الطفل المرح



هذا الطفل كله مستانس ويضحك على كل شي
حتى تصرخ في ويهه بعد يضحك
مايتعب اهله وايد لانه مايصيح وايد
كله لاهي مع العابه ويونس روحه بروحه

^^^^^^^^^^^^

الطفل القوي



اهله دائماً في احراج و مشاكل مع الناس ..
هرمون الاجرام مرتفع بنسبة عالية في جسمه ..
في كل جبهة طفل في ( منطقتهم ) تلقى له أثر وتوقيع ..
يمثل القائد والفتوه .. يهابونه الاطفال ..
يتقرب منه الكبار ويتوددون له حفاظاً على سلامة اطفالهم ..
__._,_.___

منقول لآحلى عيون



عن نفسي كنت البنت الدلوعه العنيدة بس بدون ضرب
كون اني بنت مع 3 اولاد
لكن بعد وفاة امي وابوي الله يرحمهم صرت البنت اللي ينتقموا منها اخوانها الحين بدل الدلع اللي شفته

هههههههههههههههههههههههه
انا من ((جميع مذكر))




خبالي لكـ

هههههههه الله يسعدك نبوض

انا كنت الطفل الهادئ

عشان كذا ماعشت بيت اهلي كثر ماعشت بيت خالتي هههههـ

وهالحين جالسه اتمرد على الوضع السابق وصايره الكبيره المرحه

تسلم يديك .. نبوض ..
.
.
.

انا بريء وادافع عن نفسي وعنيد جداً ومرح ، كل هالصفات كانت فيني ايام الطفولة ..

يعطيك العافية يالنبض

صراحة موضوع
حلو

والله مااقدر احدد اي طفل كنت

أيام الجمعات احيانا
تكرهين نفسك من خليط البزران
ذا دلوع وذا حنان وذا علة وذا ملسون عدي واغلطي


نبوضة يعطيك العافية

مجنون خله


عجبتني صفاتك
مين قدك عندك عدة شخصيات

يسلموا

سديم


ويسعد قلبك

ويا حلوك ويا حلو مرحك

يسلموا يا الغلا

السبيعي
كل هذا فيك ولا درينا


هههههاااى

يسلموا على التواجد

يارا


الاحلى هو تواجدك يا قلبي
وصدقتي بكلامك

يسلموا

الطفل العله

يزعجك بأسئلته الي ماتنتهي .. يستفسر من كل شي .. حتى لو عطست ..
قالك شلون عطست .. وليش عطست .. وشلون تكونت العطسه ..
يحرجك احياناً .. ويمكن دائماً بأسئلته .. مره تجاوب عليه ومره تسفهه ..
واكثر الاوقات ماتلقى اجابه لاسئلته ... لانك في الحقيقه تجهلها ..


ههههههههههههه بلا فخر ولكن سأقول لك شيئا كانوا ومازالوا يضحكون من الأسئلة بل وتثير جنونهم احيانا ولكني مع كل سؤال كنت اضحك ويضحك الجميع لان صيغة الاسئلة غريبة .

وكان ابي رحمه الله برغم انه قليل الابتسام يضحك كثيرا عندما ابدأ بسوالف غريبة
ولكني وبصدق كنت متعاونة في البيت واقوم بعمل الجميع برضا واقتناع فكانوا يستغلون طيبتي ويثقلون كاهلي ببعض الاعمال وانا مبتسمة ههههههههههه وراضية , بل كنت ادلل الجميع بأسماء غير اسمائهم تضحكهم ويتعجبون منها .

مشكورة نبوووووووووضة على الموضوع الرائع

خالص تحياتي
اسطورة الخريف