حوار مع الفنان السعودي :- " ابو نورة " !!

ياهلا ومرحبا فيكم في حوار جريء مع الفنان الكبير: " محمد عبده ".

وحوارنا ماراح يكون تقليدي ابدا ، بمعنى راح نصك أبو نورة باسئلة في الصميم بدون أية تحفظات ... أمسية سعيده نتمناها لكم :-

::::::::

* محمد عبده فنان كبير وغير كذا ملحن و ...قاطعني وقال:-

وأصور معاناتي حروف وأبيات * * يلقى بها راعي الولع جاذبيـه


* جميل جدا , ولكن الناس عرفوك مطرب وملحن , ليش مانشرت أشعارك

قال: لاتشتكي من جور الأيام للناس * * ادفن همومك في ثرى الصمت كله


* رسالة توجهها الى كل من رفـض التعـاون معـك في بدايـة مشوارك الفنـي

قال: ياقليل الحظ لو طـاوعتني * * كان ابخجـل كل بدر من ظيـاك


* طيب . . لننتقل الى جانب آخر في حياة محمد عبـدة , من هي المرأه بالنسبـة لك

قال: هي الحيــــاة ..بالنسبة لي .. بحلوها وبمـرها


* بمرها !!! . . هل ندمت على شي في حيــاتك

قال: ولانيب ندمــان على كل مافات * * أخذت من حلو الزمـان ورديـّه


* طيب كم مره حب الفنـان محمد عبده

قال: من عدد رمـل الصحـاري * * من المطـر أكثر . . وأكثر


* ماشـاء اللـه قلبك خضـر يابو نورة . . . هنا تنهّد . . . وقال :-

قلبـي اللي لواه من الصـواديف لاوي * * جرحتـه الليـالي والحظوظ الرديـّه


* طيب . . ممكن توصف لنـا حبّك الأول

قال: عـــاشقيـن * * ونبضنـا طفـل حنـون


* طيب . . وش اللي فرقكـم عن بعض

قال: اختلفنـــــــا ميـــــــــــــــن يحب الثــــــاني أكثر


* بصـراحه وبدون مبالغة يابو نورة .. محبوبتك كانت جميـله

قال: نصـف زيـن الخلايـق في عيـونه * * وبـــاقي الزيـن في باقيـه كـلّه


* زين . . حدثنـا عن يوم وظروف أول لقــاء جمعكم مع بعض ??

قال: ليــلة خميـس .. طرّز بهـا نور القمـر.. شط البحـر ..نصف الشهر


* الله . . . كم كانت الســاعة وقتها ??

قال: ليـــلة لقـانا . . موعـد الساعة ثمـان


* وكيف كـان شعورك في ذا الليـله بالذات ??

قال: شعـــوري ذا الليـله غريب

* وشلون وكيـف??

قال: يوم اقبلت طرنـا لها * * أنا وشوقـي والنسيــم


* فـعلا شي غريب جدا . . أن الاستاذ ابو نورة ( يطير بالعجه) وهو معروف برزانتـه . . هل تلتمس العذر لنفسك بهالتصرف ??

قال: أبعتـــــذر عن كـل شي * * الا الهـوى ماللهـوى عندي عذر


* طيـب . . ولايهمك . . بعد ماطـرت لـها . . وش صـار ??

قال: عيـن لمحتـني وشهقت * * وعيـن حضنت عيـني وبكت


* الله .. وعيـونك ياأبو نورة

قال: في عيـــني اليمنى من الورد بستـان * * وفي عيـني اليسرى عجاج السنيـني


* ها ها ها .. أكيـد ان عيـنها اللي شهقت نـاظرت عيـنك أم عجـاج

( هنا عصب وقـام بيمشـي قائلا) :
ســـــــــــــــــــــــــــــ
ــاري . . . ســــــــــــــــــــــاري



* لا . . لا أرجـوك .. أنا آسف مجرد دعـابه ( ابو نورة ماعنده كيـري ميـري) كمل . . . وش صـار بعديـن??

قال: كلمت والصّوت مبحوح الحـروف * * صمتها ونه وفي الونّة حكـي


* وحضرتك . . كيف كانت حالتك وقتها ??

قال: وقتــي يطوف * * لونـي ظايع ومخطـوف


* فـعلا موقف صعب. . . أكيـد انتابك نوع من الخوف لحظتها . . صحيح ??

قال: أنـــا خايف يستمــر صمت الشفـايف


* وكيـف حسمت الموقف ??

قال: ليـــن أنا حلفتها بذيك الحلـوف * * قلت قوليلي دخيـلك وش بكي


* جميـل جداً ، وايش كان ردها??

قال: قالت من النـاس ماأشعر بخوف * * ودي اسمع منك وأعرف مسلكـي


* وايش كـان جوابك لها??

قال: قلت حب النـاس لو يجمع بجوف ** مايجـي لو ربع احساسي بكي


* ياسلام يابو نورة . . هذا حبـك الأول . . . . . قاطعني قائلا :-

وقلبـي تايه من عـام الأول * * الا يالله يسـر من يدلـه


* قلبك مع ميـن هالمره??

قال: خذاه اللـي على خده علامه * * سوادة غيم في شمـس مطلـه


* خذاه ! ! وشلون . . ممكن توضح ??

قال: سـرقني مادريت انـه سرقنـي * * نهبنـي وأحسب اني فاطنٍ لـه


* كيـف كـان اللقـاء هذي المـره ??

قال: جتــــني . . وشافتها عيونٍ حــايرات


* ممكـن نعرف الفرق بيـن هالزيـارة واللقـاء السابق مع حبـك الأول??

قال: كبيـــــــر الفرق . . مابيـن أول لقـاء وآخر زيـارة ، محتـار اش أقول


* أوكي ولايهمـك ، طيب ننتقل لجانب آخر ، يتسائل الجمهور عن الأماكن الي يحبها أبو نورة ويجد فيها الراحه??

قال: طعــس و غديــر و قمـــر و نجـوم منثـــورة


* واضـح انك تهوى الطبيـعه الصحـراوية . . من المؤكد لك ذكريات في نجد وطبيعتها . . صح ??

قال: ليـــالي نجد مامثلك ليـاـلي * * غلاك أول وزاد الحـب غـالي


* معنـى هذا ، انـك حبيت نجديّـه??

تستــاهل الحب نجديـّة * * رفيـعة الشـان عجّـابة


* مثل سابقتيـها ، كيف كـان اللقاء هذي المـرة??

يوم روّح لـي نظـر عيـنه بهون * * فز له قلبـي وصفق وارتـعد


* جمهورك حاب يعرف سر تعدد العلاقـات وتزعزعهـا??

قال: اللـه أكبر يانصيـبي انا وش بيدي * * كـل ماعدلت واحـد يميـل الثاني


* طيب يهون عليـك الفراق الى هالدرجـه ??

أنا أشهـد ان المفـارق من عظيم البلاوي * * ميـر هذا نصيبك يالعيـون الشقيّة


* طيب . . . وعادي تقول هالكلام وتحب مرة وحدة وثانية وثالثة . . وين زوجتك عنك??

ماترك فرصة للأجابة . . وقام وأنحاش . . ورد فيني وطنشني .

::::::::
وفي ختـــــام هذا الحوار الصريـح جدا .. نشكر الحلوين على تواصلهم معنا ، واستروا ماواجهتوا . . ( ما وجهنا الا . . الزين )


منقوووووووول..

تحياتي ..

دلوعه

هلا وغلا بدلووووووووووووعه عندنا هنا في الاستراحة


بصراحه هاللي عمل الحوار هذا أتقنه وأبدع فيه باين متعوب عليه


تسلمين دلع اتحفتينا بكلمات ابو نورة ياهلا فيك

يعطيك العافية
أختي الكريمة دلع
جميل جدا هذا الحوار
وطالما هو جميل
فالأجمل من نقله إلينا
سلمتي أختي الكريمة
تقبلي موفور احترامي

هلا والله باردينا ...

تبين الصراحه .. ردودك تفتح النفس ..
الله لايحرمنا منها ..

مشكوره حبيبتي على مداخلتك الحلوه..

وانا معك ان اللي عمل الحوار فعلا متعوب فيه ..
بس بيني وبينك , يستاهل التعب ..

تقبلي تحياتي ..

دلوعه,,

هلا اخوي المحارب ..

سعيده بمداخلتك ..
والاسعد حضورك ..
تسلم اخوي ,,

تحياتي لك ..
دلوعه ,,

تعبت وأنا أقراه أجل وشلوون لو إني كاتبته ؟؟؟؟



بس موضوع راايق منك يا دلع


وتسلمين على روعة ذوقك واختيارك

هلا وغلا دلفين ,,,

تسلم الايادي اللي كتبت ..
والعيون اللي قرأت ..

مشكوره يالغاليه على هالمداخله اللطيفه ..

تحياتي ..
دلوعه..

ياهلا دلع

حوار شيق وممتع اختي يعطيك العافيه على امتاعنا به

ماقصرتي والف شكر

تحياتي