تريدهـا قياديه .؟!

غزالتي ..
حياكِ ربي وبياكِ ..

في حاجه انتي قلتيها .. اثارتني ..!!
وهو حاجته للمرأه لدعمه بفيتامين واو .. على قولتنا بالعاميه ..
مو معقوله ..!! تتوقعين ان فيه رجل يطلب من زوجته مساعده في هذا المجال ..؟!!

أشك بصراحه .. الا من كان يملك عقل متفتح .. يجعله متساوي امام الأنثى .. وهالشي قليل ان ماكان نادر اساساً ..
واعتقد والله اعلم لان خبرتي قليله .. أن الرجل مايمانع ان كانت الأنثى مثقفه او متعلمه لمستوى عالي .. بشرط تكون اقل منه ..!!
يعني بما اني دكتور فلا بأس ان كانت حائزه على شهادة البكلوريوس .. الخ ..
والا أيش رأيك غزاله ..؟!!

..

وش فيها لو تزوج الرجل بوحدة أعلى منه بالمستوى التعليمي ..؟؟

وش نستفيد من الشهادة لو كان صاحب الشهادة غير مثقف وغير واعي ..

الثقافة أهم بكثير من الشهادة ..

وأعتقد تفكير الشباب حالياً تغير عن قبل .. وتفكير البنات أيضاً تغير ..

لأن الكثير منهم مايمانع يرتبط بفتاة أعلى منه بالشهادة أو الوظيفة

يعني أعتقد أن الشاب كان يرفض هذا المبدأ خوفاً من معايرة الزوجة له

لكن الحين أصبحت العقول أكثر نضجاً من الطرفين


..

متعاطفة بحدود

شكراً بلا حدود

..

أضـواء الشباب والبنات تغيرو فعلاً ..

لكن مااعتقد لدرجه انه يتزوج وحده اعلى منه مستوى تعليمي او وظيفي ..!!

ولاني انا وأنتي .. نعتقد ولسنا متأكدين .. وضعت انا هذا السؤال هنا .. وانتظر جواب من الشباب ..!!

لكن .. وينهم ..!!..!!

في زمننا هذا لااتوقع ان هناك شاب يريد امراءة غير متعلمة..حتى راي الغنم الي مايعرف يفرق بين الالف وعصاه الي يهش فيها يبي متعلمة..وهذي صارت مو نسج خيال..
مثل ماقلت الرجال يختلفون وفعلاً اذا كان هو بكالوريس فلاباس بها بكالوريس او ثانوي لكن القلة القليلة من يعين زوجته على استكمال دراستهالاسباب عدة..
اما من ناحية فيتامين واو فياغاليتي متعاطفة تحصل فليس كما قلت الرجال واحد وايضاً هذه قصة من وسط حياتي سببها ان يقال لفلان (تكفى نبيك تفزعلنا بنتنا مادخلت الكلية نسبتها زي وجهها)
الشيخ قال(لاتشيل هم يااخوي نخلي المراءة تدخلها علشان تعرف اني مني بسهل)<<اش دخلك هي الي بتدخلها مو انت ولو هي ماتبي ايش بتسوي بعدين؟؟

حبيبتي متعاطفة احنا في زمن العجائب تصوري ا شئ..
وسعي صدرك وكبري مخدتك وصلحي الي تبينه انتي المهم ان اساس فعلك يكون مرضاة لله وغير مخالف لشرعه وان تجاري عاداتك حتى وان كانت تخالف رائيك وهذه نصيحة لساته طازة خذيها مني..سايري ..فالزمن اصبح مجرد مصطلحات لايؤخذ بها الا النااااااادر..
وتحياتي والعذر منك غاليتي ان كان هناك في ردي مايزعج..

افااااااا عليكِ مافي اي ازعاج ..

انا مااقدر اقولك اني اعرف كل شي .. مهما وصل بي المعرفه والمواقف اضل حبيسة حدود .. وزوايا ..

والدليل اني جيت أسأل ..هل يقبلون او لا يقبلون ..؟؟!!

بالنهايه السر يكمن في عقل الرجل ..!!

وشكراً لكِ على ردك .. الموثوق ..

شكراً .. بهدوء ..

السلام عليكم ورحمة الله وبركاته

كيفك متعاطفة
وربي مواضعك حلو ومن واقع الحياة ....؟؟؟ورح اتكم بكل حرية ... وبدون اي قيود
انتي كبنت لاحظي الناس اللي حولك ...؟؟
سوي أستفتاء لكل الطبقات العلمية

رح تلاحظي أن الرجل بطبعه أناني اول شئ ما يحب يشوف زوجتة أعلى منه بمستوي التعليم
واذا وجد وكانت أعلى منه بالمستوي التعليمي رح يظل وراها لين يحبط كل طموح لها
واغلب مشاكل البيوت المستوى التعليمي بين الرجل والمراة خاصة اذا كان مستوى تعليم المراة أعلى من الرجل


ممكن يسكت عليها لسبب واحد مثل ما قالت غزوله
فتامين واوووووووو

متعاطفة اشوفك استغربتي من ان كثير من الرجال يعتمدوا على راتب نسائهم
شكلك منتي عايشة الواقع .......... وينك عن هذا الواقع
انا بطبعي احب الاستفاء بكل شئ اشوفه صعب بحياتي ,,,..
تقدري تسالي محموعة من المدرسات المتزوجات وين يروح راتبهم .........؟؟؟

بالمختصر المفيد
الرجل يرضى بالمتعلمة ولكن ليس باعلى المراتب
ولا يحب المراة الاعلى منه بالمستوي التعليمي

وعليكم السلام .. يأاحلى نبض في الوئـام ..

المفروض اسمك نبض الوئـام مو النبض الحزين .. ظلمتي نفسك بهالاسم يانبوضه . ..

نرجع حق حديثنا .. أنتي تقولين سوي استفتاء .. اوكي وانا موافقه واليوم بدرس الفكره ..

أوعدك بأقرب فرصه رح أكون موثقه كلامي بكرهـ الرجل لمستوى المرأه الاعلى منه .. بالادله والبراهين ..!

وأنــا مااقدر اجزم تماماً بأي توضيح لنفسية الرجل لاني مااختلطت بعالم الرجال بعد ..؟؟!!

وممكن يكون كلامك بخصوص انه يستثني المرأه اللي تفيده بفيتامين واو ..!! لكن اعتبر انا ان هذا الاستثناء خارج قيود الطمع فيه .. لانه يبي بالواسطه انه ينفخ نفسه والناس تجي تطلبه << عقووول غريبه ..!!!!

المهم .. لي عوده وتعليق الان انا مخي مقفل لسى ما تقهويت ..

تشاااااو ..

وراء كل رجل عظيم امرأه تقول له انت لا شيء

	المشاركة الأصلية كتبت بواسطة password

	وراء كل رجل عظيم امرأه تقول له انت لا شيء

هههههههههههههههههههههههههههههههههههه

ربمـــا ولما لا ..؟؟!!!

................

...

	وراء كل رجل عظيم امرأة عظيمه

	وراء كل رجل عظيم امرأه تقول له انت لا شيء

يتبادر الى أذهان الكثير عند قراءةهذه المقوله ان المرأة هنا المقصود بها " الزوجه "
مع انه غالباً ماتكون الأم او الأخت
والأمثله على ذلك كثيره
فعلى سبيل المثال ( أحمد بن حنبل )
والذي كانت تقف وراءه امه
وآخر كانت تقف وراءه اخته







عذراً للمداخله


...