[poet font="Simplified Arabic,5,black,bold,normal" bkcolor="transparent" bkimage="backgrounds/2.gif" border="none,4,gray" type=0 line=200% align=center use=ex length=0 char="" num="0,black" filter=""]
قام الهوى يلعب غصن شجرة الراك=اعصير والطير انتصى العش ظاوي
واقبل ظلام الليل واشتد الاحلاك= وباهت بليل اهل الغرام الهقاوي
احاول انجي من شرابيك الاشباك=اشباك تنصب في طريق الهواوي
حاولت قدر المستطاع اني انساك=وانسى غرامك يا عيون النداوي
لكن فشلت وصارت احلى حلاياك=مرسومة في عرض عقل المهاوي
شقاي كله في تفاصيل ذكراك=اجني من الذكرى صنوف العناوي
تطوف بي ذكراك في كل الافلاك=وعجزت ارد عدك وانا لك ظماوي
ظميان وابغى الري يازين من ماك=يروي عطش واد الفؤاد السناوي
ما فيه درب نلتمس معه لقياك=وتقطعت يا زين منك الرجاوي
عسى عسى الغيد العماهيج تفداك=هيم الخواصر نابيات الـ...
ضيق وعنا يا قلب وهموم تغشاك=مذعور تمسي تحسبنك خلاوي
يا قلب في شوفه ترا بلسم ادواك=وراس المرض ياقلب شوف المداوي
العشق ماله طب من حيث ما جاك=ولا ينفع العاشق لعشقه تداوي.