جميل الصدفه

جميل الصدفة اللي جابتك حيي الهوا والنور……….….عليك اجمل مسا مسيت عطني منه قنطاره
احيي فيك ذكراك قبل شوفك والنبا مغمور…….……واحيي فيك عطرك واسمك اللي مالي داره
انا من مات حي لا طعن حربه ولا منحور………..…صويب العين ما يبرا غدا قلبي لك الشاره
بغيت امشي واحس انه إذا مني القدم مبتور……….…بغيت آقف وأشوف عظام الجسم منهاره
اما من خانته عبره فرح و الا ضحك مسرور….0.…يضيق ابه النفس وده يقول من الحكي خياره
اشيل غناي لك عرضه وابدل به علي المجرور………..…وأمول من طواريقي علي عشاق سماره
ابكتب من قصيد الوزن وغيره من شعر منثور………..انا لك شاعر يكتب وشعره نقوه افكاره
الا ياغايب عني معي حاضر كما الدستور………..…خيالك ما يفارقني بفكري دق مسماره
الا من ضقت اسولف بك علي نفسي وانا مقهور…واقول الوقت ما يعطي علي ما أريد واختاره
عليك اقبل ومنك اقفي ولابينت لك محضور…….…..اخاف عيون بعض الخلق ترقبنا وسباره
وجدك الله ياحسن كما التحفه وانا جمهور……..انا المبهور في حسنك وانا من خطفت ابصاره
ومنك العين تامرني وانا لك طايع مأمور………علي وصلك عدا حظي هوين وقصرت اشياره
اشوف ان الحسن عقبك ولو يذكر غدا مكبور..يقال انه حسن عقبك وللا انت كل الزين وابهاره
الا يابو عيون حق وبعض الوصف خرس حور..…عليك الصوت ما هو صوت كما ترنيم قيثاره
بقا قصرك علي فالك عساه بطلتك معمور…..………تمشي بردهته حافي وتحيا عقبك ازهاره
بريح المسك والعنبر يخالطهم زراق بخور…...……..إلى اقبلت جا قبلك والي اقفيته غدا استاره
علي هالبوح والتلميح راس المال صدق شعور....…وصدقني ترى فكري عقب طيفك ماحد زاره
انا ابا اسالك تعذرني عساي بطلبتي معذور…..……اشوف الوقت ما يعطي ولا فالناس عذاره
اباارسل لك مع النجمه سلام الخافق المكسور…...……عسى يجبر عزاه انك تحيه وتنطفي ناره
ذكرت اليوم والساعه ورحله عمر يا مستور…..…ذكرت الله في خلقك خلق هالزين واسراره
اعرف اني مناب اول ولااخر واحد ماسور…..………واجمل ماملكته منه طيف دام تذكاره
الاليت لي قلب يطيع الراي واهل الشور…...……..…ضحيه موقف عابر ورحله سفر طياره
مقاعدنا باخر صف ومقعد سيدي مشغور………علي يسراي كان هناك اشوف اطباع جباره
اشوفه كل هالفتنه ثقل عقل وسلوك اطهور………..…حصين محصن شامخ يبين كبر مقداره
واشوفه ديمه تحمي نبات الارض بالمطور…………….…بغيث يوم اشاهده جرفني فيه تياره
ذهلني مبرم العاتق وشلال الشعر موفور…………….وذاك المبسم الوردي بلون الزهر قطاره
وقد اطرق هايف وخاصر مضمور…………………..قوام اعتدل طوله يثير اقلوب جباره
اغني واغتني بذكره ولااطمع كود بالميسور………وعودي كم شكى مني بعزفي تبكي اوتاره
اعرف النفس تواقه واعرف اني منا مسحور………..ولكن سحر زينه صار ياخلق الله اشعاره
انا والليل والهاجس قطعنا بالخيل بحور…………….ابي من هو يوصلني ومن يعطيني اخباره


خالد عبدالرحمن

خالد
صح لسان قايلها و تسلم يمينك يالغالي و اختيار موفق
ادامك الله و حفظك من كل مكروه
و ادام الاخوه و المحبه فيما بيننا يالغالي

عزيزي خالد .. بعد التحية ،،،

نشتاق لكل ماهو جميل ويطربنا كل ماهو اخاذ وانت اسبغت علينا بكرمك عندما كتبت لنا تلك الكلمات وهذا ليس بغريب عليك طالما انك متذوق للطافة الكلمات ومايغور فيها من معنى .. هناك الكثير من الحدائق الغناء الا اننا نختار وردة واحدة وتلك هي التي اخترتها انت .. الف شكر على تميزك ...

من نبعك الصافي تسقينا بيدينك
كل الكرم منك خالد عزيز القوم

ساهر الليل تسلم لي واللهم ادمهامن اخوه
محمد خميس تسلملي يارب كلك ذوق

............. اخي .. اختيار جميل

ورائع .. كلمات ابداعية

كلك ذوق

اختك

اميرة الشوق تسلمين الذوق انا اتعلمه منكم

....

..


ياعيني عليك ياابو خلود

ايش الذوق الرفيع هذا ؟

كلمات رائعه
وذوق رفيع
من صاحب الذوق الرفيع




تسلم

كلك ذوق

wafei تسلم لي

تسلم اياديك
خـــــالــد
الذوق منك وفيك
صــــح لسانك
وننتظر المزيد من ابداعك

شــــــوق

شــــــــــوق تسلمين لي
انا دايمااقول شي اني طالب بالذوق بجامعتك بس ياليت افلح هههه
عموما هالكلمات ماهي لي