هذا الماضووع اللي قلتلكم علاه

السلام علاكم ....وكيف حالكم ....وشلونكم ....وعساكم دوم بخار ..

انا هذيه المرة الاوله الى ابا اكتب فيها ماضوع فى الوئام ..

ما نبا مصايحة |3|

وما نبا احد يسبنا ولا نبا نسب احد ...

والله ودنا نتعرف عليكم جميع ونحب ايديكم وخشومكم ونعزمكم عندنا تشرفون محلاتنا ونخص الاخوان المشرفين (نبا نكسب ودهم من الحين ) نحسب حساب الطردى ولا حولها ..عموما ما نطول علاكم نخش فى الماضوع ......

انا بدوى مالود فى البر اكلنا تمر وشربنا حليييييييب وعلومنا علوم

رجاجيل ما نعرف العلوم الردية مع اباعرنا ليل ونهار وخوينا وربعنا الماء ما

نعرفة البحبحة تسد وتقوم بالزوم ..ونومنا فى البر قيض وشتا ..ويم صرنا

رجاجيل وكبرنا ...او ما تعلمنا شرب التتن ومن بعدها جانا ابو شوارب

وهو من ربعنا بس مترجل فى الرياض وعنده شفر يشتغل علاه ..المهم

الرجال يحبنا واجد وعلومه سفره وكريم يشهد الله او مالفانا ...بحبوب

مرنقطة وابو ملف وعلمنا جزاه الله خار كيف نقضمها ..ومن عقبها صرنا

نعرفها ونعرف اسماها ومن وين تجى واشتغلنا علاها فترة بين الربع

وعلى الخطوط وفى القهاوى ..وهات يا طردى يوم الحكومة فينا ويوم انا

فى الحكومة ..الين جا خالى نجر ...وخالى نجر ما تعرفونه شيخ ولد

شيخ الا منه ارتز بالبشت تقول اميييييييير والجماعة كلهم يحترمونه ولا

يسمونه الا خوى الشيوخ دايم دوم نظيف وعلومه كبار وهرجته

اكبر ...ومن عزيمة فى عزيمة هذا يبا شرهة من فلان ..وهذا يبا يشغل

ورعانه عند فلان ...وهذيه تبى تدخل ولدها العسكرية مع عسكر بن

سعود ..وهاك يبا يبيع صقور والثانى يبا يبيع نياق ..والكل يفرح الى منه لفانا خالى نجر ...

ما لكم بطوالها ...خالى كلم الوالدة وقال نبا الولد يشتغل عند

الشيوخ ..خوى ولا صقار ..بينى وبينكم فرحت وفرحت امى ...اما ابويه

يطلبكم الحل ...المهم ...خذانى خالى وشرالى ثوب جديد كبير مقاسه

بس ما علاه وبيض يلق ..وغتره باضا...وحذيان ..وقال لى لازم تلبس

السروال ...والله ما كذبنا خبر بعد ها الكشخة ...رحنا الى الرياض واوووه

يا الرياض شوارع فسيحة وسبيره وفيها داساسين ومطاعم تبيع الاكل

من الى يحبه قلبك ..المهم وقفنا قدام هاك القصر وعلمنى خالى قال

الى منك دخلت كل من تشوفة حب راسه وخشمه ويده ..

وانا ما كذبت خبر من يوم دخلت وهات ياحب حب حب حب اكثر من حبة ياسر عرفات لبوش ..وما خليت احد ما حبيته ...وقلطونا هاك العبيد الى

ما قصرو يعرفون خالى مهو بهين ..وجابو لنا القهوة

والشاهى ..وتغدانا ..ونا انشد خالى اقوله وين الشيوخ وين المعازيب ...قال اصبر عساك الماحى مهو بلحين تشوفهم الى منهم جاو علمتك ..

شوى الا ودخل علانا هاك الرجال المملوح الى وجهه يلق والله العظيم ان وجهه احسن من وجه كل البنات الى فى الديره ...قلت لخالى وانا

اوشوشه هذا من الشيوخ ...قال لا يالماخوذ هذا صديق الامير من لبان

او لبباب ...ما اعرفه المهم تنحنح الرجال وقال ...شو ما عم تحكو ...قلت

نعم قال شو هيدا من وين اجا ها الرجال الكشخة ..وضحك وكلهم

ضحكو وانا انبسطت وقلت اى والله الا وغديت مهم وكشخة ..المهم

ما لكم بطوالها ,,
نكمل معاكم سالفة الوظيفة فى الماضوع الثانى وسمحولنا عشان الامير جا ومن العيب انه يشوفنى اكتب على الكبتوتر ...يزعل علانا ..

وزعله اقشر وشين ويضرب الله يضربه ..ها اسمحولنا وبكره الى منه راح كملت لكم الماضوع مع السلامه استودعنا الله

مرحباً أخي القحطــــــــــاني




سعيد بإنضمامك إلى منتديات الوئام




بإنتظار أن نرى مشاركاتك التي نستفيد منها




تحياتي

ياااااااااحليلك انت وكبتوترك .. انا يااخوي ابالي واحدن مثله يحكي مثل حكيك .. انت تووووووووووووووحي ؟ تكفى ارسله لي محمل على ظهر بعير .. تكفى يالسنافي .. :D

والله يبغالي قاموس ومترجم

عشان اقدر افهمك اخ قحطاني


والله يحيك في كل الاحوال


وتسلم على المشاركه

مرحبا القحطاني ......


اخوي والله ماعرفت وش هي الهرجه


بس عندي استفسار ماذا تعني كلمه البحبحه

وفي كلمات اخرى بس يالله مايهم



وشكرا

هههههه:D :D :D
هلا بك بو الشباب
وييل حولت عيوني وانا اقرا
لا احلى شي بوس عرفات لبووش:D :D جبتها وسويت استعاره مكنيه:D
اقوولك لاتتعب نفسك وتكمل بكره
ترااااااااني تعبت وانا اقرااا

المهم طال عمرك والسامعين ..والله يوم جاء عقب المغرب قال خالى يالله نبا ندخل عند الامير الى منى زهمتك تعال انا بسبقك وانت خلك هنيا ..قلت طيب ..
والله ساعة ساعتين ثلاث الا وهاك العبد يزهمنى قال انت الخوى الجديد ...قلت الله الله ...

قال الامير يبيك والله فزيت وسكبت الغترة وزينت العقال وغسلت وجهى ولبست نعالى ..وكشخت ...ورحت معه يوم اقبلت على هاك المجلس الا والله خالى حوله سبعة ولا ثمانية وراعين عاصبين عيونه وهو يلحق وراهم ...

قلت افا يا العلم هذا خالى الى اتنومس به الى الامنه جاء الديرة ارتز بصدر المجلس ...افا وين البشت يا خال وين الكشخة وين علومك ....هاذى اخرتها تلاعب الورعان ..المهم ماعلانا ..

دخلت الى المجلس مليان من هالرجاجيل الى بلحية والى بدون والى عربى والى عجمى سلمت عليهم والله ما عرفت الامير وينه ...قلت يا الربع الامير وينه اباحب خشمه ...قالى واحد اسكت الامير توه مابعد جاء..قلت فى نفسى الا وحليلاه لو يدخلونى عند البنات الى دخلوا العصر ...ايه الصبر طيب ..
شوى الا وصوت المزامير والاسعافات ...تون... شوى الا وقام العبيد والجالسين يتناقزون يمين وشمال والله فزيت معاهم ونشدتهم وش العلم قالو الامير وصل ...شوى الا ناس داخلين علانا كبار ثيابهم باضا وعلاهم هالمجانيد ومعهم سيوف منهم العبد الى يلق ومنهم الحر...وخر ياولد وخر ياولد ..ويحوشونا يمين وشمال وقدامهم ها العسكر الى رتبهم ونجومهم تلامع وعسران واجد ..

شوى الا ودخل هاك الرجال الطويل العريض الى كرشته قدامه تقول قربة ماء ولا بطن حاشى ..المهم قال السلام علاكم الا والناس كلها مدنكسة روسها وقاموا يلحسون ايدين الرجال لحس والى يحب الكتف والى يحب الخشم وانا اتذكر كلام خالى يوم قال حب خشم الرجال الى منا وصلنا والله يوم قربت منه الى ريحته هذا زينها وانا امسك يده الا والله سنها يد انثى ناعمة ورطبة وحارة ..

والله قلت له انا الخوى جيت مع خالى نجر والله ما كملت العلم للرجال الا وهاك العسكر يوم سحبونى سحب والخويا يوم دفونى بيديهم الا والله انى خارج المجلس قلت ما علانا بكره اصير مثلهم والناس تنحاش منى ..

والله يوم جلس بعد الناس الى حبته قام يحدث علانا وقال الله وقال الرسول وقال الله وقال الرسول قلت والله امير طيب وابن حلال ويعرف الدين ...شوى واذن العشا وقام الامير والناس وصلانا العشا ء وانا اجزه بعيونى وهو يسبح الله ربنا وربه ويذكر الله ويتسنن ..عقب الصلاة قمنا وقالوا اقلطو للعشا والله قلط الامير والى حواليه وصكو الباب علينا وجلسنا فى الخلا قلت افا انا ظيف علاهم ويخلونى بلا عشا ..المهم يوم انهم قامو من العشا قلطنا وكلينا عشا بارد والى حولى عبيد وسودانين وهنود ..قلت ما عليه ..
السموحة نكمل لكم العلم بعدين لان العلم طويل وعلوم بدو...ولازم توكدونها .....

:D :D :D :D
راسك يابس بعد

يالله ننتظر البقيه

والله ما فهمت و لا شي.......إيش هذا اللي كاتبه...!!!؟
ياما و يااااااما تعرفت على قحطانيات لكن ما عمري سمعت باللغة الغريبة هذه...والله ماني فاهمة شي...و بالرغم من ذلك حياك الله بيننا!!!!!!!!

بس ياليت تراعي البقية...ترا الأغلبية ماهم فاهمين شي....مثل حالتي!!