هذه أبيات قلتها عندما
جلست في مطار أبها يومين !! والسبب
الخطوط السعودية الموقرة !!
ولا شك أنها قضيه يعاني منها الكثير خلال الصيف
رغم أنني ذهبت هناك للعمل .. ولست سائحاً !!
يومين نطري للسفر ما مشينا = نبغى الرياض وصبحنا صايرٍ ليل
أبها تقوله وانشد السايحينا = اللي لهم عبر الخضيرا تراحيل
رحله بعد رحله ويا ما شكينا = ذقنا العناء ذقنا الشقاء والغرابيل
نملك اسطول اكبر من المشرقينا = به نفتخر ونقول عز الأساطيل
نسمع دعاياته على كل حيـنا = عبر الجرايد والفضاء والأقاويل
لكن خاب الظن يا العارفيـــنا = بعض الدعاوي فلم مدري تماثيل
الحجز ما من حجز حنا درينا = والكل عارف وش ورى هالبهاذيل
قالو تغيب الناس علمٍ يقينا = بس انتظر حنا مع العدل لا الميل
لا رحت للمسئول قال ابتدينا = هات التذاكر وانتظر للمواصيل
يكتب عليها رقم عند المكينا = ويقول هذا العدل ما هو تهاويل
واليا ابتدى نادى على الحاضرينا = وارقامه اللي قال فيها محاييل
ربعه يقدمهم ولو ما رضينا = قدامنا يمشون واحنا مكابيل
الواسطه عنده شمال ويمينا = وين العدل وين احتساب المكاييل
بنقال واللي صفهم فاهمينا = الواو يمشي والورق له مراسيل
نادو لنا المسئول قال انتهينا =الصبر ما يقواه غير المشاكيل
انتم تشوفون العرب حاضرينا = ما حدٍ يغيب وجاب كل التعاليل
بعض العرب دمعه يهله حزينا=من فوق خده يمسحه بالمناديل
ما فيه لا حيله ولا به عوينا = والله يعين اهل الظروف المعازيل
يا أهل الحلول الوضع صاير مِشِينا = شوفو لنا حلٍ بحل الأساطيل
وانا لما اشوف دعاية الخطوط العربية السعودية .. يجي بنفسي اني اسافر عن طريقها
ولكن بعد الابيات هذي .. خلاص ما لي نفس لول ..
مبدع اخوي الحسام .. والله يعطيك العافية