كوني ذكية ياحواء..

كوني ذكية ياحواء..

الموضوع لا يستحق الالتحاق بجامعة او معهد تدريبي كما بدا ينتشر مؤخراً..
قيل لاحد الحكماء..من الاحمق؟
فقال: هو من تمر من خلاله مشاكله ومشاكل الغير من غير ان يتعلم دروسها..
ويقول المثل...كل دقه بتعليمه..
فمن خلال تجارب من حولي ومن خلال مااستطعت ان اتعلمه اليكم اخواتي المتزوجات هذه النصائح.. وخلوني ابْسط في كلامي ...
اختي.. الرجل من السهل ان تكون اوراقه مكشوفه اذا عرفتي ان تكشفيها بذكاء بمعنى... افضل طريقة لمعرفة مايريده الرجل السؤال الغير مباشر..فمثلاً وهذا كأبسط مثال حدث امامي..
هذه زوجة عمي ارادت تعرف راي زوجها في التجمع في المطاعم يعني مو كل رجال يحب ان زوجته تروح مطاعم لوحدها وعمي شديد اشوي..
فسألتني..
.....اش رايك بروحتك انتي وخوياتك للمطعم لوحدكم..
المهم انا سطلت..وين سلامات الاتفاقيه انروح نستأذن من عمي ونطلع مو تناقشيني وعاد عمي يبيله سنه حتى اقنعه..المهم غمزتلي عرفت وراها علم..
قلت ... وابعدوا عن طريقي اذا تفلفست..
والله يازوجة عمي تعتمد على المراءة ولا ترى معظم الرجاجيل حبيبين.. اذا كنتي تحبين زوجك اكيد بتحافظين على نفسك فما راح تطلعين الصوت العالي او تلفتين الانظار او تستهبلين....
قالت: اكيد اساس سلوك المراءة يعتمد على درجة حبها لزوجها مستحيل وحده تتصرف تصرف شين يسئ لها..
المهم لفيت على عمي وقلت:. ياهوووو يالعم الصراحة عندك مره تموت فيك ياحظك ياشيخ..
المهم انا بروح معزومة في مطعم اقول عمي تكفى خلي .ام سعود تروح وياي..
وش رد عمي.. قال..الي تبيه ام سعود تامر فيه امر..
ياني تنكت وتنحت عمي مو بسهولة يوافق..فعرفت ان التعامل مع الرجل فن قائم على الذكاء البعيد عن الرياضيات والفيزياء,,
وايضاً الرجل يسعى للكتمان في اموره خوفاً من ان تستغل ضده فالذكية تستطيع ان تعرف مشاعره وتعالجه من دون ان تذكر ذلك امامه...يعني الرجل الصامت الكثير من النساء يقولون مسكينه الي تاخذ واحد كتوم..لكن اجده جداً عادي فبتعبير الحاني والغير الموجه لشخصه بعد معرفة مشاعره تجدين نفسك كسبتي هذا الصامت كصديق فيحكي لك..
وهذا مثال اخر..
صديقتي زوجها من النوع الصامت وبتنهبل المسكينة ميته فيه وهو في عالم اخر وتقول ادري بلي في نفسه بس مايتكلم..وقامت تشكي المسكينه..قلت لها حبيبتي اذا جيتي تقعدين معاه انت الي تكلمي عن بعض الي نفسه لا تدشين الدنيا كلها ..لان الرجل ما يحب ان المراءة تعرف اسراره..
وعبري انتي عن الي في خاطرك من مشاعر له وخلي تعبيرك متنوع مره تعبير حسي ومره سمعي ومرة بشئ عيني.. لا تقولين عيب او لا هذه مذلة..احنا نعاني من اللاوعي في مفهوم العيب والمهانه..هذه الامور مافيها لا تخطي على حقك ولا ينزل من قدرك إلا تزيدن مقدار السعادة والراحة الزوجية بطريقتك انتي وباختيارك انتي..
وبالفعل تقول حسيت براحة ولاحظت ببعض التعابير الحلوة منه..
يعني لا تواجهين الرجال بمقولة انا فاهمتك او انت كتاب مفتوح ..
لا تستخدمين الاسلوب المباشر في أي امر لانه قد يواجهك بموجة غضب قوية..
الصبر ثم الصبر ثم الصبر..كوني صبورة مع زوجك..
النفاق..فالرجل يعرف المشاعر الكاذبة والصادقة..واخلصي عملك لوجه الله فماتفعلينه يعد لك اجراً باذن الله لانه مفتاح من مفاتيح السعادة الزوجية التي رزقك الله بها..
لا تقولي هذه امور تذلني..فليس هناك بين الزوج وزوجته كرامة..وان اعتدى احدكم على كرامة الاخر فصدقيني ماذكرته لايعتبر من حدود الكرامة..
التغير لا يكون سريع..يعني لما وحده تكشتف بعض اخطائها..مو علطول تصلحه لا شوي شوي وبتدريج..زي الحرمة الي عودت زوجها اربع وعشرين ساعة الكشة نافشة والريحة تصرع والشكل يخرع وفي اللحظة انقلبت لان الوحده لما تنقلب تنقلب بقوة وبشكل خطأ..يتخرع المسكين ويحط رجوله..
او اربع وعشرين ساعه نكد في نكد ولما تكشف انها نكد حبة حبة مو علطول تتغير لانها ممكن تنصدم..
مثل وحده من خوياتي لما تسولفلنا..استغرب احيانا واقول لها.انتي غريبة ان زوجك الى الان مااعرس عليك..ولالله انه نشمي..الصراحة اعترف اني كنت قاسية بس هي عارفة قصدي وعارفه غلاتها عندي المهم وضحتلها امور ونسيت اقول لها انه حبة حبة لا تدشين الدنيا..
المهم جت اليوم الثاني..ها سلام وش علومك؟؟
يا......لا يجي لسانك على لساني..
خيييييييييييير سلامات اش الي صار..
انتي قلتيلي لا اصير نكديه ولا اتشكى.. امس طول وقتي ساكته وبس اضحك والرجال ماعلق..سكت ولما جا الليل ينقال ابسوي خير فيه قلتله حبيبي ايش نفسك تتعشى..
ناظرلي وقال معليش انا تعبان سوق مافيه والبقالة حولك اطلبي الي تبين الحركات هذه مو عندي..
الصراحة حطيت رجلي برى وفطست ضحك..
المم وضحتلها الامر وقلتلها يمكن هو غلطان ولا ابرر لها كلامه لكن مايلام يا فلانه المسكين 6 سنين متعود على الصراخ والتشكي من فلانه وعلانه والنفس خايسة وممتذمرة..هو توقع ان السنع هذا وراه مصلحة.. حبة حبة علشان تمشي حياتك صح..
التشكي من اهل الزوج وهذه عند الرجاجل فيها قبايل..
اذا جيتي تشتكين من اهل الزوج لغلط ارتكبوه معاك ابداي بذكر حسناتهم بعدين جيبي الي سوه .. والله ثم والله انه ماراح يهدله بال حتى يرضيك..والصراحة هذه شفتها من امي وهذا موقف صار من وحده من قريبنا من جهة ابوي وغلطت على امي وانا ديني ودين الي يرمي على امي نملة احرقه حرق..المهم انا قلت والله لاوريها وباسوي فيها امي قالت لا خليها..وراحت عند ابوي والمشكلة ابوي اشوي متحيز لاهله..بس امي ياناس وامهات قبل حكيمات مع انهم لاهم اهل مدارس ولا جامعات لكن من خريجي اكادمية الحياة..
جت وقالت الصراحة اخوك الله يبيض وجه وش الزين هذا ماشاء الله الله يخليكم لبعض ..الرجال تقطع<<<ابوي..
وبنات اخوك بسم الله عليهم(طبعاً انا قاعده اغلي ابي اشوف امي ايش تبي توصله) لامن ادب ولا من زين الصراحة الواحد يفخر فيهم بس....الله يهديها صلحت شئ ماودي انها سوت هالحركة..
ابوي فز من مكانه كانه بسم الله عليه مقروص.
ايش سوت؟؟
وقالت اممي الي بخاطرها
..وقالت يالله .. الله يهديها لساتها صغيرة..
ابوي خلاص طرطع وقال: والله ثم والله مااعديها لها ولادبها المهم غسل شرعها وتاسفت من خالتي..يعني امي عرفت اشلون تجيب ابوي...البععض يشوف فيها حركة ملتوية..باقول من غير تحيز الي تخاف ربها بتعرف ايش تقول..لا تقولون واقفه جنب امها..
والكلام هذا يمكن مايمشي عند بعض الرجاجيل لكن بذكائك بتعرفين اشلون توصلين..
تفلفست واجد لكن هذا حق لكم ولازم اقدمه لكم
جميل ان الواحد يقدم للناس سواء يعرفهم اولايعرفهمنتاج ماتعلمه من الغير..
ولاتنسين السحر الحلال من التزي والاهتمام بالمظهر وترى مايحتاجله تكلف لانه احد الحكماء نصح ابنته ليلة زواجها بقوله..تزيني بالكحل وتعطري بالماء..
وايضاً الكلام الجميل احيانا كلمة حبيبي وعمري وغيرها من الكلمات اشوفها اسهل بكثير من قولت يابو فلان خليه لما يجي يوم ويسمع منك تنادينه يابو فلان ينحاس يقول ليش نادتني كذا هي زعلنه في خاطرها شئ.. راح تحسين بروعة الامر..
وتمنياتي للجميع حياة زوجية سعيده هانئة..

يعطيك العافيه





اختي على المعلومات



تحياتي

غزاله ياغزاله..
والله منتي هينه..
هههههههههههههههههههههه



يعطيك العافيه..
ومنكم نستفيد..
شايلين هالنصائح لوقت عوزه..

اشكرك غاليتي شامخة على مرورك الهادئ..
تحياتي لك..

افكورس..
يس..
ايام ورعة امي..بالله ماتبيني اكون خطيرة..
اسعدتني يالغالية بمرورك الجميل..
تحياتي لروحك الحبيبة..

كلامك صحيح ..

والشي المهم بالمسأله أن الرجل ..يحب الدلال .. وهو بطبعه طفل بسيط التفاهم ..

لكن الدور والباقي على الحريم .. هم اللي بيدهم كل شي .. ان بغت ترضيه ترضيه .. وان بغت تكرهه عمره تكرهه عمره مافي كلام

يسلمووو غزالتنا الشارده ..

...........

...

والله انك داهيه




على فكرة !

اش رأيك نتشارك بمعهد لتدريس



والا بلاش
مادام هذي علومك ماراح آكل معك عيش




طرح راقي
ونصائح قيمة



سلمت يداك



كلك ذوق


...

	المشاركة الأصلية كتبت بواسطة متعاطفه بحدود

	كلامك صحيح .. والشي المهم بالمسأله أن الرجل ..يحب الدلال .. وهو بطبعه طفل بسيط التفاهم .. لكن الدور والباقي على الحريم .. هم اللي بيدهم كل شي .. ان بغت ترضيه ترضيه .. وان بغت تكرهه عمره تكرهه عمره مافي كلام يسلمووو غزالتنا الشارده ..

كلامك ون هندرد على ون هندرد..
فعلاً دائماً اقول امور السعادة الزوجية هي بنسبة90%على الزوجة..
تحياتي لك يامتعاطفة واسعد الله ايامك.

	المشاركة الأصلية كتبت بواسطة wafei

	........... ... والله انك داهيه على فكرة ! اش رأيك نتشارك بمعهد لتدريس مافيش امل وتبيني كل ماخططت ودبرت رحت فشيت العلوم عند التماسيح..نو وياي..ماتحاولش.. والا بلاش مادام هذي علومك ماراح آكل معك عيش عجزنا فيكم ياهالرجاجيل..لكن تاليتكم عندنا.. هاهاهاهاها.. طرح راقي ونصائح قيمة سلمت يداك كلك ذوق ...

انت اخي الوافي اهل الذوق كله..واشكرك على مرورك الراقي..وتحياتي لك واسعد الله ايامك..

يعطيك العافيه





اختي على المعلومات