|
ملتقى الأصدقاء تهانينا ، افرآحنا ، أخوتنا ، من هنآ نبدأ .. لاستقبال الأعضاء الجدد ، تكريم الأعضاء |
|
أدوات الموضوع |
21 / 08 / 2001, 01 : 08 PM | #1 | |||||||
وئامي جديد
شكراً: 0
تم شكره 0 مرة في 0 مشاركة
|
قصة طويلة ولكنها تستحق القراءة فعلا
كانت ليله بارده ما يعكرهدوءها الا ريحه المطهر اللي يميز المستشفيات بالرغم من اني ماكنت احس باي الم الا اني كنت اتقلب على سريري خايفه من بكره ماادري ليش. ابتسمت وانا اتذكر زوجي كان يقول لاتخافين يالعنود الطب تطور وابلف بك العالم لين تشفين لا تخافين انا معك ... ابتسمت وانا اتذكر كلامه والخوف اللي بنظراته وهو يحاول يطمني ... امي ياحبيلك يايمه طول الليل كانت تصلي وكل مافتحت عيوني سمعت صوت همساتها تدعي لي ووتتضرع لله .. ياحبيلك يايمه وياحبيلي لعيونك اللي مورمه من البكا .. بالرغم من اني مااشوفها وهي تبكي... اشياء كثيره تغيرت هالايام.... زواري كلهم تغيروا ماعاد يجيني احد من سني لا ماعاد اشوف الا كبار العايله اللي يتصفون بالدين والعقل .... شي غريب ماادري وش سببه حتى الاحاديث اللي تطرح في غرفتي كلها عن قوه الايمان والصبر.. وماعاد احد يذكر لي الامل في الشفاء ولا اخبار العايله بنت عمي ولدت مادريت الا بالصدفه سمعت وحده تبارك لامها في زيارتي .. وش صاير ؟؟؟؟ والله شكيت انهم يعرفون عني شي انا مااعرفه يعني يمكن الطبيب قال في حالتي شي .؟؟؟ بس طردت وساوسي بحجه ان الطب تطور والطبيب شكله مطمن على وزوجي يقول اني ابشفى اكيد انشاء الله قطع صوت امي حبل افكاري وهي تناديني العنود قومي وانا امك صلي .... ابتسمت وانا اتذكر كيف امي تغيرت ..... امي اول من كثر حبها لي في البرد اذا اذن الفجر تهمس في اذني اني اصلي وكنها ودها اني مااسمعها واذا ماقمت تعيمت عني وسكتت .. وابعدت وهي تدعي ان الله يهديني... غريبه من بدايه مرضي وهي حريصه على صلاتي تقومني بصوت حزين مستسلم.... ابتسمت وقلتلها انا قايمه يمه ...تنهدت وقالت الله يشفيك يابنيتي .... قلت يمه ليش انتي حزينه ...ترى انا طيبه والله مافيني الا العافيه بالذات اليوم .... و....طلعت امي وانا اكلمها وتركتني .استغربت ...وسكت..... وقمت اصلي .... يوم سلمت وقبل لااقوم عن سجادتي الا باب الغرفه يدق !!! الفجر؟؟ من جاي هالوقت شفت اخوي الكبير محمد يطل من الباب ابتسامته تنور وجهه الملتحي بس ابتسامه كلها حزن .... قال كيف حالك يالغاليه ..اليوم ... وسلم على امي وانحنى يسلم على يدها قلت الحمد لله بخير اليوم انا طيبه واظنهم اليوم بيطلعوني ...عندي احساس ... الغريب بالرغم من اني كنت ابي افرحه الا انه التفت عني وراح للشباك وفتحه ووقف عنده شوي وهو يتنفس بعمق ويذكر الله ... وكأنه يحاول يطرد الشيطان ... بعدين قال بدون مايرفع عينه من الارض...ودي اغير اتجاه سريرك ياالعنود .... وقبل لاارد حرك السرير وخلاه من جهه القبله ... ...ابتسمت قلت لييش؟؟؟؟؟؟ قال وهو مارفع عينه من الارض وبصوت مرتعش افضل علشان اذا دعيتي الله تكونين مواجهه للقبله .... قلت وانا اضحك : محمد اخاف ذي بدعه انتبه .... ولاردعلي حط مصحف جنب سريري وخرج وتركني ولحقته امي وانا ابتسمت وانا اتذكر المناقشات الحاده اللي كانت تدور بينا في امور الدين كان دايم ينصحني ويوعظني وانا بالرغم من اني احترمه الا اني كنت اناقشه في اي فكره يقولها واقول اللي في خاطري وهو كان متقبل للمناقشه ويرد برحابه صدر رجعت لسريري وتمددت عليه فعلا هالمكان احسن من الاول هنا اقدر اشوف الحديقه اللي برا واشوف العصافير تغرد في الصبح تذكرت شباك غرفه بنتي ساره اكيد العصافير متجمعها عنده الحين ياما ازعجتني اصوات تغريدها وفتحت الشباك علشان افرقها لاتقوم حبيبتي ساره وترتاع ... يوه وينك ياساره بكره بتنامين في حضني انشاء الله وابعوضك عن الايام اللي قضيتها بعيده عنك في المستشفى ... بكره ابشم ريحتك ياعمري دخلت امي قلت يمه ساره تراها الايام الاخيره يجيها كوابيس عساك وصيتي نوره عليها لاتفارقها لو دقيقه في الليل لين اجي.. قالت امي ماعليك انتي ساره مرتاحه فكري بنفسك بس .... تمددت على سريري وانا اطالع الساعه على الحائط الدكتور بيجي الساعه 10 وابقوله اني ابطلع خلاص ماله داعي اربك اهلي وزوجي اكثر من كذا خاصه اخوي ماجد قرب عرسه وسحبت مجله ازياء وفتحت على صفحه الموديل اللي اخترته لزواج اخوي ماجد .... واتخيلت شكلي وانا لابسته يوووه ابقهر كثير من البنات اللي ينافسوني في العايله ...ابكسر عينهم وقعدت افكر كيف اقنع الخياطه علشان توافق تخيطه بسرعه وغفيت .....وقمت على صوت اخوي محمد يقرا قران عند راسي وفتحت اعيوني وابتسمت له قلت: محمد مابعد رحت البيت ؟؟؟ يوه وعملك ؟؟؟؟؟ مارد علي وكمل قرايه لين ختم السوره ... وهذا ابو ساره زوجي الحبيب اللي مسك يدي وقال وهو يبتسم بحنان هاه العنود عساك ماحسيتي بشي ....استغربت من سؤاله قلت لااانا ياخالد طيبه مافيني الا العافيه وودي اطلع الصراحه .... قال الله يشفيك وابعد عني بسرعه لااشوف دموعه .... وفي هاللحظه سمعنا دقات على الباب ودخلت الممرضه لتعلن وصول الطبيب وفي هاللحظه زوجي نقز من مكانه كانه مقروص وخرج بسرعه واحد يبي يهرب اما انا فرحت قلت للممرضه بحماس خليه يدخل انا جاهزه ودخل الطبيب وش صار بعد كذه ... هذا اللي راح تشوفوه في الحلقة الجاية .. بناءا على تفاعلكم ورردوكم وتحياتي أخوكم:- حســــــــن |
|||||||
|
||||||||
21 / 08 / 2001, 15 : 08 PM | #2 | |||||||
وئامي مجتهد
شكراً: 0
تم شكره 0 مرة في 0 مشاركة
|
هلا بك الف
بس كمل وفكنا |
|||||||
تعلم فليس المرء يولد عالما
|
||||||||
21 / 08 / 2001, 33 : 08 PM | #3 | |||||||
عضو شرف
شكراً: 0
تم شكره 0 مرة في 0 مشاركة
|
اهلاااا فيك اخوي حسن ....
و حياك الله بعد طول غياب ..... ------ بس يالله كمل ... بسرعة .... لا تكون قصة ترفع الضغط .... زي قصة بعض الناس ....... |
|||||||
|
||||||||
22 / 08 / 2001, 02 : 03 AM | #4 | |||||||
عضو شرف
شكراً: 0
تم شكره 0 مرة في 0 مشاركة
|
هلااااااا حسن .....
كمل القصه ....الانتظار صعب ........المهم لاتطلع مقلب تحياتي ... |
|||||||
زهـــــــ الجنه ــــــ روووعه ـــــــرة
|
||||||||
22 / 08 / 2001, 16 : 11 PM | #5 | |||||||
عضو شرف
شكراً: 0
تم شكره 0 مرة في 0 مشاركة
|
اهلين حسن...
قصه ..مثيره...وبدات..اندمج..لكن..متى ناوى تنزل الجزء الثانى... قريب...ان شالله.... وان شالله ماتطلع....حلم..فى الاخر...؟؟؟ سلام... |
|||||||
[c]
|
||||||||
22 / 08 / 2001, 43 : 11 PM | #6 | |||||||
نبض الوئام
شكراً: 0
تم شكره 0 مرة في 0 مشاركة
|
هلا
عن الدلع ..
كمل .. بس تدري لو نهايتها بايخة شو كان بيصير فيك.. بدوسك في بطنك.. كمل بسرعة... |
|||||||
|
||||||||
22 / 08 / 2001, 51 : 11 PM | #7 | |||||||
سفير الوئام
شكراً: 0
تم شكره 0 مرة في 0 مشاركة
|
قصه حلوه
قصه حلوه
وعرفت النهايه بعد ما نحرقت اعصابي اما نهايه تضحك:D :D دموووووعوووووه موووووتي قهر ماتعرفين النهايه:D |
|||||||
|
||||||||
23 / 08 / 2001, 02 : 12 AM | #8 | |||||||
نبض الوئام
شكراً: 0
تم شكره 0 مرة في 0 مشاركة
|
لاااااااااااااا
عاشق الحجااااااااااااااز
كمل بسرعة .. يالقهر.... شو قال الطبيب... مابي عاشقوووو تعرف و أنا لااااااااااااااااا |
|||||||
|
||||||||
23 / 08 / 2001, 20 : 01 AM | #9 | |||||||
سفير الوئام
شكراً: 0
تم شكره 0 مرة في 0 مشاركة
|
خلاص
اعرفها قبلج
موووووووووتي قهر:D :D |
|||||||
|
||||||||
24 / 08 / 2001, 34 : 05 AM | #10 | |||||||
وئامي جديد
شكراً: 0
تم شكره 0 مرة في 0 مشاركة
|
أشكر كل من قرأ هذه القصة
وخاصة اللذين شاركوا معي Saud <-- أنت بالذات مانا فاكنك ... يا أخي معجب ------------- ملجلج هلا وغلا بيك أخوي تدري مانستغني عنكم :D ومن عيوني راح أكمل ------------- هلا روعة تصدق الأسم (روعة) حلو .. وإسم على مسمى ------------- هلا وغلى abs33 الحمد لله انه القصة عجبتك وبالنسبة للجزء الثاني راح تلقيه تحت :D ------------- dmoo3 ad ههههههههههه مايحتاج .. لا تكملي القراءة اخاف ماتعجبك :p بعدين فيها دوسة بطن هههههههههههههه صحيح نسيت أقول لك ... أمووووووووووووووووووووووووووووووووت في الحركات الي كذا :D ------------- أهلين عاشقة البحر حلو أنك عرفتي النهاية والأحلى انك تعرفيها قبل دمووعووووووووه موتي قهر يادموعووووووه ---------- تصدقوا عاد لما شفت دموعووووووه منقهره أنها متعرف الحكاية .. جاني دافع قوي .. أني ما أكمل ... عشان اخليها ميته قهر على طوووووووول :D |
|||||||
|
||||||||
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
قصص قصيرة ولكنها .....؟ | هلال العتيبي | || اوْرآق مُلَوَنة .. | 9 | 02 / 09 / 2009 06 : 09 AM |
اليكم البرامج الاكثر تحميلا على مستو ى العالم فعلا تستحق التجربة | عازف الإيقاع | منتدى برامج الكمبيوتر | 2 | 29 / 07 / 2009 52 : 02 AM |
طرق تنمية القراءة السريعة ومهارات القراءة How you fast reading and good reading | The Dark Prince | The English Forum | 18 | 05 / 04 / 2008 56 : 12 AM |
فعلا فعلا اثبتوا فشلكم ياحريم | مرتاد الافق | مجلس عائلتي | 9 | 19 / 04 / 2003 28 : 12 PM |
قصه عجيبه ولكنها حقيقيه | جموله الصغيره | || اوْرآق مُلَوَنة .. | 1 | 08 / 08 / 2002 54 : 12 AM |