عذرا على الغيااااااااااااااااااب
وصلوا على النبي
/
/
/
راكب ألي كل ماعشقـت قيـره=اسمع اصوات الكراسي فالعراوي
لون بديه لاعترض لحظة مسيره=مع شعاع النور والخط امتساوي
احمر وباهت على اشوي اتغبيره=فاقع ٍ بالحيـل لاكنـه شفـاوي
مثل لون الروج في شفة منيـره=مع بياض اخدودها بالحيل راوي
صدروه من الكويت بعد الفجيره=والسعوديه لقت بعض الدعـاوي
جمركوه من التوايـر لضفيـره=ورجعوه وقالوا الامر السمـاوي
طابقوه مع المقاييـس الكبيـره=والصغيره خالفة كـل الحـراوي
رده السواق ياويـش البصيـره=دارت افكاره وباحـن الرجـاوي
ثم تعزوا في عزاويـه الشهيـره=الحدود امقفله. والـراي غـاوي
يوم خربت حملوه من الذخيـره=والصناديق احكمت.والحمل قاوي
مشرب الضميان كود اثنين بيره=واعتدال الفكر تفكيك السقـاوي
رفع الماخـود حتـى دار سيـره=مايقلد فالهنيـدي؟؟ وفالعطـاوي
ثم تعرض تختخ ٍ يتعب ابعيـره=بين نفد وبين عقم وذيب عـاوي
مارعتها اطروش والهامل عبيره=ولارعاها من زمان ٍ فات شاوي
اغلق(الايت) وخفف من مطيـره=والدلايل فالنجـوم وفالهقـاوي
نجد؟ هي الاوله وهـي الاخيـره=في صميم الراس والسواق ناوي
يوم دق السلف واسترسل هديره=قبل اذان الفجر معطي له ملاوي
الضحى الساخن وماقبل الضهيره=قد تعدا أديار محرقـت القهـاوي
ثم تنحر نجـد يامـال السفيـره=البلاد ألي عليها القلـب هـاوي
ولا دخل فالعاصمه غرب مسيره=بيت ابو طلال تحقيق المنـاوي
مخرج الجسر المعلق ماش غيره=لين تاصل منزل الحـر النـداوي
عيد؟ عيد الطيب وبناه ومديـره=اشهد انه من نصاه اصبح غناوي
كاسبن ثقة الملك؟؟ قبل وزيـره=وفي عتيبه منزله ياهو يسـاوي
ياولد طاحوس والراي البصيـره=كبرت القاله على امتون الشقاوي
وش لك برجل ٍ غدا فكره اسيره=وانت تدري وانته العد الرهـاوي
الاجر على الله
كربااااااااااااااج