الشيايب !!

مسيكم بالخير أخواني 000

فيه شايب صديقي وانا من عاداتي اصادق الشياب وش حليهم يوسعون الصدر في سواليفهم غير كذا الواحد يستفيد من تجاربهم في الحياة وتشوف من وجهه المعفط كتله من الخبره والتجربه 00المهم هالشايب عزمني لبيته على العشاء مع الاصرار 00وحت له البيت وجاب العشاء وتعشاينا وحمد الله وشكرناه الحاصل اني أنتهيت قبله وهو قعد يأكل - ماشاء الله عليه - الين نظف الصحن بالكامل خلاه يبرق ومن نظافته رفع الصحن وجلس يعدل شماغه فيه - سواها مازحا - بعدها رفع الصحون ومن بينها الصحن المرايه 00ووداها للمطبخ 00ورجع لي يضحك 00قلت له وش فيك ياأبو فلان وش فيك تضحك 00قال : أضحك على الخدامة هالمهبوله 00شافت الصحن اللي كلنا فيه 00وتبي تدخله في دولاب المطبخ تعزبه مغسول قلت لها يالرفله :أغسلي الصحن 00قالت : بابا هزا نظيف ليش فيه غسل - اي والله جد هالسالفه 0000

وعلى العموم ياأعزائي 00فيه فرق بين ان الواحد بخيل وبين الحرص على عدم بقاء الاكل في الموائد وهذا مافعله هذا المسن فهو من عاداته الا يبقي شيئا بعده وقبل كل ذلك يحرص على ابلاغ اهل بيته بان لايضعوا الا مايكفيه ويكفي من معه فقط ، فهو كما قال لي بينه وبين اهل بيته صراع في هذه المسأله 0

مرااحــــــــــب أخي صالح



ورد في صحيح مسلم { ‏أن النبي ‏ ‏صلى الله عليه وسلم ‏ ‏أمر بلعق الأصابع ‏ ‏والصحفة ‏ ‏وقال ‏ ‏إنكم لا تدرون في أيه البركة }....



وشرحه النووي رحمة الله علية بقوله :- أن الطعام الذي يحضره الإنسان فيه بركة ولا يدري أن تلك البركة فيما أكله أو فيما بقي على أصابعه أو في ما بقي في أسفل القصعة أو في اللقمة الساقطة , فينبغي أن يحافظ على هذا كله ; لتحصل البركة , وأصل البركة الزيادة وثبوت الخير والإمتاع به , والمراد هنا - والله أعلم - ما يحصل به التغذية وتسلم عاقبته من أذى , ويقوي على طاعة الله تعالى وغير ذلك .



فجزى الله صديقك الشيخ الكبير في السن لتمسكة بسنة المصطفى صلى الله علية وسلم



وجزاك الله خيراً لتذكيرنا




حياك صالح

مرحبااا بك اخوي صالح..

مشاء الله عليه..الله يعطيه الصحه والعافيه..
تصرفات حكيمه من رجل حكيم
فنحن مساؤلون عن هذه النعمة التي بين ايدينا..
ومثل ماقلت هناك فرق بين الحرص والبخل
وبين الاسراف والكرم...
وما الفائده من امتلاء الموائد بالطعام..
وبالاخير يكون مصيرها سلة المهملات..

الله يجزاك كل خير اخوي
تقبل تحياتي...

السلام...
اخى صالح..


موقف طريق لكن فيه جانب كبير من الحكمه..

فهلا ..لا اسراف ولا..تقصير..

الاكل نعمه..والمفروض ان الوحد يحافظ عليها..
لكن للاسف..

الحاصل عكس كذا..تماما..
وانت تشوف العزايم ولاعراس وش يصير فيها..!!!!


سلام..
اختك ابوسه..
..