انت في الرياض

عاصمة الثقافة .... عاصمة الشباب .... لتسعة اسباب

اذا كنت شاب سعودي وعايش بالرياض فانك راح تستانس لدرجه ما تتصورها . ليش ؟؟ عشان مدينتك عاصمة الثقافة تدعم روح الشباب وتساير جميع طموحاتهم .
عاصمة الثقافة ترحب بك كشاب سعودي وتقدم لك احدى الخدمات التاليه :

1. نادي المفحطين :
كن احد اعضاء نادي المفحطين وانضم الى الشلة ، عشان تشارك يبيلك سياره ( كامري او سوناتا ) النادي سياخذك في زياره لارقى واحسن واوسع شوارع المملكة ( ساسكو - البركسات - المليون...... الخ ) . يمكنك ان تحرز اكبر عدد من النقاط قصدي النطلات والعقد ، لكن للاسف النادي لا يضمن لك ان تعيش طويلا وان قشعت عامود او صكيت بصبة فانك يا المشترك تتحمل كامل المسؤولية بالاضافة الى ان النادي غير مسؤول عن أي اصابات .
كما ان الدولة تتعهد بزيادة شبكات الدوريات ، وتفرض اشد العقوبات على اعضاء هذا النادي .
نصيحتي جبها اشرطة فيديو احسن لك ، رياضات سباق السيارات : فورملا ون , جي تي ، الرالي ، سياكل . ولا حتى تحلم بيها ما راح تدخل المملكة ولا حتى سباق سياكل .

2. الثمامة:
من اروع المناطق الطبيعية بالمملكة ستسمتع باجمل المناظر عندك الرمل الابيض و الرمل الاصفر و الرمل الاحمر . ايه رمل !! وش كان ببالك غابات الامازون . طبعا لو معك جيب لا زم تجرب تطاعس . بس الين متى ؟ كل يوم رمل بتزهق .

3. د.كيف:
محل قهوة جيد مع الوقت راح تسمع المنيو من كثر ما تروح هناك والله يعينك لو ادمنت على الموكا فرابي- يجيلك يوم تندم على ما سويت – لأنه بيقولك الفلبيني : اوي ، موكا فرابي اوت اوب صطك سير .
4. الفيصلية والمملكة :

طبعا بيجيلك يوم تشغل سيارتك وتروح الفيصلية او المملكة ،لما توصل , تطفي سيارتك وتنزل ماشي الين البوابة تبي تدخل ، ويجيك السيكيورتي ويرحب فيك ويقول اهلا وسهلا الفيصليةنورت امر ...... اشطب الي قريته من مخك ، لأن السيكيورتي بيقولك وين رايح يالحبيب ن يلا من غير مطرود .

5. السينما :
ولا حتى تحلم بيها ( بعيد عن شنباتك )، روح اشتر لك فيديو او دي في دي بلاير وسماعات محترمة ، واحتري الافلام تنزل بعد سنة من نزولها بامريكا، طبعا الفلم الي مدته 3 ساعات يتحول بقدرة قادر الى 45 دقيقة .


6. صالات البولينج:
بتقولون وين فلبيني تلعب بولينج !! مو مهم، المهم انو عندكم بالرياض صالات بولينج ما تنعد على الاصابع ، هم صالتين ( فال والحكير) ، مجهزة باحدث كمبيوتر يحسب لك النتايج . الكمبيوتر عبارة عن طاولة قزاز ، وكشاف ، وقلم اصفر وورق بلاستك تكتب عليه . وطبعا عندك تشكيله من احسن الكور، لا تشيل هم اذا جيت تنقي الكورة شيل اي كورة الظاهر انهم موحدين الوزن .

7. المطاعم :
احمد ربك ما صارت عوائل بس ، ولا كان صرت من وزن الريشة .

8. القهوة :
اخر شي على اللستة الحلوة القهوة ، وهي المكان الوحيد اللي مكتوب عليه ممنوع دخول العوائل
انبسط يا عم لقينالك مكان بس الضريبة صحتك .

9. رياضة كرة القدم :
من حب المملكة برياضه كرة القدم ، وفرت لك احسن الملاعب المزروعة والكجهزه باحدث التقنيات ....... الخ .

كل الملاعب بالمملكه ملاعب رملية وتكون على ارض لسة ما تعمرت او ما سورها صاحبها والمرمى عامودين وعارضة من خشب .
اذا ما حبيت الملعب عندك نوع ثاني من كرة القدم ، كرة قدم الشوارع ، الله لايهينكم واحد يفصخ نوعله ويسوي مرمى وهاتك يا لعب وهاتك يا اصابات .
بتسالني ليش ما يسوون زي اوربا وامريكا مدارس كرة قدم ؟؟!! والله ما ادري يبونك تتطلع رجال بعد ما تلعب قتال الشوارع قصدي كرة قدم الشوارع
منقووووووول
تحياتي

........

....

هلا بك فوكس

ابشرك ماحنا من الرياض
ولكن هنا مجد لنا وهناك مجد
وعندنا النخيل والاندلسية تفي بالغرض


كلك ذوق فوكس ...

اهلين فوكس

موضوعك حلو بس لا تشيل هم شباب الرياض عندهم جده ماشاءالله مو مخليه في قلوبهم شيء :D

الوافي

الله واكبر الوافي مسير علينا ايش الكرم هذا وتسلم حبيبي على الزيارة

النخيل والاندلسية تفي بالغرض( وش دعوه كلها معسل تفاح بحريني

ولا فخفخينة وشاهي مغربي)

تحياتي لك

اهلين..... اردينا

جده غيرررررررر

تحياتي

السلام عليكم ورحمة الله وبركاته
وصلاة وسلام على أشرف خلق الله
محمد بن عبد الله وعلى آله وصحبه
وسلم ومن والآه

هلااااااا فكوس

الله يحفظهم من كل شر

ويبارك لهم في وقتم

ويجعله وقت ينفعهم وينفع أمتهم

زهرة بنفسج.