يا مبعدٍ عنّي خيالك قريبي
.. .. .. بالحلم زولك حاضر مايغابي
يا روح روحي منك شقيت جيبي
.. .. .. وعليك صحت و نحت من حر مابي
يا صاحبي صار العنا من نصيبي
.. .. .. و هلّت دموع العين و الراس شابي
من لوعتي من حسرتي يا حبيبي
.. .. .. من دمعتي من عبرتي من صوابي
عالج فؤادي ياهواي و طبيبي
.. .. .. يا غايتي يا سلوتي يا عذابي
ان غبت عنّي كل شئ يغيبي
.. .. .. و ان كان شفتك فاز قلبي و طابي
بالله شفني من غرامك صويبي
.. .. .. كنّي عضيض الغلث ممّا جرا بي
اونست من فرقاك حر اللهيبي
.. .. .. و ناديت يالمملوح من ماصطابي
ناديت لكن مالصوتي مجيبي
.. .. .. و عضيت راس ابهام كفّي بنابي