العايله المخلبصه

ماعليش ياشباب تاخرت ماكتبت لكم من زمان
وهاذي اخر الاصدارات من عبود طش مطش


حبيت اني ابدي بقصه طويله حيل, بس حبيت اوضح انه القصه راح اتمر بظروف تضحكم وظروف تخليكم تقولون "اف" ليش قرينا هالقصه. فالقصه راح اتكون مشتمله على حياة أسره واشخاص كويتيين. والكلام راح يكون على حسب الأشخاص الموجودين بمكان القصه. يعني اذا البقال صعيدي راح يتكلم صعيدي, اذا البياع هندي راح يتكلم عربي مكسر, وهاكذا, القصه مو للتجريح بأي أحد... اهي فقط للوناسه وللناس اللي يحبون القراءه. وطبعاً من تأليفي.

اهي تشتمل على اجزاء, فلما اوقف... يقدر اي عضو يكمل من وين ماوقفت.... بس ارجو انه يكون قاري اللي كتبته علشان يكون متابع ويعرف شنو قاعد يتكلم عنه, ويحترم الشخصيات الموجوده, واذا في اضافه لشخصيه معينه عنده عادي يقدر يضيفها بس يكتب عنها نبذه مثل ماراح اسوي بشخصياتي ويدخلها بذكاء, مو من مكان غلط... ولا غير جذي راح يخترب كل شي ونضطر انه نلغي كل شي ونبدى من اول ويديد! وعادي اذا ماكو احد يكمل, انا Already اقدر اكملها!

-------------------------------------------------------------------------------------
الأبطال ثلاثه... زين, زان وزينا! ونبذه عنهم"

الأسم: زين هشام
اهو: الأخو الأكبر بالعايله واللي قاعد يحاول انه يكون فخر حق اخته واخوه, وانه يساعد امه من بعد ممات ابوه, هشام.
كنيته: الشراني
عمره: 23
فصيلة دمه: AB+
يحب: الطنازه
يكره: الحب
البلد: الكويت (امه امريكيه وابوه كويتي)
أكلته المفضله: مجبوس دياي
أغنيته المفضله: أبناء الحريه حق "جوليا بطرس"
يدرس: بكلية الآداب
-----

الأسم: زان هشام
اهو: الولد الحبوب حيل واللي كلامه كل يكون فيه احكام. حبه حق حبيبته ريم لايوصف ومايرضى عليها اي شي.
كنيته: المملوح
عمره: 22
فصيلة دمه: O
يحب: العدل والمساواة
يكره: الناس اللي تنزل نفسها حق شي مادي
البلد: الكويت (مثل اخوه)
أكلته المفضله: همبرجر
أغنيته المفضله: أنا طيبه حق "شيماء الشايب"
يدرس: بنيوهورايزن
-----

الأسم: زينا هشام
اهي: البنت الأموره حيل واللي مايهمها غير جمالها الفتان.
كنيتها: الشقرديه
عمرها: 19
فصيلة دمها: A+
تحب: اتكون الأجمل والأحسن بين البنات
تكره: اي وحده اجمل منها
البدل: الكويت (مثل اخوانها)
اكلتها المفضله: مافي شي معين... لأنها اتحب اتحافظ على هيئة جسمها.
أغنيتها المفضله: يا غالي حق الفرقه الكويتيه "غيتارا"
تدرس: بكلية التجارة
--------------------------------------------------------------------------------------

مرياما: بابا... بابا... قوم قوم, ماما سوي نادي انتا. مدرسه روح لازم!
زين: هااااااااااااااااااااااااااااااااااااااااااااااااا
ااااااااه... مدرسه طل بعينج, بعدين بعدين!

مرياما: بابا... بابا... ماما زعل واجد اذا يجي مافي انتا, معاش خصم والله حرام!
زين: يه! انتي غبيه ولا شكلج جذي يالعتره انتي!!! ذلفي اقول ولا بوكس اغير تسريحة شعرج المعرفج هذا...

مارياما: انت نفرات واجد موزين... انا قول ماما انتا قوم مافي!
زين: ذلفي!!!

-راحت مارياما تشتكي حق امها عن زين انه مايبي يقوم وعصبة الأم وقامت تصرخ من الطابق الأول-

الأم: زييييييييييييييييييييييييييييييييييييييييييييييييي
يييين....

-زين مطنشها-
ا
لأم: زيييييييييييييييين ويهد, قوم لا ايلك!
زين: بل, قايم يمه والله العظيم قايم, شهالصوت اللي واصل لي آخر طابق, عفيه حنجره!

-بعد نص ساعه-

زين: هاااااه (يثاوب), صباح الخير.
الأم: صباح النور!
زان: صح النوم!
زينا:

زين: والله حلمت حلم الله لايوريكم!

-الكل ساكت لأنهم معتادين على أحلامه الخرافيه-

زين: ماسألتوني شنو كان!
زان: شنو كان يابو الأحلام!

زين: حلمت صرصور عنده براطم الله لايوريك, ولا براطم "صاحبنا", كان قاعد يلحقني من مكان لي مكان, ولما حكرني بزاويه وكنت متشجع اني اتهاوش معاه, خربت علي حلمي هالفقمه مرياما وقعدتني من حلمي!
زينا: ويييييييييييييييع, انا رايحه الجامعه ماما, جاااو!
الأم: الله يقطع أحلامك التافهه, اكل وروح كليتك!
زان: ^_^

زين: انتو اشفيكم علي ها؟! هي انتي زينا وين رايحه! روحي الغرفه وحاولي اتخففين من هالمكياج ولبسي شي طويل!
زينا: شنو... شنو شنو شنو! هذا اللي ناقص, انت تقولي شنو اسوي وشنو الصح من الغلط!
زان: يبى خلها تلبس اللي تبيه, ماتبون المرأه تروح فوق وياكم وبعد ماتبونها تلبس شي قصير بهالحر, ارحموها!
الأم: زان, كبرتي ^_^

زان: يمه انا ذكر, ذكـــــــــــــــــــــ والله ــــــــــــــــــــــــــــــر! مايصير اتكلميني كمأنث وتقولين "كبرتي", المفروض اتقولين "كبرت"! فرق شاسع, مو مثل الأنجليزي!
الأم: هى هى هى هى, Okay sweety

زين: انزين يا زينا, ماتبين اتعدلين من نفسج هاااا! بس خل يكون بعلمج "ماطار الطير وارتفع الا كما طار وقع" والأيام بينا!
زينا: اخاف صج... ماما I'm outta here, see ya!
الأم: Bye Zena.

-بعد ساعه بكلية الآداب محاضرة الفلسفه-

زين: آآآآآآآآآآآآآآآآآآآآآآآآآآآآآآآآآآآه (متأخر), والله سوري دكتوره هيفاء, كانت الزحمه على الآخر!
هيفاء: انت دايماً هذي حجتك, ادخل ادخل بس انت عندي غايب!

زين: يامعوده, ما....
هيفاء: هييييييييييييييييييييييييييي انت يا طالب, شنو "معوده" شهالكلام السوقي! انا عمري 40 اي كبر امك وعندي اولاد كبرك اتقولي "معوده"!
زين: عيل عوده

الطلاب: هاهاهاهاهاهاهاهاهاهاهاهاهاهاهاهاهاهاهاهاهاهاهاها!
هيفاء: سكوووووووووووووووووووووووووووووووووووووووووووت! شقلت؟!
زين: قلت ماراح اعيدها!

هيفاء: اي احسب وحسبي قوي!
زين: (يفكر) الحمد لله سمعها مو ذاك الزود ولا جان توهقنا...

باي باي مع تحياتي لكم عبود طش مطش

|2|
|3|
|4|
|5|
|6|
|7|
|8|
|9|
|10|
|11|
|12|
|13|
|14|
|15|
|16|
|17|
|18|
|19|
|20|
|21|
|22|
|23|
|24|
|25|
|26|
|27|
|28|
|29|
|30|
|31|
|32|
|33|
|34|
|35|
|36|

ههههههه
ايش علىقصه

وايش عليك خيال رهيب

عبود

اقول زيدنا من مسلسلاتك المخلبصه الحلوه هادي



بس الاحلى الابطال هم الي في نهاية القصه صح بس كان يبغالك تعرفنا كل واحد مين فيهم