تجديد الاقامه للسعوديين

ما ادري وشلون ابدا الموضوع ولكن اللي خلاني افكر في هالموضوع هو البطاله اللي اصبحت منتشره عندنا جدا ......يعني خذوا عندكم مافي وظايف .....تروح اي منشأه حكوميه كانت او خاصه يقولون لك امسك الباب ولا يفكرون انهم ياخذون ملفك واذا اخذوه لا تصدق وتفرح تراك قبل ما تطلع من عندهم الق نظره على زبالتهم وانتم بكرامه بتلقى ملفك هناك مع ملفات ثانيه ......ما في قبول بالجامعه الا اذا كان عندك ( واسطه ) وطبعا مكانك بالجامعه محجوز قبل ما تتخرج من (( السانويه )) العامه على راي اخواننا المصريين .....وكما ان الشي بالشي يذكر لاحظوا اننا اصبحنا مثل بعض الشعوب العربيه المجاوره اللي كانوا يأتون يشتغلون عندنا بسبب الاوضاع الصعبه في بلادهم .....من زمان ما عمرنا سمعنا بازمه الثانويه الا بالمسلسلات المصريه والحين صرنا نحس فيه كل سنه ......ما كان عندنا بطاله ولا يحزنون ......والحين .....الكل يعرف وش الاوضاع حتى اول كان في استقرار من الناحيه الاسريه تلاقي العائله كلها بنفس المدينه اما الحين تلقى الام بجيزان او عقله الصقور او حفر العتش (ولا احد يسالني وين هي فيه بس سمعتها بالنشره الجويه ) علشان تدرس الطالبات والاب في الشرقيه مثلا علشان العمل والدوام والاطفال عند جدتهم بالرياض مساكين قمه التشتت علشان الاسباب السابقه الذكر والانتعاش الاقتصادي الذي تعيشه بعض البلدان التي كانت تصدر ابناءها للعمل لدينا عندما كانوا يسمون المملكه جنه الله في ارضه .....والارض الخيره لمن اراد الغنى .......خلوا بالكم من العمال اللي يشتغلون عندكم لانه بظل هذي الاوضاع مو بعيده بعد كم سنه تشتغل انت عند سواقكم ويصير هو معزبك .......ويا كل اللي سويته فيه بيطلعه من عيونك ......والا تشتغلين انت مربيه او طباخه لشغالتكم ......ياهي علوم تتصير .........لا وتخيلون نروح نجدد اقامتنا ....ونراعي الكفيل لا يزعل مننا ........واذا صرت داخل بدون تصريح .......يعني بالعربي الفصيح متخلف ......ويدورون عليك حقين الاقامات ......وانت تتخبى من مكان الى مكان .........على العموم الله لا يجيب هاليوم ان شاء الله ......وهذي والله تخاريف من ضيقه الصدر من هالاوضاع اللي تجيب الهم ......او هي محاوله لقراءه المستقبل ...........

مرحبا امير الليالي

وين التخاريف بكلامك ..!!

قصدك نظره للمستقبل المشرق

على الاقل نحنا احسن من غيرنا ...انقبلنا بالجامعه

لكن اذا تخرجنا ملفاتنا مصيرها معروف :D

مو مشكله وين يروح ملفي ...اخرتها بالبيت ...بس انتم يامساكين

جلست اتخيل اني اشتغل عند شغالتنا ... الله لايقولها ... يااااااويلييييييييي منها

هلاااااااااا وغلاااااااااا فـــــــــــــــــــــرح

المهم اننا كل صباح

تشوفينا وحنا دايرين

بملفاتنا من شركه الى مؤسسه

نتمشى ونتعرف على المنشأت

المهم ما نجلس بالبيت

ونصيحة .. ابدأي جربيه من بكره الصباح

اصحي من النوم بدري وسوي القهوة

وجهزي الفطور وصحي الخادمه واضحكي

في وجهها وفطريها وصبي لها القهوة

واجلسي سولفي معاها

واذا جات تبي تقوم تشتغلي .. امسكيها

وقولي لها اليوم اجازه :D

ما تدري يمكن تحن عليك مستقبلا ........( والشغل ماهو عيب )


.........................
تحياتي

هههههههههههههه :D

واذا شافتني امي وش بتقول عني

استخفت البنت اكيد

وانا مايقيمني من النوم غير الجامعه ..وماصدقت انها تخلص

تجي الحين تقولي قومي علشان تفطرين الشغاله

ممكن نصرف الشغاله واشتغل بدالها وانت تصرف سواقكم وتشتغل بداله

نرضي اهلنا ..... وبعدين مافي سبب يخليهم

ينتقمون منا ..مثل الخدم


وبعدين ايش الفال هذا ....؟؟؟ خدم عند الخدم ...الله يستر من تخاريفك

هلااااااااااا فرررررررررررح

عسى الله لا يقولها

لكن مع هذه الاوضاع

لا تستبعدي شي

اليوم هي تخدمك

بكره انتي تخدميها

التعاون حلوووووووووووو

.......................
تحيـــــــــــاتي