قول رايك عن الي فوق ......!؟!؟

السلام عليكم ورحمه الله وبركاته

وش رايكم

كل واحد يكتب ويقول رايه او شو يعتقد وشو الي في باله عن الي فوقه....


يعني الي بيكون بعدي يقول شو الي يعتقده عن اطباعي والي يحسه بشخصيتي... والي بعده يسوي نفس الشي عن العضو اللي فوقه





اتمني انها تعجبكم ...



تحياتي

لمياء بنت حبوبة وحلوة وطيبة ومزيونة لا وكبر عمري بعد

وأتمنى أني أتعرف عليها في المستقبل القريب

ياليتني سبقتك يابنت البحرين .. بس يالله فاتت علي

بنت البحرين بنت عاقله ورزينه .. بس ماتعرف تطبخ ... الا البيض المسلوق وتعرف تحضر الزيتون .. يمكن

مع ذلك هي بنت رايقه واعتقد انها تحب كرة السله .. يتراوالي <<<< كأني شفتها تلعب مع فلم كرتون

وهي بنت مجتهده ونشيطه <<<< يعني لا تحوشك ابعد عنها لا تهفك كف تروح فيها :D

أيضا هي بنت كلها ذوق لكن ماتعرف تختار الالوان <<< مجرد اعتقاد بس اذا اختارت اختارت

وبعدين شكلها تلعب تايكوندو ومعها الحزام الاسود <<<< يعني اللي يبي يهاوش أحد يتصل عليها ويزهل الموضوع .. مع ذلك هي حنونه وخجوله وتستحي من ضلالها

ايضا ...................<<<<<<<<<<<< خلاص يكفي فضايح
مع ألاعتذار للأخت بنت البحرين .......... من دون زعل .. بس هذا اللي اتوقع :D


ملاحظه :
اللي بعدي لا يلوم الا نفسه ترى رايح ارد بعده

طــــــــــــــــــــــــــارق
مارحمت بنت البحرين وشلون تبيني ارحمك
اوكي طارق
انت تحب الكورة كثير
تحب تتريق كثير وتطنز
ذكي مجتهد وعندك حب للمعرفه والتعلم
يحب الطيور كثير
والزواحف والقوارض بعد (ماخلى شي")
شاعر مميز رغم قله انتاجه
يهوى قفز الحبل واللعب بالمصاقيل وتسلق الجبال الوعرة
صبور مثابر
يهوى السفر والتغير وبس
اقول طارق ان دخلت بعدي شوي شوي ولا ترى ارد بعدك
سلملم

ايوه جيتي بنفسك يالولوة الغامدي
انا من زمان وانا اودي اتهاوش معك .. والشكر للمياء
يعني كل ذا فزعه .. طيب
لولوة شكلك مثقفه .. بس تحبين الشخبطه على الجدران
وشكلك بعد تضبطين .. الدغابيز يعني قريبه من بنت البحرين حول بعضكن
وهوايتك جمع الطوابع وركوب الخيل والرسم بالالوان الخشبيه ممايدل على احساسك الرقيق .. بس تتنرفزين بسرعه وهم تهدأين بسرعه
اتصورك دبه هههههههههههه يعني اكثر مني بالوزن ماعليه ترى الجريب فروت يمدحونه للرجيم مع البيض المسلوق اللي راح تسويه لك بنت البحرين
وتحبين تربية الماعز وخصوصا مثل اللي في مزرعة جيراننا .. عاد تعالو شوفوها وتعرفون كيف هي
وش بعد ايييييييه .. تحبين الضبان وملاحقتهم في البر وماتحبين اكلهم
تحبين اكل ابو فروه
وتكرهين الكوره بس تمسكين حارس أحسن من الدعيع
مع هذا كلك ذوق خصوصا بتنسيق الورد
وصبوره على الجوع والعطش .......... هههههههههه يعني برمضان مايهمك شي ... عيني عليك بارده
وش بعد ذكروني ... يالله انكمل بعدين
لحد يرد علي بقوه ترى ...... راجعيييييييييييييييييييييييين

طارق؟؟؟؟؟
اثرك دبي وانا مادري (طحت بلسانك)
اقول لاتترك الريجيم لين تصير غزال شارد ههههههههههه
اعتقد انك تحب ترعى الجمال

تحب دايما تفحط بالوايتات هههههههههه
اسمك الحقيقي مرزوق ويدلعونك باسم زوزو
تلف الشماغ حول راسك وتلبس سويتر اصفر على بالك كاشخ
ولاتدخل بعدي

أقول لولوة ... دبي والا ابو ظبي ... ماراح اتركك
ومن ناحيت شارد اي والله شارد الذهن سرحان
وأحب ارعى الابل وما احب ارعى الجمال

والوايت مهب حقنا والا كان فحطت فيه لين وحشت عنزك اللي تشبه عنز جيراننا

واما الاسم الله يرزقنا كمان وكمان .. وعين الحسود فيها عود وخشبة الحبس خمس خشبات وخشبه .. قوليها خمس مرات وبسرعه لا لا مو كذا قولي اسرع

والا قولي مرقة رقبة بقرتنا اطعم من مرقة رقبة بقرتكم بسرعه وخمس مرات .. وأقولك عنك انك ذكيه وشاطره

ايه نسيت اقول انك تحبي تلبسين الكرته والكرديله
وبس
انتي ذكيه وماتنتحارشين لا تردين تكفين
والا ترى برد واقول اللي عندي بجد ... تمويه هههههههههه
وياويلك ياللي تعادينا ياويلك ويل .. هع

حشا وكلا وألف لا ما قصرت فيني يا طارق

وبعدين أنت قلت أني ما أعرف أطبخ لكن من عيوني الثنتين راح أعمل للولوة الجريب فروت أصلا ما اعرف شنو هذا ومن زمان اسمعهم يلعون فيه

والخرابيط يا سلام عليها متفننة فيها بس خلني أحصل حصة فراغ أمسك القلم والدفتر وعاد قاطعوني واني اخربط إلا الكفووووووووووووف في وجوهكم

هذا إذا قربتون صوبي

سلملم

حاشا وكلا بنت البحرين ماتعرف القريب فروت

عموما انا اقلك .. هذا طال عمرك هو عباره عن عجينه يخلطوها مع الحليب والفستق والباذنجان المسلوق ويضيفو عليها شوي من تول الشاهي وحثال القهوه وباقي الجلي اللي بالثلاجه له يومين ماحد اكله ويبهروها بشوية بهارات من اللي يحبها قلبك يعني اختياري على كيفك .. ويفقسون عليها بيضتين ويخفقونها مع العجينه خفقاً جيدا .. ويقطعوها قطع دائريه صغيره بعدين يجمعوها سواء لين ترجع قطعه واحده كبيره .. بعد كذا يعيدو تقطيعها مربعات بس على أكبر شوي .. بعدين يقلو نصفها في الزيت والنص الثاني زايد مايبغوه ولما يخلصو من القلي ايضا يرموه لأنه ماعاد ينفع للإستهلاك الآدمي ..:p |1| :D

الله يهديك يابنت البحرين أنت من جدك ماتعرفي الجريب فروت

مرحبا
طارق
حبيب الكل طارق قمة الرزانه
من الشباب المشهود لهم بحسن الخلق
من اسلوبه احس انه يحاول كسب ود الجميع
وما يبي احد يزعل منه او يأخذ منه موقف
اتوقع انه يحب المغامرة والتهور
لبق الحديث قوي الشخصية
لا حشا صرت منجم !!
تحياتي