به خصلة ٍِ من واحدٍِ تكرهونه ؟؟؟؟؟؟؟؟؟؟؟؟؟؟

[poet font="Arabic Transparent,4,black,normal,normal" bkcolor="transparent" bkimage="backgrounds/7.gif" border="none,10,burlywood" type=0 line=200% align=center use=ex length=0 char="" num="0,black" filter=" glow(color=seagreen,strength=2)"]
هلا بالجميع

يقول : ذيب حوما سلــّــــمكم الله


ويش الذي ماشيف بالعين زوله 000 وبه خصلة ٍِ من واحد ٍِ تكرهونه

من رافقه كد قيل كب الرجوله 000 ومن الثلاثه عابده تعرفونه


ولكم مني أجمل تحيه :


/////////////// ذيب حوما ///////////////
[/poet]

ممكن القلب

صح لسانك يا ذيب .... ومساء الخير ......

وش رايك بالهوى وهوى النفس ......

تحياتي ،،،،...

حياك يالحربي وياهلابك

مقدرا ًَ لك مرورك وتكرمك بالرد

وبالنسبه لرمعتك (( مالك لوا ))

وبانتظار رمعتك القادمه 0

تقبل أجمل وأطيب تحيه من :


/////////////// ذيب حوما ///////////////

هلا ذيب .... رمعت رمعه وما رديت ....

اعتقد اني استخدمت خط صغير والا وش رايك ....

تحياتي ،،،

صح بدنك والله يمسيك بالخير والعافيه

هلا بعذب السجايا

يقول المثل [[ طقّتين بالرأس توجع ]]

أنا خطاي عليك مثل الشمس الشارقه لكن وش تبيني أسوّي
أدخل على المنتدى وأنا عجل أرد باللي أقدر عليه ؛ والحقيقه
أحيان أقرى الحل ورمعتك قريتها ويعلم الله سبحانه أن ما صار
ماهو خصران ٍِ لك لكن غصب ٍِ علي 0
لكن من اليوم وطالع يالرّبع لحدن يشره علي بالردود

عذب السجايا ويش تبغاني أقول 000 الأولـــه بالرمــح والثانيــه فيــك

بالأوله عذري بلا شــك مقبـــــول 000 لكن بالأخرى يجي فيه تشكيك

واليوم مالي حق في شي معقول 00 وأن قلت هذي قالوا النّاس هذيك

الله يجيــرك مابقى عنـــــدي حلول 00 والله عليـــم بخافيـات الدواكيــك

الحاصل أني دايم الدوم مشغول 000 ولاني بردّي يا أبيض الوجه ناسيك

الوضع يالطّيب ليا صار مجهـــــول 000 حذرى تبين به مع الناس يوذيــــك

خل السّتار بكل الأحوال مسدول 000 قدّام لا تشكي ومن قبل لشكيك

بمعاملـــــه في حينها مالها حول 000 وأقول عنها ماتبي غير تحريـــــك

محروم يوجد طحاطيح وزحـــــــول 000 لو تطلب الفزعه يلجـّــون لبيــــك

وبالمنتدى ياطيب العرف مسئـــول 000 حكيـــــم عاداته يحل الشرابيك

وش رايك نحيل القضيه على طول 000 عليه وأحكام الكريميــــن ترضيك

نشرح له الأوضاع بالعرض والطــول 000 وجلمود والا الرمح بالحكـم ينبيك

وأنا من أسباب المقادير مذهـــول 000 ولا تشتكي للناس عن كل مافيك

ياطويق عذري منك ياطويق مشغول 000 ولا قول غير الله يثيبك ويهديك

وتقبل مني أطيب تحيه :
////////////// ذيب حوما ///////////////

الله الله ..... الله لا يضرك ....

الله يبارك في ساعة جابت لي ها القصيدة

ما عاد عقب ذا العذر عذر ....

على فكره .... وصلت مشاركاتك ال 100

يعني راسلني على الخاص ....

على فكره الرمعه صحيحه والا ندور غيرها .....

تحياتي ،،،،

//// نديم طويق ///

هلا بعذب السجايا

اخوي بالنسبة لرمعتك

كلي أسف (( مالك لــــــــــوا ))

وبانتظار رمعتك الجايه


مع تحيات :

/////////////// ذيب حوما ///////////////

وينك ياذيب حوما

الحمد لله على السلامه

شفت اسمك تتصفح الالغاز اليوم

من طول الغيبات جاب الغنايم


اخوك,

محاولة للحل :

يمكن المطلوب كلمة ( يمكر ) في هذه الكلمة كلمة مكر وهي خصلة في الثعلب ، ومن الثلاث أحرف عابده يعني من الميم والياء والراء كلمة

( مريم ) أي العابدة مريم بنت عمران .

والله أعلم ,