الطفل لامن خاف امه تخمه = تحميه من شر الزمان وبلاويه.......

عندما يخاف الانسان يلجأ الى المكان الذي يجد فيه الامان.
ولكن اذا اصبح هذا المكان هو مصدر الخوف .
فأين يكون الملجأ بعد ذلك؟

الطـفـل لامـن خـــاف امــه تـخـمــه = تحـمـيـه من شــر الزمـان وبلاويــه

بـس البـلا لصـار خـوفـه مـن امـــه = وين المكان اللي على الارض ياويه

لي صاحـبٍ جـيــت اتـذرى بـكـمـــه = من بين خـلق الله جيت التجي فــيــه

لـكـن لـقـيـت الــداهـيـه والمـطـمــه = ان البـلا اللي صـابني مـن ايـاديـــــه

يضحـــك بنابـه كـل ماجـيـت يـمــــه = وسم الافاعي من ورى الناب مخفـيه

نسل الردا يجـري الردا وسـط دمــه = لو رام فـعـل الطـيب عـيت مـبـاديـــه

والـحـر يزكي لـو ربى في مـقــمــه = لو رام غـدرٍ يمـنـعـه طـيب اهـالـيــه

مايستـقـيـم الـعـود في راس قــمــه = لابـد ما صـلـفــات الاريـاح تـثـنـيـــه

احمد بن عبدالرحمن العريفي
(نديم المجره)

قمة الرووووعه
لاهنت أخوي نديم المجره

	المشاركة الأصلية كتبت بواسطة نديم المجرة

	يضحـــك بنابـه كـل ماجـيـت يـمــــه = وسم الافاعي من ورى الناب مخفـيه

اللهم اكفنا اياهم بما شئت

	بـس البـلا لصـار خـوفـه مـن امـــه = وين المكان اللي على الارض ياويه

ايــ والله
البلا لاصار خوفه من امه

	مايستـقـيـم الـعـود في راس قــمــه = لابـد ما صـلـفــات الاريـاح تـثـنـيـــه

حكمه هذا البيت



ابداع من شاعر عهدنا منه الابداع



سلمت يداك نديم


كلك ذوق


...