حان الفراق وقرب الهجـر والبيـن

كنا صغار وفي هوانـا صغيريـن=أطفال ما ندري وش آخـر هوانـا
ما نعرف الأشـواق كنـا بريئيـن=نكتب مشاعرنـا ولا احـدٍٍ قرانـا
كانت تقـول قلوبنـا ماهـم اثنيـن=نبضي ونبضك قلب يسكن حشانـا
وكانت تخط بدفتر القلـب حرفيـن=وترسم حروف العشق فـي مبتدانـا
وكنا نتقابـل كـل يـومٍٍ ويوميـن=نلعب وكان اللعـب أكبـر خطانـا
من قبل لا تضفي على الوجه طرقين=ومن قبل لاتكبـر ويكبـر شقانـا
ومن قبل لا يحجب حلاها عن العين=ومن قبل لا تحسب علينـا خطانـا
وسارت بنا الأيام من دون رجليـن=لاهو برضاه ولا بعد من رضانـا
وأصبحت أشوفه كل شهرٍ وشهرين=مره ومـره ينقطـع بـه رشانـا
نكبر ويكبـر حبنـا ف الشراييـن=وفي كل يوم يمـر يكبـر غلانـا
ومن عقب ما مرت على حبنا سنين=واللي طـواه مـن المحبـة طوانـا
جاني وقال الحيـن فرقـا الوليفيـن=دارت على فرقاك صخـرة رحانـا
حان الفراق وقرب الهجـر والبيـن=وصلـت بنـا الأيـام ل منتهانـا
دربك شمال ودربنا يا هوى يميـن=ودروبنـا تمنـع لقـاك ولقـانـا
أرجوك لا تترك بها القلب جرحيـن=جرح الظر وف وجرح دمعة جفانا
فعلك كريم وانـت أهلـك كريميـن=والعرف والأقـدار عنـك تحدانـا
والحين جيتك وآخر وصالنا الحيـن=للبعـد وقفنـا الزمـان ودعـانـا
مابيك تسمعها من أقصى البعيديـن=وما بيك تنظر لـي بعيـن الهوانـا
أبيك تذكرني مـع العسـر والليـن=وأبيك تحفـظ لـي غـرامٍ سقانـا
وأبيك تذكر يـوم حنـا غريريـن=يـوم انتقاسـم كـل شـيٍ معانـا
ويوم إننا نبكـي إذا ردنـا حسيـن=ويوم إننا نضحك إلى مـن عطانـا
ويوم إننا نركض بوسـط البساتيـن=عن باقـي الأطفـال محـد ورانـا
وآخر كلامه أودع القلـب قسميـن=قسـم شكـا بعـده وقسـم شكانـا
واقفا يغطي عاتقـه طـرق ليليـن=ليل الجديـل وليـل ظلمـة سمانـا
روح وخلا بأوسط القلـب سكيـن=تدمي حشا جوفي وتقطـع رجانـا
وأنا على فرقـاه ذقـت الأمريـن=خلٍ على عـوج المحانـي كوانـا
أشيل له عهـد الهـوى والمحبيـن=وأشيل له ف القلـب نبتـة وفانـا
وأتذكره والنـاس ماهـم بداريـن=وأتذكره عقـب السنيـن و بطانـا

نايف بن تركي

الاخت الرااااقيه


الليدي عمشا


اسعد الله ايامك بطاعته اخيتي


سلمت يداااااك على هذا النقل


وصح لسان بن تركي

تقبلي تحياااااتي

مشكورة أختي يعطيك الف عافية

	وأنا علـى فرقـاه ذقـت الأمريـن خلٍ علـى عـوج المحانـي كوانـا أشيل له عهـد الهـوى والمحبيـن وأشيل لـه ف القلـب نبتـة وفانـا وأتذكـره والنـاس ماهـم بداريـن وأتذكـره عقـب السنيـن و بطانـا

اللـــــــــــــــــــــــــــه..
قصيــــــــتده تحكـــــــــــي قصــــــه ..
أبــــــدع الشاعــــــــر فـــــــي تصويرهـــــــا..

صــــــــح لســـــــــان ناظمهـــــــــــا..
وسلـــــــمت يميـــــــن مـــــن نقلهـــــــــــا..

الليدي عمشا
ســلـمـتـ يــــــــــداك .. والــي الأمــــــــاام أخـتي بــهــذا الــقــلـمـ الـذهــبــي



وهـّذا الأختيار الــعــــــااامـــر بــــــاجـمـل الـمـعــــــــــــــــااانـــي ..




لا عــدمـنــــــــــــــــــــــــاااكـ أخـتي وبــشـوووقـ الي رحـيـق أنـــــــــــااامـلـك ..


تحياتيـــ لكـــــــــ
أخوكـــــــــ
بحر المعاني

الله الله الله

اختيار راااااااااااااااااااااااااااائع

صح لسان .. نايف بن تركي ..

وتسلم يمنااااااااااااااااك .. ليدي عمشا ..
.



.

ابو رهف

الله يسلمك

مرورك انار متصفحي


.
.

بسمة الضي

هلا و غلا

الف شكر لتواجدك

.
.

شروووووق


مراحب


الله يسلمك


شكرااا لمتابعتك


.
.

بحر المعاني


الله يسلمك

الف شكر لتواجدك و جميل ردك


.
.