في مدحها تعجز بيوت القصيدة

هلا بالجميع يسعدني أن اشاركم بهذه المشاركة الجميلة .

معليش المعذرة على الغياب بعدم المشاركة لاى هالحين بس جهازي ذبحته الفيروسات كل شوي جايني فيروس ماادري من وين يجي ..

المهم مالكم بالطويلة .. خلوني اتحفكم بهذه القصيدة والتي تعبر عن نفسها ..


قالت ترى بدري كتبته قصيدة .... وأنتَ ترى شاهد على ما كتبته

كتبتها بدمـــوع عينٍ سهيدة .... وأعيشها حلــمٍ قــــــديمٍ حلمته

وتزين البرواز صــــورة جديدة .... أحلـــم بها ليــلٍ طــــويل سهرته

وأطوي مع الأيام ليالٍ عديدة .... كانت من المــاضي كتابٍ فتحته

وما فات مات ورغبتي به وكيدة .... واخلي اللي كان بير وطمرته

واللي مضى عنوان خــط بجريدة .... مثلي قراه ولا شفاه وحذفته

خــــلاص منه ليه مثلي تعيده ..... مالي ومال اللي مضى لو ذكرته

واليوم أنا ببدأ حياة جـــــــــديدة .... واسقي ثرى حبٍ جديدٍ غرسته

واصبحت ملك اللي بحياته وحيدة .... أسيرته من يوم قصـــره دخلته

أنهت وقالت كـــــــل شيءِ تريده .... واخذت منها درس ليّه حفظته

درسٍ يقـــــــرا والليالي وليــــدة ..... والي يبي يفهم عدت وشرحته

أمرٍ لنـــــــــا مقسوم والعمر بيده .... لحظة تجي بالعمر لو ما لحقته

وأقفت ضــــعون اللي علينا فقيده .... اللي وصايفها قليل إن وجدته

في مدحها تعــجز بيوت القصيدة .... حتى ولو بالغصب بيني كسرته

تمت وصلى الله على أشرف عبيده .... اللي على مناهج ربه تبعته



وبعد اتمنى ان تنال القصيدة إعجابكم ..


تقبلوا تحياتي .....



اخوكم / نديم الماضي

[c]


[/c]
[c]
بسم الله الرحمن الرحيم
السلام عليكم ورحمة الله وبركاته

نديم الماضي

واليوم أنا ببدأ حياة جـــــــــديدة .... واسقي ثرى حبٍ جديدٍ غرسته

واصبحت ملك اللي بحياته وحيدة .... أسيرته من يوم قصـــره دخلته

أنهت وقالت كـــــــل شيءِ تريده .... واخذت منها درس ليّه حفظته

درسٍ يقـــــــرا والليالي وليــــدة ..... والي يبي يفهم عدت وشرحته

صح الله السانك وسلمت ودمت
قصيده رائعه ومميزه
تقديري واحترامي

اخـــــــــــوك

الحســـــــــــــــــام[/c]
[c]


[/c]

وأقفت ضــــعون اللي علينا فقيده .... اللي وصايفها قليل إن وجدته

في مدحها تعــجز بيوت القصيدة .... حتى ولو بالغصب بيني كسرته

تمت وصلى الله على أشرف عبيده .... اللي على مناهج ربه تبعته

رائع مذهل قصيده
فوق كل المعاير وش اقول
بس عنها يانديم
جزاله في المعنى قمّه في المضمون

لافض فوك يامبدع
اخوك السيف

هلا وغلا بنديم الماضي

صح لسانك وبيض الله وجهك

قصيده رائعه بكل ماتحمل من معاني

يعطيك الله الف عافيه

وتقبل تحياتي

اخوك / الجهني

نديم الماضي
صح السانك وماقصرت

...........

...


هلا بك نديم الماضي

عودة حميدة وموفقة
ومن خلال هذه المشاركة الرائعة

كلمات جميلة ومعبرة يانديم


ابدااااااااااااااااااااااااااااااااع
معهود منك



سلمت يداك






كلك ذوق


....

هلا وغلا / الحســـــــام ..

تسلم طال عمرك .. وشكرا لك على تشريفك الميمون ..

وصح بدنك يالغالي ... ..

ومثلك نفرح اليا شفناه يزين الدار بطلته ..

تسلم يالغالي ..
تقبل تحياتي ..


اخوك / نديم الماضي

هلا وغلا / الســـــــــيف ..
تسلم يالغالي وشهادة منك اعتز بها وخصوصا انك شاعر له مكانته في الوئام .. اتحفتني بهذه الزيارة والتشريف وما تقديم للاحسن الا لانكم من منحني تقديمه ..


مرة اخرى الف شكر لك ..


اخوك / نديم الماضي

هلا وغلا / الجهني ..

شاعر له باعه الطويل هنا . تعجبني ابياتك .. جميلة هي ...

شرفتني فازدادت مشاركتي اشراقا بك ... كلماتك تكفيني فخرا ان ازهو بقصيدتي طربا ..

لا ترحمني تشريفك المتكرر .. فهوا حافز لي ف يتقديم الاجمل ..

تقبل تحياتي ..


اخوك / نديم الماضي

هلا وغلا / زمــــــان الصمت ..

صح بدنك اخوي .. وشكرا لك على تشريفك لي ..

بك تزهو مشاركتي . فلا ترحمنيها ..

تقبل تحياتي ..


اخوك / نديم الماضي