‍‍‍‍‍‍‍(.. هووووول الفاجعـــــــــه..)

فاجعة رحيل الملك فهد بن عبد العزيز يرحمه الله

ياكبر هول الفاجعه يوم الاثنين=اشد..واكبر من جميع الهوايل
حين ارتحل نور الوطن خادم الدين=فهد العرب واقفا عن الدار شايل
للحزن ثارت في وطنا براكين=واجتاح في ركبه شعوب وقبايل
وشلون ماتحزن عليه الملايين= هذا الفهد عدله عدل كل مايل
حكمه بشرع الدين سن القوانين= ماسن عن حكم الشريعه بدايل
شيخٍ بنا مجده بكل الميادين= لوغاب شخصه ماتزيله زوايل
تاريخ عهده ثابتٍ بالبراهين= عشرين واربع من سنينه دلايل
نهضة وطن. بنيان. طرق..وبساتين=والعلم والتعليم فاق المثايل
عهد الرخا.والعطف. واللطف. واللين= عهدٍ تميز في جميع الوسايل
عهد العطى عاشوا بخيره كثيرين=اعطى هنا واهناك معطي جزايل
بالدعم تشهدله قضية فلسطين=والبوسنا. وافغان. شعب وفصايل
ويشهد كويت العز يوم اللقا الشين=كيف اثمرة وقفة عريب السلايل
حطم جيوش الظلم واقفوا معيفين=عن دار جاره.. وانكسر كل عايل
ويشهد بعد لبنان حينٍ بعد حين= عقب التفرق كيف لمّ الشمايل
هذا بعض ماقدمه للمسلمين= عساه للجنه رفيع الحصايل
امين قولوها معي قولوا امين=عسى ابو فيصل مايشوف الهوايل

ياكبر هول الفاجعـه يـوم الاثنيـن
اشد..واكبر مـن جميـع الهوايـل

صح لسانك

تغمد الله فقيد الأمتين بواسع رحمته


...

الاخ خلف

السلام عليكم ورحمة الله و بركاته


صح لسااااااااااانك و غفر الله لملكناااااااااااااا

و اسكنه فسيح جناته

هـذا بعـض ماقدمـه للمسلميـن
عسـاه للجنـه رفيـع الحصـايـل

اللهم امين



تحيااااااااااااااااااااااتي

السلام عليكم ورحمة الله و بركاته
الأخ الغالي ( خلف الاسيد )
صح لسانك وعظم الله أجرنا وأجرك في فقيدنا جميعاً وغفر الله لملكنا وأسكنه فسيح جناته
فمهما كتبنا فلن نحصي أو نعد ماقدمه من أعمال الخير لنا ولعروبتنا وللمسلمين وقضاياهم كافة
هـذا بعـض ماقدمـه للمسلميـن
عسـاه للجنـه رفيـع الخصـايـل
اللهم آآآآآآآمين
لاهنت وبيض الله وجهك وسلمت يمناك يابعدي
وتقبل خالص شكري وتقديري؛؛