##يا سعد عينه ليا شاف الملوخيـــــــــــــــــــــــــــــة##

[poet font="Arabic Transparent,18,red,bold ,normal" bkcolor="" bkimage="http://www.mahroom.net//backgrounds/44.gif" border="ridge,3,gray" type=0 line=200% align=center use=sp char="" num="0,black"]
هالشباب العاطل التعبان التارك لمبادئ دينه ومجتمعه أكل ونوم ومابه نفع
قلت:

أوّاه والله لابرد حرة(ن) فيه
لولي على اهل الخنا سلطان وولايه

في مجتمعنا شريحة للشقا سيّه
الفرد منهم على علباه عرقايه

ما ينتسرح ولو في عنز سوريه
فضيخ قلب(ن)غشيم امعوكس(ن) بايه

يا سعد عينه ليا شاف الملوخيه
ولا الدجاجه تلوج ابصيخ شوايه!

فردة كلاويه تبرز كبر الاثيه
من زود الانعام جاله زوج تكايه

ما يامنه غير منهو يامن الحيه
مافيه سده ولا في شاره اكفايه

عربيد هربيد مليانن عونجيه
نذل(ن) خبيث(ن)خبل ما ينوخذ رايه

مرجوج ملبوج روح اهداه مرعيه
فطر به الجهل فطر الما بالانحايه

دوّاج بايج صحب شلة بونجيه
الرايحة تستوي عنده مع الجايه

نقصن على ابوه وامه ظامها غيه
مادام صاحي فالاسرة منه شكايه

وليا رقد راح الاخو ابمرقده بيه!
ضيع فروضه وشيطانه ركز رايه

ماللحيا في محيا الدلخ ماريه
اقبالة الدلخ ما تفرق عن اقفايه

سطلن لبس له غلط غترة وطاقيه
نقصن ببعده ونقص وفقر بادنايه

جليسته شاشة فالبيت فضيه
منها تحصل على تهذيب وربايه

ذي مسرحيه وذيك افلام هنديه
وهذي تغني وذيك اتروج دعايه

وهذيك رقاصة(ن) تبدي سنافيه
وصار يتربى على حكّاي وحكايه

وبرا تحصل على شلة حونشيه
ويدرسونه بليا كتب وقرايه

اداير الفكر في جيل السحرتيه
وش خاتمتهم بليا دين وهدايه

يا شيب راسي من اجيال الفضائيه
يربى عليها الولد من وقت حوبايه

يربى على افكار واخلاق(ن) فرنجيه
ولاعاد له في مبادي الدين همقايه

الله يصلح احوال الشباب
المنســALMNSDHـــدح

[/poet]

اخي المنسدح

مسائك جميل

حقيقه دائما ما اقراء غير الشي الجميل والرائع

وهذا يدل على طيب ذائقتك عزيزي

الف شكر على ماتقدمه من مشاركات راقيه

تحياتي

الأخ المنسدح
أسعد اللــه مساءك

الحقيقة أول مرة أتصفح لمشاركتك ،،،،

كلمات جميلة وعبر نسأل اللــــه أن يتعض شبابنا ،،،،




يعطيك الف عافيـــة ،،،،،،


وتقبل مني اطيب التحية ،،،



أخوك
بوصالح

الشاعر الرائع
المنسدح
ياخوك قمت تسدح بالمعاني على كيفك
وطلعت لنا هالدرر الثمينه
والاستنباطات القيمه
والتشبيهات الموفقه
احسنت في ماقلت
والله يعطيك العافيه ويجزيك كل خير
وفعلا المجتمع لا يسلم من هالعينات لا كثرهم الله
الله يصلح شباب وشابات المسلمين.

اخوك السيف

.........

...


الا الملوخيه !

رجاااءً لا تغلط عليها
خصوصاً اذا كانت بالارانب ولايهون الضبان
وبعدين ترى
لو تعرف الملوخية زين
كان مايمديك منسدح
لكن مالك بالطيب نصيب



ابدعت والله يالمنسدح
وسدحت المعنى سدح
عسى مايسدحك لاحر ولاشر
وعسى الله شباب المسلمين
قل آمين



سلمت يداك



كلك ذوق ...

أخوي المنسدح

عافاك الله على هالقصيده وصح لسانك

ومثل ما قال أخوي السيف

وفعلا المجتمع لا يسلم من هالعينات لا كثرهم الله
الله يصلح شباب وشابات المسلمين.

تحياتي لك
طارق

اهلين المنسـدح الشامخ!


قصيـده ولا أروع..

تصـور لنا فئـه من فئات المجتمع

ربنا يصلح أحوال الجميع
وانــــت
صح لسانك..
والله يعافيك على هالقصيده المعبره

تحيااتي

المنسدح

اش سويت فينا اليوم

من كثر ما اضحك ما قدرت ارد ولا قدرت اكتب

وينك يالمنسدح ... والله لو إنك عندي غير احب على راسك

بيض الله وجهك وصح السانك

رائع والله رائع .... وابدعت أيما إبداع

تسلم يالشاعر ...

سجل إعجابي ... وسجلني كلي إعجاب

تحيات أخوك

الحسام

الف الف شكر ياخوي المنسدح
على هالقصيده الرائعه
قلمك رائع حقا وقولك اروع وابلغ
الله يعطيك العافيه وتزيدنا من قصايدك
وتسلم
لولوة

	الرسالة الأصلية كتبت بواسطة الســــيف الشاعر الرائع المنسدح ياخوك قمت تسدح بالمعاني على كيفك وطلعت لنا هالدرر الثمينه والاستنباطات القيمه والتشبيهات الموفقه احسنت في ماقلت والله يعطيك العافيه ويجزيك كل خير وفعلا المجتمع لا يسلم من هالعينات لا كثرهم الله الله يصلح شباب وشابات المسلمين. اخوك السيف

مشاركه رائعه بروعتك

وتقبل تحياتي

اخوك / الجهني