إلى ضحكتي تضحك الانس والجان .. وإلى زعلتي يزعل الكون كله.......

إلى ضحكتي تضحك الانس والجان
وإلى زعلتي يزعل الكـون كلـه

يادرةٍ عـزة علـى كـل الاثمـان
بالوصف عن كل الـدرر مستقلـه

يافرحةٍ تبسمـت بيـن الاحـزان
يافرجـةٍ بيـن الشدايـد امطلـه

ياكف شهـمٍ مدهـا يـم غرقـان
باخر رمق من تحت الامواج تلـه

ياجرعةٍ عذبه على حلق عطشـان
امن الضما عجزت أعظامه تشلـه

ياضوح برقٍ لاح بعيـون بـدوان
تباشروا عقـب السنيـن المغلـه

يانشوة الصحه على جسم وجعان
اربع سنيـنٍ ثـاويٍ فـي محلـه

يالذة الغفوه على عيـن نعسـان
مره تغـم العيـن ومـره تفلـه

يافيضةٍ عشبه غدى اشكال والوان
بالسدر عن شمس الظهر مستظله

يانسمةٍ تسللـت بيـن الاغصـان
يـاوردةٍ مـن شمهـا مايمـلـه

صرتي ورب البيت للزين عنـوان
كنك شعاع الشمس والناس ظلـه

لو قسموا زينك على كل الاقـران
كفى وفاض ومابقي شَيَـنْ لَـلْـه

ماهمني غيرك من العالم انسـان
من بينهم وسط الحشـا مستحلـه

يارب سهل دربها وين مـا كـان
وخل الحيـاة بوجههـا مسفهلـه

يارب وفقهـا علـى كـل ميـدان
يـارب لاتجعـل حياتـه ممـلـه

أعيذهـا بالله مـن كـل شيطـان
واعيذها من كـل نفـسٍ مظـلـه

أستغفر الله واحمده عالي الشـآن
إن شاء . يغفر كل ذنـبٍ وزلـه

احمد بن عبدالرحمن العريفي
(نديم المجره)

..............

...

قصيدة راائعة ومعبرة


ابداع عهدناه من العريفي



...

قصيده رائعه
صح لسااااااانك شاعرنا احمد ..

لاجديد سوى تجد الابدااع
ابدعت مليووون ولايسدوون يالعريفي
قصيدة عجبتني من مطلعها لختامها
لله درك على ماتفيض به قريحتك
صح لسانك مدد بلا عدد
دمت ودامت حياتك بخير وسعادة

شرفني مروركم
واسعدني ثنائكم
الله يسعدكم
تحياتي