فاتن قلوب الصبايا قال : ((احب البندري!!))

السلام عليكم ورحمة الله وبركاته
أسعد الله مساء الجميع
واليوم جيناكم بقصيدة لشاعرة أقل مايقال عنها داهية ودهائها جسدته
في تصخير القوافي وترويضها وعلى أسلوب ونهج جنوني.

بلغـوا كـل العـذارى لا يسـوّن اعتصـام = وخبروا الاسعاف لظروف الطواري تحتـري
وااستعدوا للشغـب فـي فوضويـة وازدحـام = يمكن اثار الغضب تاصل حدود المشتـري!!
الطواري والمطافي ووالحرس. .واهل النظـام = والحكومـة نبهوهـا . والوجـود العسكـري
واحذروا تخطيطٍ(ن) ارهابـي وتنفيـذ انتقـام = وانا عن نفسـي اباخـذ احتياطـي وحـذري
جاكـم الموجـز ودوكـم التفاصيـل العظـام = ذمتي بريتهـا وصويحبـي ايضـاً(ن) بـري
يوم جاني ناسف الغتـرة وفـي قلبـه كـلام = ابتسم لي ناظره.. ثـم ابتسـم لـه ناظـري
بعدها ثـار الفـؤاد بخفقـةٍ(ن) دون انتظـام = صارت الفرحة في قلبـي تتهـزّع سامـري!
قال لي كلمـة وانـا اوليتهـا كـل اهتمـام = فاتن قلوب الصبايا قال : ((احب البندري!!))
وقتها حسيت نفسـي طايـرة فـوق الغمـام = يوم غيري باعترافه صار وضعـه مـزدري
ايه ياللي تعذلـون القلـب مثلـي مـا يـلام = ايه فرحانـه كثيـر وعلـم اللـي مـادري!
ايه فرحانـه بحـب الاجـودي ابـن الكـرام = حبه اللي في ضلوعي باريٍ(ن) حالي بـري
كلمته حطت بصـدري للفخـر اكبـر وسـام = نلت منهو كان حلمٍ(ن) وسط قلبـي يزهـري
اربع سنينٍ(ن) وخيل الحب ما طـاق اللجـام = اكتم احساس الغلا اللي جايشٍ(ن) به ضامري
لاحكن فيه العـذارى ترتكـز فينـي سهـام = اذكر اني انغبـن.. واعجابهـن زاد قهـري!
كنت احاول اخلق الصدفات مع بـدر التمـام = لاجل افوز بنظرةٍ(ن) منه واسلـي خاطـري
واتجمّـل.. واتزيّـن باللثـام وبالـزمـام ! = واضبط اسلوبي.. بنفس الوقت اضبط مظهري
كم تصنعت المواقف لاجـل اشوفـه والسـلام = كيف اجل ما افرح ليا منه لفانـي مشتـري؟
ياسقا الله يوم جانـي يعتـرف لـي بالغـرام = يوم ذقت الكلمـة اللـي طعمهـا كالسكـري
حبه اللي في خفوقي مثـل مـردوع الوشـام = والله اني غير اصونه.. وافتخر به.. واجهري!
والله انه مـا يشـوف الا الوفـا والاحتـرام = والله ان احساس قلبـي والغـلا لـه ينثـري
المهم .. كـل الصبايـا لا يسـوّن اعتصـام = ذمتـي بريتهـا . وصويحبـي مثلـي بـري

أتمنى أن ينال إختياري القبول منكم وأن تحوز على رضاكم وإعجابكم
وتقبلو كل الود؛؛

عازف الناي
الله الله الله

يااااااااااااااااسلام على هذه الروعة التي تحمله هذه القصيدة

تسلم يمينك يا عازف الناي
جايب لنا خووووووووووش قصيده
عجبتني كثير كثير

يعطيك العافية
تعيـــــــش

يااسسسسسسسسلام على القصيده

ماهيب صاحيه ذا البندري

منقووول رائع عازفنا

سلمت يالغالي

تحياااتي

محمد السبيعي

اللللللللللللللللللللله
قصيده رائعه وليست بغريبه على ذوق عازفنا
وسلمت يداك
تحياتي.

	المشاركة الأصلية كتبت بواسطة غيث السماء

	عازف الناي الله الله الله يااااااااااااااااسلام على هذه الروعة التي تحمله هذه القصيدة تسلم يمينك يا عازف الناي جايب لنا خووووووووووش قصيده عجبتني كثير كثير يعطيك العافية تعيـــــــش

--------
أركمت ذيك السحابه وهلت بغيث السماء
هلا وغلا ومرااااحب فيك أختي
أكتملت روعة القصيدة وتميزت بتواجدك معنا في منتدى الشعر
وأكيد رحب بوجودك وتشريفك
مرورك وتواجدك أزدان به متصفحي وأضاء مشاركتي المتواضعه
لاهنتي وسلمت يمينك على كل كلمة كتبتيها
والله ياغيث أنه من دواعي سروري وأنبساطي عندما أجد قبول لمشاركتي من جميع اخواني واخواتي
واهم شيء أنها أعجبتك يالغالية
لاعدمناك ولاعدمنا تواجدك الدائم
تقبلي خالص تقديري وأحترامي؛

	المشاركة الأصلية كتبت بواسطة محمد السبيعي

	يااسسسسسسسسلام على القصيده ماهيب صاحيه ذا البندري منقووول رائع عازفنا سلمت يالغالي تحياااتي محمد السبيعي

------
هــلا وغــلا والله ومرحبا
بشاعرنا وأخونا الحبيب
محمد السبيعي
إعجابك بالقصيدة وسام شرف وتوقيعك إضاءة لمتصفح عازف الناي ودعم وتشجيع ماهو بغريب على مثلك يابعدي.
والله يالغالي أنها من أجمل وأقوى قصائد الشاعرات اللي قريت لهن
وبقصيدتها هذي لا.. حشا ماهيب يم الصحو إلا معها أقوى من سعيد ومرجانه أللي طفشهم أبو رهف
وجعل من قال تسلم يمناه
لاهنت أخوي ولاعدمناك ولاعدمنا مرورك الذي يتميز دائماً
بكل الود تقبل خالص تقديري؛؛

	المشاركة الأصلية كتبت بواسطة حالمه

	اللللللللللللللللللللله قصيده رائعه وليست بغريبه على ذوق عازفنا وسلمت يداك تحياتي.

------
ياهــلا والله ومسهــلا بالأخت الرائعه
( حــــالمــــه )
مرورك وتشريفك أزدان به متصفحي وأضاء مشاركتي المتواضعه
التي جعلتموها في قمة الجمال برقي أخلاقكم وروعة تواجدكم
وكلك ذوق أختنا الغاليه
وهذا قليل مما تعلمناه من المبدعين في وئامنا العزيز
وجعل من قالت تسلم يمناها ويوفقها ربي
لاهنتي ياحالمه ولاعدمنا وجودك الذي يضيف روعه وتميز على مشاركاتنا
وتقبلي مني خالص تحياتي وتقديري؛؛

الله الله الله

اختيار رااااااائع ومميز

صح لسان البندري

وتسلم يمناك .. عازف الناي ..

الاخ عاااازف

قصيده رااااااائعه جدااا

سجل اعجاااابي بها من اول الى آخر حرف

و الله ماهي هينه هالبندري

تسلم يمينك على الاختيار الراقي الذي تعودناه منك



تحياااااااااتي

	المشاركة الأصلية كتبت بواسطة سديم

	الله الله الله اختيار رااااااائع ومميز صح لسان البندري وتسلم يمناك .. عازف الناي ..

-------
هــلا والله ومرحبا بالأخت الرااائعه
( ســديــم )
مرورك أختي وتشريفك ودعمك لنا هو ماجعلنا نحاول أن نقدم مايكون مقبولاً لدى القارئ
وأقتبسنا من روعة أختياراتك وذوقك المميز في إنتقائها هذه المشاركة ليكون لوئامنا بصمات من ذهب
في أختيارات أعضاءه
لاهنتي ياسديم ولاعدمناك يالغالية
وتستاهل الشاعره التي تميزت وتألقت فيما كتبته
ومن قالت جعلها تسلم يمناها ويحفظها ربي من كل شر
خالص تقديري وأحترامي؛؛