..أخطاء..لفظية!!؟؟

مواقف في الأخطاء اللفظيَّه
هذه فكرة وردة في ذهني وترددت في كتابتها ، وهي :

أن الإنسان يقع في خطأ لفظي ، وهذا الخطأ يكون غير مقصود ولكنه يكون فكاهه .

من لديه مثل ذلك فليشارك به مشكررًا :

والبدية مني طبعًا ههههههاه لاتسبقوني

خالتي كانت بتقول لولدها سدد الفاتوره قالت:

فتت الساتوره

وهذه سالفه لأخوي: أحد الشباب حضر إلى المحاضرة وقد مضى جزء كبير من وقتها وعندما سأله المحاضر عن سبب التأخير ؟

أجاب : البشر كنفر .

وكان بيقول :
الكفر بنشر

تحياتي..
بنت اهلي

:D

|2| موضوع رائع ..........الله بعطيك العا فيه


ولي رجعه مع المواقف الكثيره التي حدثت لي

:D :D ..:D :D ..:D :D
موضوع ممتع بنت اهلي

يامطب الكثرات
قصدي ياكثر المطبات..:p

لكن مع الاسف مايحضرني شي الحين

اذا فطنت اجي واقول

تحيّ تقبلاتي
قصدي تقبلي تحياتي..:D :D

ههههههههههههههههههه

فكرة حلوة بنت أهلي ,.,

بس المواقف اللي كذا كثيرة مرة ,.,


يعني لو نألف فيها كتاب خاص لي لوحدي ,., ما كفاني ,.,

:D :D


من كثرها ناسيها ,.,


بس الفكرة مرة جميلة ,.,

لما اتذكر شئ بأرجع أقوله ,.,

سلاااااااااااااااااااااام ,.,

بنت اهلي ابوك للجنه ..............

سبقتيني ع الموضوع كنت ناوي اتكلم فيه ولكن يقول المثل

رب اخ لك لم تلده امك

فيه قصه صارت لواح من اصدقائي في اخرها صار الخطاء اللفضي

صاحبي شغال في بنك في خدمات العملاء ومجتهد

المهم يشوف كل يوم واحد كبير سن ولكن صاحب ارصده بلملايين

الرجل كل مايدخل البنك كل الناس تطير فيه وترحبه

يوم من الأيام جاء ولقى عند موظف خدمات كبار العملاء زحمه

قال ياولد اروح لهذا اكيد بيخلص موضوعي وراح لصاحبي

باطبع صاحبي يعرف من يكون الشخص المهم رحب فيه

وبداء يشوف شغله وفي الأخير لازم يدخل التاجر الرقم السري

صاحبي يبغى يقول تفضل ياطويل العمر قال تفضل يابعد عمري

الشايب انهبل قال وجع وش يبي ذا صاحبي عطاه الكي بورد وطلع من الفرع ولا جاء الا من بكره


فيه سالفه ثانيه بس احس اني طولة عليكم

بقولها في رد ثاني كنه مهوب انا اللي سولف عليكم قبل شوي

بنت عنيزه فزيت يوم شفت
الكثرات احسبها الكراث

هذي القصه كلها علي بعضها خطاء لفضي ومطبعي طبي وام بي سي

صاحبنا نفسه جاه خبر ان احد الأصدقاء ماتت جدته

اخذ معه ثنين من الشباب عشان يعزون

دخلو علي العزاء وحصلوا الرجل يبكي وبشده وهم يعرفون ان جدة الرجال كانت في المستشفى حوالي سنه

استغربوا ليش يبكي بشده المهم عزوه وجلسوا جنبه يهدؤن فيه الين

هداء الشباب يبغون يطمنون ع الوالده عسى ماتأثرة

قال واحد منهم كيف الوالده عسى ماهي متضايقه

الرجال رجع يبكي بشده ويقول الوالده اللي ماتت

قاموا كلهم مره ثانيه يعزون من جديد وكل اللي في العزاء

مستغربين وش فيهم مره ثانيه يعزون

اثاري صاحبنا فهم غلط يوم وصله الخبر

>>>..
.....

ياكثر مواقف الأخطاء اللفظية..وسببها واخد هو العجلة بالهرج..

مثلي أنا وبنت خالتي مرة في أيام الامتحانات سهرانين الليل لحالناوخايفين,,
وأسمع صوت يخبط برى الغرفة..قلت لها وشو ذا؟

قالت لالا عادي هذا باب الصبّاخ يحمّمّ ,,,

( باب الحمّام يصبّخ ) هذا اللي تبي تقوله بس مع الروعة..
اختبصت الأمور عندها!!!!!!

والمرة الثانية سألتها على صوت في المكيف بس من برى,..

قالت لي ( يمكن قرد فاعق قود المكيف ) ...تعالوا دوروني من الضحك..

مسكينة قعدنا ساعة على بال ماسكتنا من الضحك بس أبي أفهم وش كانت تبي تقول..
عاد عرفت انها تبي تقول ( يمكن قرد قاعد فوق المكيف )..

والله من زين الهرج..!!! لغة مافي زيها..

تحياتي لكم..
بنت أهلي

موضوع حلو...
أفتكر يوم الإختبار صحبتي كانت تبغا تسأل زميلة لنا عن شي في النحو قالت: كيف هذه الجبنة؟؟
(طبعاً كان قصدها الجمله)

و أفتكر مرة أختي دخلت المجلس و كانت أمي تناديها و بدل ما قلت لأمي دخلت أختي المجلس قلت: دخلت الجزمــة!!!!!

[c] [/c]

[c]موضوعك جدا رائع ويموت ضحك
والله ياكثر ماضحكت على القرد اللي فاعق قود المكيف [/c]
[c]بصراحه مواقف كثير صارتلي من هالنوعيه
بس والله قلبت الذاكرة مو فاكرة ليمن ذكرت بعلمك
بس فيه ثلاث مواقف بقولها الحين [/c]
[c]الموقف هذا صار لواحد من أخواني يوم راح يعزي صديق له مات ابوه
يقول بدل مااقوله عظم الله اجرك قلت له ألف مبروك ..
يقول صديقي قعد يضحك وانا من الفشله ماصلحتها او اتعذرت
رحت وخليته [/c]
[c]الموقف الثاني لوحدة من خالاتي حرمة كبيرة يعني حول الأربعين
في مرة من المرات بتعطي امها ( جدتي ) الدواء
وتبي تقولها اشربي عساه يهناك قالت اشربي عساه مايهناك
عاد خالتي مرة تنكدت وقعدت تتعذر من جدتي
وجدتي الله يهديها راسها يابس عيت تسامحها زعلت [/c]
[c]الموقف الثالث صارلي انا بس انه بايخ مير عاد بقوله
مرة من المرات وانا قاعدة أصلي وكان التليفون جنبي
واختكم في الله ( اللي هي انا ) ملحوسة تليفون
من زود لحسة المخ اللي فيني يوم دق التليفون
بدل مااقول ( الله اكبر ) قلت ( ألوووووووو ) والمشكله قلتها بصوت عالي
واهلي حولي ماتوا من الضحك وقالوا عيدي صلاتك ماتنفع [/c]




[c] [/c]