اسئل الاعمي

اسئل الاعمي .. ان كان في نومه يشوف

ليه يصحى

واسئل الى مادرت عنه الهموم

الى درا ان العمر محدود

وان الفرح مهما اختفي.. موجود

اسئله ليه ينوم؟

وان جاوبوك اسئلني ليه حنا افترقنا

ياصاحبي مابه سبب لفراقنا

غير اننا جينا بزمن ماهو زمنا

ياصاحبي مابه سبب لفراقنا

غير اننا في حبنا عشنا الصدق

وفي وقتنا وشهو الصدق

في وقتنا لجل القاء تكذب

ولجل تاصل ماتبي تكذب

ياصاحبي خذها من جرحي نصيحه

كانك تبي تاصل ؟ اكذب .. اكذب .. اكذب

الصدق في وقتنا اصبح فضيحه

في وقتنا دايم تهيم في شي ماتعرف مداه

دايم تهيم فلي بعد عن سكتك

والي زهد في محبتك

والي فيدك ومتحمل جروحك معك

مايهمك تنساه

ولو تقتله مايالمك وبقدامك تاطاء على دماه

ياصاحبي وقتنا في اوله ضيعنا اولا القبلتين

وفي آخره الله اعلم وش بيبقي

في وقتنا صار الغدر شيٍ عظيم

والوفاء ماظنتي ان كان بتدور بتلقى

ياطاحبي في وقتنا اطول مسافه ممكنه

تمشيها بين النقطتين

الخط المستقيم

ياصاحبي في وقتنا وقت الالم

من يسمعك مهما حكيت

من ينصفك مهما شكيت

منهو الى مايضحك اذا ذلتك دنياك وبكيت

ياصاحبي في وقتنا

ماللمشاعر ناس

ياصاحبي في وقتنا لبعض القلوب احساس

ياصاحبي في وقتنا وقت الكلام

وقل الفعل لامات احد وانتقل لعلا رفيق

من طيبنا نحزن عليه

نصلي عليه

ناصل معه للمقبره

وفي المقبره غير الدعاء وقولت الله يرحمه

مابه كلام وندفنه .. ولادفناه نبكي

بدون دموع او بدموع

المهم بعد مانبكي نتركه ونروح

وتلقانا نقول مسكين يافلان مسكين

من دنيتك وش الى خذيت؟

وبعد باب المقبره بشبرين

واقل من الدقيقه لامن دخل فينا الزحام

من طيبنا نضحك ونسمع اغنيه

لجل نتسلي في الطريق بين المقبره والبيت

ياربي سبحانك يالي تجير من العذاب

قلوبنا وش صابها ؟

في وقت غدا بين الحياه والموت

وبين البكاء والضحك

شبرين ودقيقه وباب

ويدننا الى قد حثت في وجه ميتنا التراب

هي نفسها الى بعد شبرين واقل من الدقيقه

اختارت شريط وحطته لجل تقتل طول المسافه

بين المقبره والبيت

ياصاحبي في وقتنا احسن كثير

من بعضنا

في المقبره على الاقل ميت وندري

المشكله متنا ولالحين ماندري

ياصاحبي في وقتنا ضاع احترام الموت

في وقتنا حكينا ما اكثره

وللأسف كل الحكي من غير صوت

وان كان به فم صدق

وسمحو يحكي بصوت مانسمعه

ياصاحبي قدامنا كان اختيارين

يانجاري وقتنا ونكذب ونخدع نفسنا

يانفترق لان الفراق في وقتنا

هـــو الـــصــدق

افــتــرقــنــا

ياصاحبي كانك تشك في اسباب الفراق

دور لك اعمي واذا صحى اسئله

ان كان في نومه يشوف ليه صحي

!!!!!ولـــيــه افــتــرقــنــا؟؟؟؟؟
ــــــــــــــــــــــــــــــــــــــــــــــــــ ـــــــ
عبد الرحمن بن مساعد.

..........

...

بطاح يابطاح تكفوني دلوني
تايه غريب الدار احبابي ماجوني


ياحليلك يالبطاح


ماقصرت


مشاركة راائعة لشاعر راائع

واختيار جميل وموفق

احسنت الاختيار



شكراً لذوقك الرفيع






كلك ذوق ...

الله ياشاعرنا

فعلا هذا هو حال الزمن للاسف

وماانقول غير الله يحسن خاتمتنا ويرضى عنا ويجمع شملنا مع احبابنا ..

تسلم ياالبطاح على نقلك لهذه القصيدة الرائعة

تحياتي

البطااااااااااااااح

أختيار موفق

تنشد عن الحااااااااااااااااااال هـذاا هو الحااااااااااااااااااال

ياصاحبي خذها من جرحي نصيحه

كانك تبي تاصل ؟ اكذب .. اكذب .. اكذب

الصدق في وقتنا اصبح فضيحه

في وقتنا دايم تهيم في شي ماتعرف مداه


في وقتنا صار الغدر شيٍ عظيم

والوفاء ماظنتي ان كان بتدور بتلقى




ياصاحبي في وقتنا وقت الالم

من يسمعك مهما حكيت

من ينصفك مهما شكيت

منهو الى مايضحك اذا ذلتك دنياك وبكيت

ياصاحبي في وقتنا

ماللمشاعر ناس

ياصاحبي في وقتنا لبعض القلوب احساس



بصراحه وايش انسخ ويش اخلي

كلها روعه جسدها الشاعر في صورة الألم والحزن والتحسر

فعلا شيء يضيق الصدر ما يحصل في هذا العصر

اختيار وفقت فيه يالبطااح .. اشكرك من أعماااقي ..

لك تقديري وخالص تحياتي