.. توك صغيرههَ !

04 / 08 / 2013, 44 : 02 PM

توّك صغيره وابتديتي تحبين
من علّمك ليل السهر ياصغيرهه ؟

بدري عليك العشق يابنت هاللحين
حرام هذا القلب وشهو مصيرهه ؟

انتي بريئه في الهوا ليه تشقين ؟
دروبه طوال ٍ عليك وعسيرهه

رحتي بدرب ٍ ماله اصلا ً عناوين
وانتي مشاويرك من اول قصيرهه

ياطفلة ٍ حبّت وراحت على وين ؟
عقب الهنا ذقتي الحياه المريرهه

وينك ووين الحب والشوق والبين ؟
عنّيتي عيونك وصرتي سهيرهه

امحق تسلّي كان ودّك تسلّين
الورد لولا اللّون وشهو عبيرهه ؟

خلّيتي دروسك وصرتي تحاتين
الدرس في ديره وصرتي بديرهه

وصرتي بعد من غير هذا تغارين
والمشكله يابنت منتي خبيرهه

نصيحتي لك كان ودّك تردين
يم السعاده والحياه المثيرهه

خلّك بجو العايله لا تعدّين
ماما وبابا والعجوز الظريرهه

شيبانك اللّي مايبونك تعانين
من بينهم عشتي كأنـّـك أميرهه

الحب قبلك هز ناس ٍ كثيرين
وخلاّ القلوب تعيش هم ٍ وحيرهه

الحب يفضح لا انكشف داخل العين
وانتي بنفــّسك ماهقيتك بصيرهه

طيعي كلامي واحذري لا تمادين
تراجعي لاعل في الأمر خيرهه

عيشي الطفوله والبراءه لك سنين
وبعدين حبّي لا غديتي كبيرهه

04 / 08 / 2013, 48 : 02 PM

احسنت
جميل جدا

~

04 / 08 / 2013, 40 : 09 PM

آلآجمل وجودك .. نورتيّ

04 / 08 / 2013, 04 : 11 PM


	توّك صغيره وابتديتي تحبين من علّمك ليل السهر ياصغيرهه ؟ بدري عليك العشق يابنت هاللحين حرام هذا القلب وشهو مصيرهه ؟

الله يعين قليبها

ذوق ياذوق

كلك ذوق

...

05 / 08 / 2013, 48 : 01 AM

من علمك ليل السهر ياصغيره<<ممكن الحب

يسلم لنا ذا الذوق المميز

دمت متألق

05 / 08 / 2013, 15 : 07 AM

خلّك بجو العايله لا تعدّين
ماما وبابا والعجوز الظريرهه

شيبانك اللّي مايبونك تعانين
من بينهم عشتي كأنـّـك أميرهه
:
نصيحة فاتت على اللي ماحسبو محاسيب
اختيار جممميل وذوووق،صح لسان قايلها
تسلم يمنااااك اخوووووي ،دمت بكل خير
:

05 / 08 / 2013, 01 : 12 PM

صح لسان قايلها وسلمت يمين ناقلها
نصيحه جميله عسى تلقى أذان صاغيه
جرح شكراً لك على أختيارك وذوقك الرائع
دمت وسلمت ولك تحياتي

05 / 08 / 2013, 33 : 12 PM


	المشاركة الأصلية كتبت بواسطة wafei


	الله يعين قليبها ذوق ياذوق كلك ذوق ...

آلأذوق آصلك طال عمرك .. نورت

05 / 08 / 2013, 35 : 12 PM


	المشاركة الأصلية كتبت بواسطة خلف الجابري


	من علمك ليل السهر ياصغيره<<ممكن الحب يسلم لنا ذا الذوق المميز دمت متألق

سلم كلك يالغاالي .. نورت

05 / 08 / 2013, 36 : 12 PM


	المشاركة الأصلية كتبت بواسطة شموع الغربية


	خلّك بجو العايله لا تعدّين ماما وبابا والعجوز الظريرهه شيبانك اللّي مايبونك تعانين من بينهم عشتي كأنـّـك أميرهه : نصيحة فاتت على اللي ماحسبو محاسيب اختيار جممميل وذوووق،صح لسان قايلها تسلم يمنااااك اخوووووي ،دمت بكل خير :

سلم كلك آختي .. نورتي

الذين يشاهدون محتوى الموضوع الآن : 1 ( الأعضاء 0 والزوار 1)