نقـل تلّفريـك ..

مضا اسبوع وصناديق الضلوع ايهزّها طاريـك = ويدفعني عليك اللـي مثـل ماجابنـي جابـك
دفعك الشوق والشوق اقشر ولايعترف بـ ( بريك) = بعد ماهبّت ارياح الزعـل واشتالـت اطنابـك
اخذت اديرها في راسي آراضيك ما آراضيـك = انا انعم في وصالك والا اذوق النـار فغيابـك
وفيما آنا بحيرة وقفتي مابيـن ذيـك و ذيـك = ليا هـاذي ركابـك مقبلـه حـيّ الله اركابـك
لو إنك قبل لا تتعِب ركابك فـي رضـا مغليـك = قعدت شوي؟؟ سقت ركابي وناخت على بابـك
لإنك باختصار اتشدّني في الحـب منـك إليـك = مثل مانيب اشـدّك بالغـلا و اوتّـر اعصابـك
خصوصا ً كل ماجرّدك سوء الظنّ و التشكيـك = مع اللي والله انّه مايسـاوي حفنـة اترابـك
انا ماودّي آبكّيـك جعـل العيـن مـا تبكيـك = هذاه اليوم سابع يوم لـك مـا جـفّ صبّابـك
هلا يامرحبا .. مكانـك القلـب .. الله يحيّيـك = عدد مـادق مـن حبّـك و رحبّـك و هلاّبـك
معزّب وانت ضيف ولازم آعشّيـك و آغدّيـك = هذا حقك ومن حقّـي عليـك اتنـادي أقرابـك
نبا نسهر على نور القمر ماهوب نور اتريـك = بعيداً عن مشاريه الغـرام و قسـوة اعتابـك
خفوقي مجّره لك قبل عـام إيجـار بالتمليـك = وذا الحين إنتهى عقده واخذ صكّه من احبابـك
نقلت اشواقي من اعماق قلبـي نقـل تلّفريـك = مت الله لا يهينك كان طحت و مـت باسبابـك
صرفت الك المحبّه و المودّه مثل صرف الشيك = وقطّعت الكتاب اللي يعـارض فكـرة اكتابـك
غرامك سوق وآنـا سهـم ٍ ينزّلـك و يعلّيـك = مثل مايرفع السوق السعوديّـه سهـم سابـك
انا لو قلت ابا اخلّيك والله مـا اقـدر اخلّيـك = مادام الروح ماتقدر تعيـش و تسعـد الاّ بـك
ترى لولا ودادك كان مافكّـرت كيـف آجيـك = لإني مهما اروح ابعيد منك اقرب مـن ثيابـك
عليّه بالحرام إن العيـون اللـي تناظـر فيـك = آحسد اصحابها يوم إنّها تبحـر مـع اهدابـك

رحيّم الغنّامي

.





.

	غرامك سـوق وآنـا سهـم ٍ ينزّلـك و يعلّيـك مثل مايرفـع السـوق السعوديّـه سهـم سابـك

مثل مايرفـع السـوق السعوديّـه سهـم سابـك

ياهوووووووووووووه



الله الله الله


هذا الشعر والا بلاش


اختيار موفق
لكلمات رائعة ومعبرة





شكراً لذوقك الرفيع


كلك ذوق

الله الله الله


نص راااائع لا تمل قراااااءته

وهذا ليس بغريب على اختيارات سديم


يعطيك العافيه سديم

لا خلا ولا عدم يارب


تحيااااااتي

انا لو قلت ابا اخلّيـك والله مـا اقـدر اخلّيـك
مادام الروح ماتقـدر تعيـش و تسعـد الاّ بـك
ترى لولا ودادك كـان مافكّـرت كيـف آجيـك
لإني مهما اروح ابعيد منك اقـرب مـن ثيابـك
عليّه بالحـرام إن العيـون اللـي تناظـر فيـك
آحسد اصحابها يوم إنّهـا تبحـر مـع اهدابـك


سديم مدري وش ناويه تسوين فيّ بها القصايد اللي كل وحده احلى من الثانيه؟؟

كالعاده اختيااار قممممممه

ياشيخه رووحي يسلم لي ذوووقك

تحياااتي

محمد السبيعي

سديم الشعر وان غنوا به الشعار ملك يديك
.......................غدا ملك ٍ لذوقك طايع ٍ لك لازم ٍ بابك

كسا ذوقك قوافيهم وزينها بلا تشكيك
.......................شرف للشاعر ان ضمت حروفه صفحة كتابك

يذكرني لك الله ذوقك الراقي حياتي (ذيك)
.................وقولة (جعفر) احسن لك حسن رح وادع احبابك

.........................................
......................................

................................

الغاااااااليه سديم

كن نفسي اكمل

لكن جعفر ماجاااااب الموكا

سلمت يداااااك

وداااام لنا رقيك

تقبلي تحيااااتي

	المشاركة الأصلية كتبت بواسطة wafei

	مثل مايرفـع السـوق السعوديّـه سهـم سابـك ياهوووووووووووووه الله الله الله هذا الشعر والا بلاش اختيار موفق لكلمات رائعة ومعبرة شكراً لذوقك الرفيع كلك ذوق

العفووو .. وافي ..

شكرا لحضورك

.




.

[foq]

الله الله الله الله
الله الله الله
الله الله
الله
[motr]ذوق لا يعلى عليه[/motr]
الأخـت الغالية
[blink]

( سديم الإبداع )

[/blink][/foq]
يعطيك ربي آآآآلف صحه وعافية
قصيدة راااائعه بما تعنية الروعه ألبسها رقي إختيارك كالمعتاد وجميل ذوقك
حُلي جعلت لها بريق متميز وجذاب
لايستغرب حسّنْ الإنتقاء والجودة وكذلك المناسبه فهما من إبداعات سديم التألق
صح لسان الغنامي وجعلها تسلم يمناك التي نقلت لنا هذه القصيدة
لاهنتي أختي ولاعدمناك ولاعدمنا إطلالتك بالمزيد من الروااائع العذبه
وتقبلي مني كل الود والتقدير

	المشاركة الأصلية كتبت بواسطة الليدي عمشا

	الله الله الله نص راااائع لا تمل قراااااءته وهذا ليس بغريب على اختيارات سديم يعطيك العافيه سديم لا خلا ولا عدم يارب تحيااااااتي

الاروع حضورك وتواصلك الدائم

الله يعافيك .. ليدي عمشا ..

وشكرااااا للمتابعه

.



.

	المشاركة الأصلية كتبت بواسطة محمد السبيعي

	انا لو قلت ابا اخلّيـك والله مـا اقـدر اخلّيـك مادام الروح ماتقـدر تعيـش و تسعـد الاّ بـك ترى لولا ودادك كـان مافكّـرت كيـف آجيـك لإني مهما اروح ابعيد منك اقـرب مـن ثيابـك عليّه بالحـرام إن العيـون اللـي تناظـر فيـك آحسد اصحابها يوم إنّهـا تبحـر مـع اهدابـك سديم مدري وش ناويه تسوين فيّ بها القصايد اللي كل وحده احلى من الثانيه؟؟ كالعاده اختيااار قممممممه ياشيخه رووحي يسلم لي ذوووقك تحياااتي محمد السبيعي

سلامتك طال عمرك انا مالي نيه ابد

بس ابليسي مدري وش وراه

يسلمك ربي .. محمد السبيعي ..

وشكراااا لحضورك

.




.

	المشاركة الأصلية كتبت بواسطة حسن المحمدي

	سديم الشعر وان غنوا به الشعار ملك يديك .......................غدا ملك ٍ لذوقك طايع ٍ لك لازم ٍ بابك كسا ذوقك قوافيهم وزينها بلا تشكيك .......................شرف للشاعر ان ضمت حروفه صفحة كتابك يذكرني لك الله ذوقك الراقي حياتي (ذيك) .................وقولة (جعفر) احسن لك حسن رح وادع احبابك ......................................... ...................................... ................................ الغاااااااليه سديم كن نفسي اكمل لكن جعفر ماجاااااب الموكا سلمت يداااااك وداااام لنا رقيك تقبلي تحيااااتي

هلابك .. ابو رهف ..

لو اني شاعره كان رديت عليك بس ماباليد حليله

يسلمك ربي .. ابو رهف ..

وشكراا لحضورك

.




.