انشدك عن رجل ضيفته من ضيوفه......؟

[الزميلي]

بسم الله الرحمن الرحيم
وبه نستعين...
يقول اللغز (المنقول):


انشدك عن رجل ضيفته من ضيوفه=من جارته يالقرم جابو طعامه
طعامهم بالعون ماسر جوفه=عداوةٍ منهم ماهي غشامه
انتهى اللغز

الزميلي

[الزميلي]

السلام عليكم
الرجال يالربع كل سنه نشوفه يذبح ملايين المرات
عطونا الرمعات

الزميلي

[طبيب جراح]

مشكور الزميلي على الغز الطيب


وعندي رمعه بسيطه وشرايك في المطابخ الشعبيه اوالمطاعم اوالقصاب

وترا مافهمت وش معنى يذبح هل هو الذابح او المذبوح


تحياااااااااتي ياغالي


طبيب جراح

[حرف الضاد]

صح لسانك ويش رايك بمنى والحجيج وذبح الضحايا والهدي والفدي -- وجارته مدينة مكه المكرمه -- او ضواحيها --

[الزميلي]

صح بدنك ياطبيب جراح
الرمعه مالك لوى
والمقصود ب يذبح = يموت
وحياك ربي

الزميلي

[الزميلي]

صح بدنك
والله رمعاتك خطيره ياحرف الضاد,الدعوى فيها حجيج لكن ليس بالصوره التي تفضلت بها
ركز على الرجال اللي يموت ملايين المرات كما ذكرت سابقاً وبتلقى الحل
تحياتي
الزميلي

[الأعصار]

ممكن رمي الجمرات
والحصى تؤخذ من جارته مزدلفه
وتقبل تحياتي

[حرف الضاد]

صح لسانك يالزميلي -- ويش رايك برجم الحجيج للعقبات الثلاث .مواقف سيدنا ابراهيم مع الشيطان .

[الزميلي]

يهلا والله بالجميع
الأعصار وحرف الضاد صح لسانكم جميع وعز الله عاداتكم يالطيبين
واليكم تحليل اللغز:
انشدك عن رجل ضيفته من ضيوفه - - - - اللي هو ابليس ضيفته الجمرات من الضيوف(ضيوف الرحمن).
من جارته يالقرم جابو طعامه - - - - طعامه (الجمرات) من مزدلفه
طعامهم بلعون ماسر جوفه - - - - رمي الجمرات طبعا لايسره بل يؤذيه
عداوة منهم ماهي غشامه - - - - متعمدين هالشي وليس عن غير قصد
انتهى الحل والى المحلول يامدير..

الزميلي

[حرف الضاد]

صح لسانك يالزميلي وعاداتك الاالغاز الجزله ( الا هذا ) *-- وصح لسانك يالاعصار ومن عاداتك ذبح الالغاز - ما شاء الله تبارك الله --

ملاحظه* :
مادام اللغز منقول فنصيحة لا تنقل الغاز مثل هذا لانه لغز هزيل وكله اخطاء -- الحجيج ضيوف الحمن وليس ضيوف الشيطان اعاذنا الله منه ومن ضيافته هذا اولا :
ثانيا : الحصا يؤخذ من مزدلفة السبعة الاولى والباقي من منى .
ثالثا : لا يشترط وجود الشيطان في هذه المواقف الثلاث .

[الزميلي]

صح بدنك
وشكرا على التوضيح والتعديل ونحاول قدر المستطاع ان نتجنب الأخطاء والهفوات
لكن الكمال لله وحده ومن الذي ليس معصوم عن الخطأ.
الزميلي