صبآحكم/مسآآءكم
رضآآ وطآعةة ..~
قصيدهه رآقت لي آتمنىُ تعجبكم
يا طير حظك لا بغيت تطير ما اضناك المطيـر=تنطح صلافيح الهوى مـن هيبتـك وتعوقهـا
وش لك بالارض العابسه والظلم والحظ االفقير=بيض الليالي رخـت ارشاهـا وقفـت نوقهـا
ما فيك لا برقع ولا لك وكـر ولا لـك جريـر=والله لو اني اياك لآشـق السحـب وآفوقهـا
لا ضاق صدري رحت بلحالي وحثيت المسيـر=وان ضاق صدرك توكر بروس الجبال وفوقها
شامخ ولك هيبه ولك سطوه ولك عزم خطيـر=واليا نويت الصيده الجزلـه قـدرت تبوقهـا
اشبهك في غيك وغيك غير واحساسك عسيـر=بس اختلف ويـاك فالقـدره وفـي منطوقهـا
لا جعت مالي غير مالي بين زادي والحصيـر=ولا انت مخلابك يقطـع صيدتـك وعروقهـا
يا ليت لي جنحانك اللي لو بغت وادي عسيـر=ما ردها منه سوى منشي السحـب وبروقهـا
يا طير شفني والله اني من عنا الدنيا كسيـر=وكسرة جناح العزم ما تثنى الطموح بعوقهـا
سيف القهر مبطي وهو ما فارق اطراف الجفير=وانا علي مرفوق نفـس ٍ خاطـري مرفوقهـا
احاول اجمع ما بقى لي من امل باحساس غير=واكبح جموح النفس لو نفسي ذبحها شوقهـا
انا ادري اني مانـي بحاكـم بلـد ولا أميـر=لكني آجاري كبـار النـاس واسلـب ذوقهـا
أملك من الاحساس والقدره وتحديـد المصيـر=ما يكفي انه يحل ازمـات العـرب ووثوقهـا
لكن حدود العقل والحريـه وشـوف البصيـر=كنها تقول الابتعـاد احيـان مـن منطوقهـا
ياليت مالي قلب يشعر ويتضايـق ثـم يغيـر=ما كان وجهـي شحبتـه الاقنعـه وطروقهـا
عيبي خلقت من الوفا بس الزمن ما فيه خيـر=مثلي مثل ناس ٍ تعيش وما توفـي حقوقهـا