كملوها تكفون يالربع ( فزعة)

سر ياقلم وأكتب من الشعر ماطاب
============ ولاتكتب إلاّ من خيار النظومي

ساكمل على هذا فقط

من دونك القرطاس والحبر سكّاب
.............................والقلب من طاريه طيره يحومي
والليل فيه سهيل لا شك ماغاب
............................له عادة الموناس بليلٍ كظومي
وهذا الشهر دون القمر صاير حجاب
...........................لاهو بدر ولاهو هلالٍ عزومي
كلّه سبايب فرقته زين الاطياب
............................قلله جرحت القلب وقلبك رحومي
وقلله سمرت الحال والبعد مخلاب
...........................شقق ظماير بالهنا بس ترومي
وقلله زرعت الشوك في موق واهداب
............................وخليت نوم العين بعد النجومي
وقلله سكنت الدار من بعدك اغراب
............................لا عارفٍ مهجاع ولا بيه نومي
وقلله سرقت النور من شمس الارحاب
............................وادعيت قرص الشمس عقبك ظلومي
وقلله صهرت الضلع من عقبكم ذاب
............................وادعى حجرها سايلاتٍ زمومي
وقلله ترى هالزاد ما عقبكم طاب
..............................من بعدكم يا زين كل يوم اصومي
وشهو ثوابي يا بعد كل من ثاب
..............................وانا اللذي خاويت روس الرجومي
وحلليت من طاريك يا زين مهذاب
..............................في كل دوٍ ازعق الصوت يومي
واحفيت ممشى الرجل في كل مرقاب
.............................وانا اتحرّى من له القلب يومي
وازريت حالي خاوي العظم منصاب
.............................فرقي انا والعود (لبس الهدومي)
وغديت اهذري بين ناسي والاصحاب
...............................لو قالوا المجنون محدن يلومي
ومنهو يلوم اللي لمح ذيك الاعناب
................................ ولا الجدايل لون عشبٍ صرومي
ومنهو يلوم اللي حظن ذيك الاتراب
..................................وان عانق التفاح وسط الكرومي


يا عيال احد يمسكني تراني روحت:D

ومنهو يلوم اللي عرف صدق الاحباب
..............................وهمس السوالف وارتجاع العلومي
ومنهو يلوم الحب في قلب مرعاب
...............................كل ما لمحت الريم عليه ارومي
له فزةٍ مثل الارامي اذا هاب
............................... وله مشيهٍ مثل القطاة الحيومي
ويا عينها من سودها زان مشراب
..............................لولاي اخاف الموت اغرق واعومي
يا نابي الارداف والخصر مرطاب
..............................لا يا سليل العز من راس قومي
انا رجيتك والرجا منك ما خاب
.............................انا طلبتك بالغلا لي تدومي
وان وصلك المكتوب من قصه اطلاب
...........................وان يسلم الهجان من قطع دومي
لا تسفهينه بالغنج عقب الاتعاب
...........................وروفي بحالي وارحميلي عزومي
والله عجزنا لكن القلب نهّاب
..............................ولولا الغلا بعيونكم ما نقومي
وهذا ختام القول يا زين ترحاب
.............................اما تعوديلي او عنك ازومي




وسلامتكم على الله (هذي قصيده يومنى عند عرب الشيخ متحت....وهجرتني حبيبتي (باسكال عوده)...ارسلت لها هالقصيده على الجناح السرعه مع الفتى الطائر (توني) بسيارته الفارهه مع طعوس النفود الحبيبه........وسلامتكم

.............


...


مرااحب تطوير

ماقصرت

ولا قصروا الشعار

بدات بكلمات راائعة ومعبرة

وابدع الشعار في اكمالها


سلمتم ودمتم


تحياتي للجميع ....

ماشاء الله عليكم

مرحبا اخوي تطوير

صح لسانك



وصح لسان الاخوه الشعار اللي شاركوا


وشكرا لك على هذة الدعوه الكريمه منك.


تحياتي وتقديري لك

يالربع ( هامل ) حط رجله مع الباب
=============== لمــا رقــى مع عاليــات الحــزومي
يالربع شدوا له من الحبل مكــراب
=============== شوفوه في عال المشاريف يومي
ردوه من قــــبل يتـــعثر بالاطــناب
=============== مـــا باقيا الا ينقــلب طــير بومــي
والبوم يصوي يوم ضو القمر غــاب
=============== ويراقب اللي شب ضبة جــرومي
يالربع حطوا لي على النار مصلاب
=============== الكي بالعـلباه طب الســمومــي
يكويه كـــــــوايا خبيرا بالاطــــباب
=============== له في مجاله بيــنات الوســـومي
وينام عنده خمسة ايام بحـساب
=============== حتى يتقـصى خافيات الحلــومي
وليا شخَّص الحاله وبانت له اسباب
=============== يكويه مع راسه وحدر الخصـومي
ويعطيه بعد الكي وصفه مع حجاب
=============== ويعلَّمه طبع العـــرب والســلومي
ولاعاد في وضعه عن الكي مجناب
=============== لدرب الخبير اليوم نمشي لزومي
ونفرح جميع ان كان من علته طاب
=============== وفي حفلته نلبس جديد الهدومي
يالربع ما كني حطيت رجلي

:( :mad:
بس انا ما اروح معكم للخبير------ !!!!!