موضوع مهم بالنسبه لي..يدخل اللي فاضي وعنده وقت يرد

هلا عاشقة ....وينك يالقطوعة ما تسألي .....
ما ادري وش فيني اليوم حزينة ...وبعد ما عرفت سالفة وداع لمسات ....حزنت اكثر واكثر ...
ما ادري شلون بيصير المنتدى بدونه ....
عاشقة موضوعك هذا رائع ......وحابه اني اقول فيه كلام كثير ...بس انا ...نت ان ذا مووود...


.....اوعدك اني رح ارجع وارد....

تعالي هنا ......تقولي انا يوم كنت صغيرة ما اعرف التلفزيون ...اللي يسمع يقول عمرك سبعين ....




راجعة

السلام عليكم ........... جيت متأخر

أتمنى ان يكون الجميع بخير وعافية

أنا الحين ما أذكر شي من طفولتي ................ لكن بحاول أذكر وأول ما احصل شي من لهارد حقي بنزله على طول ............. مع الزمن فرمت عقلي معاه .............


مشاريع ورانا مالنا ومال الطفولة :D :D :D :D

قال : ( السماء كئيبة ) وتجهما **** قلت : ابتسم يكفي التجهم في السما 1


قال الصبا ولىّ ! فقلت له : ابتسم **** لن يرجع الأسف الصبا المتصرما

ودمتم أحبتي في الله

اختي ابس..معذوره
صح في فرق بين امس واليوم..وياليت لو تكتبيلنا مواقف في ايام طفولتج
__________________


هلااااااااا بنت الاصايل وحشتيييني انتي بعد افا عليج انا قطوعه
لاتزعلين روحج لمسات بيروح وبيرجع النا انشالله
ويالله بلا دلع انا انتظر كتاباتج

-------------------------------------
اخوي امير الجنوب
انت مش متأخر
بس ياليت لو تفرم عقلك شوي وتعصره وتقولنا عن طفولتك

السلام عليكم ...
رجعت اكمل ...مع انه مافي تجاوب وايد ...بس يالله .....
ها المره بتكلم عن المدارس واول يوم رحت لشي اسمه مدرسه....
طبعا اول يوم رحت طالعه فرحانه معاي الوالده ..وصلتني..ويلست معاي شوي في الصف ..كنت ساكته اطالع اليهال...
فجأه دخل ولد صغير معه امه..خلته وراحت...يلس يصيح ويصرخ وانا اتفرج ودمعتي على طرف عيني ..اطالع فيه واطالع الوالده(خايفه تروح عني).
بعد ماهدا الولد قامت الوالده وقالتلي ها..جفتي هذا صفج هذيل اصدقائج..يالله انا الحين لازم اروح البيت..قلتلها لالا تمي معاي..قالت خلاص مايصير..وراحت..شوي وانا حاطه راسي بين يدي وابكي..
عاد يتني المدرسه ويلست تهدي فيني وعطتني اوراق والوان ..ويلست تكلمني..اخر شي سكت..
...........................
انا متأكده انه الكل اول يوم له في المدرسه بكى فيه..لانه الجو يتغير عليه.....
بس في شي مستغربه منه الحين.......
قبل كنا نروح المدرسه ومانبكي الا في اول يوم..وباقي الايام نروح فرحانين ...لكن عندي اخواني هذيل الصغار ..نيلس ساعه نصحيهم الصبح مايريدون يقومون....كل يوم يبكون.....لازم اقوم الصبح على صياحهم واصواتهم ,,,,(وخاصه اخوي اللي الحين عمره 8سنين)من يوم دخل المدرسه لليوم يبكي.كل صبح..يريد يغيب...هذا ماعرف شو بيسوي ايام الثانويه........ماقلتلكم جيل ها الزمن ...لا ولا يوم يعطونه الواجب ....ييلس يقول شو هذي المدرسه كله كله واجبات بغيب باجر(بكره).....
وبوم يقولولنا رحله بكره كنا نجهز اشياء الرحله واحنا فرحانين وننتظر متى يجي البكره .(هذا احنا ايام الطفوله)...لكن اخواني ييون من المدرسه فرحانين اذا قالولهم عليكم رحله.... تدرون ليش؟؟ مش علشان الرحله لا علشان بيغيبون مايريدون يروحون رحله..وتعالوا اليوم الثاني وجوفوهم صاحين من الفجر..اسألهم شو تسوون ..يبتسمون ماعلينا مدرسه اليوم..اقولهم ليش؟؟يقولون علينا رحله بنغيب...(وايام المدرسه مايصحون من الفجر..ياليت..احنا نيلس نصحيهم ..وصياح وحاله)....
المهم طولت عليكم...يالله للي عنده وقت يكتب فاهلا وسهلا به...

ويييييييييييييييييينكم

هلا أختي عاشقة البحر ...

أنا هنيا ...

مثل ما قلتي أختي ...
أول يوم الواحد يدخل المدرسة ... كان يوم عجيب ...
معظم الصغار يصيحون ...

بس أنا بطل يوم كنت صغير ما صحت ...

أول يوم دخلت لقيتهم مشغلين الفيديو و يوزعون حلاو ....
انبسطت ... و قلت ايه هذه الدراسة والا بلاش ...

ما قعدنا يومين ... الا و بدوا الدروس ....

ما أخذنا أسبوع ... الا وبدا الطق ..... ماش

بس والله أيام حلوة ...

كان قليل غيابي جدا ....

حتى اليوم اللي أكون فيه تعبان ... تقول امي اقعد غيب ... اقول لا بروح ...

كنت أحب المدرسة مرة ...

على فكرة كنت شاطر ... و آخذ يالأول يالثاني ...

أيام الله يذكرها بالخير ....

ضحكتني يوم قلت اول شي حلويات بعدين الطق
اتصدق اللي في المنتدى صايرين كسالى
بنتظر لبكره اذا محد كتب
......................
ماعرف

أنا نشيط جدا ................... بس ما رايح اكتب عن طفولتي شي

عشان ما كنت في الارض وانا صغير

ودمتم أحبتي في الله

ليش والله وين كنت
في القمر ولا المريخ:p :p

هلااا بامير الجنوب ...

مو لازم تتكلم عن طفولتك ...

تكلم عن أي ذكريات ...
_------------------

هلا بعاشقة البحر ..

ما أدري ايش فيهم االشباب ...

بس أنا بكمل ....
-------------

ما دام اننا نتكلم عن الطفولة ...

عندي ولد اختي صغير ... عمره تقريبا أربع أو خمس سنوات ....

أشتاق له كثير ... و كل عيال اخواني و اخواتي اشتاق لهم ....

بس هذا سبشل ...

كلما أروح لأهلي ... ما أمداني اوصل الا ويقول : خالي محمد تصارعني ( على فكرة اسمي محمد )...

الرجال مجنون بالمصارعة الحرة ... و مكونين هو مع أبوي فريق لمشاهدة المصارعة ... اذا جت المصارعة في التلفزيون تلقين الاتصالات بينهم ... يخافون واحد منهم تفوته ....

القهر انه بعض الأحيان .... أجلس أتابع أي مباراة مع أبوي .... شوي الا و أبوي مغيلر القناة ...
و يقول الحين تبي تجي المصارعة ... تبي تشوف المصارعة اجلس ... و الا اقلب وجهك ورح دور لك تلفزيون ...

المهم ... ولد اختي ذا مهو سهل ... يعرف حركة لكل مصارع .... يقول تبي اسوي لك حركة كيين او ستيف اوستن( أسماء مصارعين ) أو حركة مصارعين كثار ما اعرف اسماءهم ....

المهم تبتدي الجولة ... وسط جمهور غفير ... ما اقدر اوصف الوضع ...

يعني تخيلوا نملة تصارع فيل ...

بعض الاحيان اسدحه على الأرض ... و أرقى فوق الكنبة .... و لما أقفز عليه ... يوخر عني شوي ... و اطيح على الارض ...

يقوم ويعطيني بقوسات ... و يقول لي خالي محمد .. طح يله ... ثم يروح و يرتد من الجدار على باله الحبال ... و يسوي حركات ... مسكة منومة ... عفطة رجل ...لوية يد .. حركات كثيرة ما أعرفها ....

و في الأخير ... يثبتني ... و يقول لي لا تتحرك ...و يقول لبوي عد لثلاثة ...

ودي تشوفونه كأنة عصفور راقي على بعير ....

لاااااا ...عاد الى فاز .... ما نقدر نكلمه ... نافخ صدره على باله ....ما أحد قده ... فاز علي ... و اذا كلمه أحد قاله ترا ابي اصفقك زي ما صفقت خالي محمد ....