لي معامله في درج موظف
و باقي عليها مراجعه للمحكمه بعد ما تنتهي من عنده
و الموضوع باختصار اوراق حادث سياره في درج عسكري
و كل يوم اجيه يقول لي رح شف من اللي مستلم بليلة الحادث
و رحت شفت قال مرنا بكره
مريته بكره لقيته مستاذن يجيب عياله من المدارس
و ما رجع الى نهاية الدوام
و مريته بكره قالو انه عنده موعد بالمستشفى
و مريته بعد شهر و ياااااله لقيته المهم قال و الله المعامله مبطيه و يبي لها تدوير انت مهمل مخليها للوقت هذا
قلت طيب وش تبيني اسوي الحين
قال مر علينا بكره
امري لله مريت بكره لقيته
اول ما شافني كشر و قال بينه و بين نفسه يا كثرك
المهم فتح الدرج و نفض الغبار و لقا المعامله و طلعها
و قراها قال:اييييييييييه هذي يبي لها شغله
قلت خير
قال صاحب السياره الثانيه مو موجود
قلت هات ورقه و انا اجيبه
قال لا حنا نجيبه بطريقتنا
المهم جاء الرجال بعد شهر
و جينا كلنا لقينا الموظف باجازه سنويه
تعالو بعد شهر
جينا بعد شهر لقينا الموظف مو فاظي لنا من التبويس و التلفونات و المهنئين بسلامة الوصول
اخيرا نطق الدره المكنونه
قال اصلحو و الا نحولكم للمحكمه
قلت لا حولنا للمحكمه
مو لانني ابي المشاكل
بس لانني عارف ان الصلح عنده يبي له سنه ما يخلص
المهم رحنا للمحكمه و ما زلت اراجع المحكمه من شهر و نص و ما خلصت المعامله للحين؟؟؟