تغير حبيبها من يوم راح باريس !

نقلت لكم هذه القصيده مع قصتها :



> (هي) متوسطة التعليم والجمال, راضية بقسمة الله ولا تتقبل اي تغيير بسهولة.
> (هو) متوسط التعليم بعد راضي بحياته معها اليييييييييييييييييييييين:
> ابتعث لمدة شهر ونص لفرنسا(دورة عمل)وسكن مع عائلة فرنسية وانبهر بطريقة
> حياتهم وهم ماقصروا معه من ناحية النزهات والتسوق معه( آخر بسط) الشي اللي
> خلاه يوم رجع بدا يتنقد المسيكينة ويطلب منها التطور السريع في كل شي.وبعد
> ماشكت لي همها <صدقت انها اخصائية اجتماعية!!!
> حاولت اعبر عن معاناتها بهالابيات المتواضعة:
>
> لاعادها الله رحلة(ن)يم باريس
>
> ........................خلت عديل الروح يتغير عليه
>
> زل الشهر والنص وزود خميس
>
> ........................يقول انا محيرني شرا الهدية
>
> ومن عقب ماكثرن علي الهواجيس
>
> ........................غنى الفرح برجعة الولف ليه
>
> وين الحنين ووين بث الاحاسيس
>
> ......................... لا والله باحت علومه الاوليه
>
> كنت الغلا كله وكنت الونيس
>
> ....................... والحين صرت بعينه قرويه
>
> يقول بالمطبخ محتاجه تدريس
>
> ....................... وين اسكالوب بانيه بالصينيه
>
> ماتعرفين من الحلا غير البسابيس
>
> .......................سوي لنا جاتوه بالنسكافيه
>
> حطي لنا شموع مثل الفوانيس
>
> ......................وصفي الورود الحمر بالمزهرية
>
> وان جيته امشي قال سوي تخسيس
>
> ...................... وزنك ياوضحى قد تعدى الميه
>
> هيا اصبغي القذلة وسوي تمليس
>
> ....................... لو اوديك لمشغل(ن) في العليه
>
> مرة يشجعني ومرار(ن) يقيس
>
> ........................ بين ام عياله والمره الفرنسية
>
> وان قلت له شق الصور والقراطيس
>
> ........................ قال اسمحي لي مسالة شخصية
>
>
> يا ليتني مت ولا شاف باريس
>
> ........................ خلت عديل الروح يتغير عليه



وسلامتكم

اللللللللللللللله
حلوة بس تعور القلب
حرام عليه ليه كذا

امتعتني جدا يا بلو كالعاده طبعا
تسلم يدينك