المقبره

[poet font="Simplified Arabic,14,sienna,normal,normal" bkcolor="" bkimage="http://www.mahroom.net//backgrounds/47.gif" border="double,4,gray" type=0 line=200% align=center use=ex char="" num="0,black"]
المقبره
فوز .. وش معنى الحياه وتالي الحيّ التراب ؟ = مقبره .. والميت والله ماترده مقبره
فوز .. لا صرتي مره تدرين ليه الظن خاب = وليه أبونا آدم من الجنه خرج سبة مره
فوز .. لما تروي مهامية الزراج إلا السراب = والهبوب الذاريات اصفى ملامحها .. غبره
فوز .. وش الصاعقه تاخذ من البيت الخراب = والأمل كهل بكى .. يومن ضحك شيب شعره
فوز .. لو تطمن مشاريف النوايف للهضاب = وإستوى الغارب مع حدب السنام .. اش نخسره
لا الذره كانت ذنوب .. ولا الرحا من الذنب تاب = وحكمه الله يالرحا .. تاطا على خشم الذره
والبعير ليا دِبَر ظهره نقص دبره غراب = وان شكا ضيم اضهره .. وش بابعير إلا ظهره ؟
الرضا .. ماله صديق ليا زعل .. غير العتاب = والعفو .. ماله عذول .. الا ملام المقدره
كيف يالتوبه حضورك يبري جروح الغياب ؟= واطهرك .. ذنب يصل الباب دون المغفره
يابعدي .. والظن ظن ولو فتق صدر الصواب = وابسط اقدار المنايا : كل جمع تبعثره
قالها اللي راح يستسقي شهاليل السحاب = ابدوي كان يطفي القيظ بضلال شجره
ان ذكر حيه .. وسم دمعه على ردون الثياب = وان ذكر ميته .. عقل زامل ذلوله وانحره
وشاعر ماسخر اشعاره لتلعات الرقاب = اجودي .. مير دق الفقر بابه واقهره
واقسمه نصفين حظه .. نصف باحزان وعذاب = ونصفه الثاني خذاه الموت يوم إستكثره
مانشد ( يوسف ) عن الغيّ وقميصه والذياب = ولا نشد ( يعقوب ) .. دمعه وش خذا من محجره ؟
راح يحدي له ( حيالٍ ) واغفلت .. وراحت .. ذهاب = مالها وصف يبينه ( البينه ) ويظهره
مابقى الا ( فاطر ) لا هي ( سموح ) ولا ركاب = وإن ضمت .. تشرب بجلد حوارها مستبشره
المصيبه لا رمى الفارس بصدره للحراب = ما درى أنه كل حصني في بلاده عنتره
فوز .. لا صرتي مره تقرين صفحات الكتاب = وتعرفين إن الزمن رجّال .. لا صرتي مره
وتعذرين اللي قفل حظه بوجه كل باب = وانفتح له باب .. لكن كان .. باب المقبره
منقول
[/poet]

خاطفة العبرات


مسائك فل انشاء الله

دائما ماتنقلينا معاكي صوب الكلمه الراقيه

والحرف الموزون

سلمت اناملك على مانقلتي

يعطيك العافيه خاطفه


نقل جميل ورائع ...


تحياتي


الحسام

ياسلالالالالالالالام عليك ياخطفة العبرات
للمعلوميه انا اضفت حرف البا في كلمة تراب
لأنها كانت مكتوبه (تراي)

اختيااااااااااااااااااار جميل جدا جدا

الله يعطيك العافيه

عزيزتي خاطفة العبرات .. بعد التحية ،،،

المقبرة تلك التي نثرتي عبير حروفها هنا بعد ان اخترتيها من ذوق اختيارك جعلتينا نناظرها ونتمعن بكلماتها ونحن مشدوهين جدا وانت من خطف النظرات وليست العبرات رغم ان المقابر لاتخطف الا الدمع من تلك العيون .. استاذتي جمال اختيارك راقي ايا كان ودائما ماتتحفينا بروائع منك مختارة فالف شكر سيدتي ...

قلبي تعلق والسبب منك مقبرة
وكم من مقابر منها واليها نعــــود

.........

...


مشاركة راائعة

اختيار جميل وموفق


ولكن حبذا لو اشرتي لاسم الشاعر
ترى من 75 سنه وانا اسال عنه والى الان لم اجد اجابة


شكراً لذوقك الرفيع



كلك ذوق ..

السلام عليكم ورحمة الله وبركاته ..

خاطفة العبرات .. أم خاطفة النظرات ؟ !

بارك الله فيك على هذا النقل ، وشكرا لامتاعنا بهذه القصيدة الجملية ..

مراحب خاطفة العبرات

اختيار رائع جدا



استمتعت به فكل الشكر على اتحافنا به





تحياتي وتقديري لك

اختيار روعه كتومه

يعطيك العافيه عزيزتي

تحياتي

alshifa
ســراب
غريب
طوق الحمامة
wafei
محمد خميس
الســــيف وشكراااا لك على التعديل ماقصرت والله
الحسـام
شكراااااااااااا علم على المرور والاطراء

تسلمواااااااااااااااااااااا
اند ولكمووووووووووووووووووووو