متى راح تعرفين يادنيا معنى البرائه...؟

السلام عليكم
عادي عندك يادنيا تجرحين عادي عندك تضحكين مرة ومرات تبكين...
مانعرف مكرك ونلدغ ألف مرة من جحرك...
محد سلم منك ولاحد ياأمن مكرك والكل يخاف غدرك...
يادنيا أخذتي الكثير وماعطيتي إلا القليل... لا عطيتي الكثير نعم عطيتي الكثير...
الكثير من الهموم والأحزان..الكثير من الآلام والجراح..الكثير من الدموع والآهات.

يادنيا تفرحين بدموع المظلومين وآهات المساكين ونداءات التائهين.

يادنيا أمرك عجيب تعطين إبتسامة واحدة وتاخذين دموع تعطين فرح ساعة وتاخذين هموم ساعات وممكن أيام وأشهر وسنين...

يادنيا يضيق صدرك إن لقيتي قلب من الهموم والأحزان خالي وتتضجرين إن شفتي إبتسامة طالت على الشفاه وصارت بالنسبه للواحد شيء عادي...

يادنيا حرام عليك...!!!
بسببك الصديق الوفي ترك صديقه وصار أكبر خوان وشاف الصداقة و التضحية لعب ويمكن بعد ماكان بلسم لحبيبه صار لجروحه وأحزانه سبب...

يادنيا ضيعتي الولد من حنان أمه وصارت القسوة تمشي بدمه ويمارسها على أقرب الناس جمبه...

يادنيا تقدرين تخلين الواحد بعيد عن ربه ولاهي بشغله وهمه بعد ماكان على الفطره يحب الخير ويحب نشره خليتيه يشوف الخير ويحب هدمه...

يادنيا نعرف مالج أمان تبغين الواحد يكون بحبك هيمان وفي فكرك غرقان بعدين في لحظة وحدة تنسينه وتقولين ماكان لي بقلبه مكان...

يادنيا نجحتي كثير بس لاتنكرين إن في من حطك تحت أقدامه في من صارت البسمة ماتروح من على شفاته في من صارت الدموع ماتعرف عيونه وفي من صار النوم حبيب جفونه وفي من صار قلبه خالي من همومك...

يادنيا لاتكابرين نسيتي الي حاولتي تبكينه لكن رفع راسه وعطاكي ضحكة خلتك من قوتها وهيبتها تطيعينه...
نسيتي الي حاولتي بدموعه تغرقينه لكن عرف لعبتك وخلاكي ماتسوين عنده حتى طينه...
نسيتي الي حاولتي تدخلين قلبه وذكر الله تنسينه وعن عبادته تمنعينه يوم عرف نيتك طاع ربه وخلاكي بيده مثل العجينه...
نسيتي الي تبغين عن صديقه تبعدينه وتخلين الغدر والجفا طبعه لكن يوم عرف إنه بعد الفراق ممكن يضيع ولايشوف من يسمعه أو يشكي له عطاكي ظهره وحط يده بيد حبيبه وصار الود والوفا طبعه...

يادنيا لو أقول شاقول...؟
ماراح تعرفين معنى البرائه ولاراح تخلين الواحد بحاله لكن يكون بعلمك إنتي في الأول والأخير زباله وانتي بالنسبة للخالق أقل من ذبانه والكل بيحاربك وبيوقف في وجهك إلا الي تعود يكون عبد لشهوته وشيطانه وفوق هذا عاجبه حاله.

وهذا التصميم

وهذا واحد اعدت تصميمه من جديد


نشوفكم في موضوع سهم الغدر

هلا اخوي بلسم الغربة والاحزان
ان شاء الله تكون اخر الغيبات

الف شكر على التصاميم المميزة والكلمات الحكيمة
الله يعطيك العافية
تحياتي
لولوة

بلسم الاحزان
شكـــــــــــــــراً لك ..........

بس !!

فيه بعض الكلمات لو تغيرها بيكون افضل




اجمل تحية

بسم الله الرحمن الرحيم

بلسم الاحزان

السلام عليكم ورحمة الله وبركاته

الله يعطيك العافيه على هذه المشاااااااااااركه الراقيه

بارك الله فيك وفي ما قدمت

تقديري واحترامي

الحســـــــــام

وعليكم السلام ورحمة الله وبركاته ..

الحمدلله على السلامه .. بلسم الاحزان
مواضيعك متميزه .. كما عودتنا دائما ..
الله يعطيك العافيه ..


.



.