شفت الليالي وش تسوي والايام ؟ = شفت الخوي وشلون ينسى خويه
ياخوي انا قلبي من الحزن منضام = قلبي من الاحزان ماشفت زيه
لو اني مولوده على غير الاسلام = اني لفرغ داخلي سم حيه
امشي وانا غاشيني هموم والآم = كني مع الاشباح عايش سويه
و ياكثر خوفي من ذنوبي والاثام = آخاف من ذنبي واخاف الخطيه
و ياكثر ما نكذب ونغتاب الانام = لازال فينا من ظما جاهليه
ياليت ربي خالقن ( راعي اغنام ) = ماهمه الا خيمته والطليه
ماعاش بين الناس محكوم باحكام = واليا ضحك لو كذب .. قالو : هنيه
واليا سكت قالوا تكبر بالاحلام ! = وش هالحزين الممتلي شاعريه !
وش عاد اسوي دام هذي هي احكام = احكامهم اهل القلوب الرديه
صديقتي هذي هي ابياتي ايتام = اهديتها لك اقبليها هديه
كتبت انا الابيات من قلب منضام = كتبتها في صبح عيد الضحيه
الخنساء / مجلة المختلف
.
.