أيامنا والليالي

أيامـنـا والليـالـي كــم نعاتـبـهـا=شبنا وشابـت وعفنـا بعـض الأحوالـي
تاعـد مواعـيـد والجـاهـل مكذبـهـا=واللي عرف حدهـا مـن همهـا سالـي
إن أقبلـت يـوم ماتصفـي مشاربـهـا=تقفـي وتقبـل ومادامـت علـى حالـي
فـي كـل يـوم ٍ توريـنـا عجايبـهـا=واليوم الأول تـراه أحسـن مـن التالـي
أيـام فـي غلبـهـا وأيــام نغلبـهـا=وأيـام فيهـا سـوا والـدهـر ميـالـي
جربـت الأيـام مثلـي مـن يجربـهـا=تجريـب عاقـل وذاق المـر والحـالـي
نضحـك مـع النـاس والدنيـا نلاعبهـا=نمشي مع الفـي طـوع ٍ حيـث مامالـي
كــم عـلـوم ٍ وكــم آداب نكسبـهـا=والشعـر مـازون مثـقـال ٍ بمثقـالـي
أعرف حروف الهجـا بالرمـز واكتبهـا=عاقل ومجنـون حـاوي كـل الأشكالـي
لكـن حظـي ردي والــروح متعبـهـا=مافادنـي حسـن تاديبـي مـع أمثالـي
إن جيـت أبـي حاجـه عـزّت مطالبهـا=العفـو مـاواحـد ٍ فالـنـاس يـاوالـي
قـوم ٍ اليـا جيتهـم رفـت شواربـهـا=بالضحـك وقلوبهـا فيهـا الـردا كالـي
وقـوم ٍ اليـا جيتهـا صكـت حواجبهـا=وأبدت لي البغض فـي مقفـاي وإقبالـي
ماكنـي ألا مسـوي حــال مغضبـهـا=والكـل فـي عشرتـه ماكـر ودجـالـي
ياحيـف تخفـي أمـور ٍ كنـت حاسبهـا=واللـي علـى بالهـم كلـه علـى بالـي
الجـار جافـي وكـم قـوم ٍ محاربـهـا=والأهـل وأصحابنـا والـدون والعـالـي
والروح وش عذرها فـي تـرك واجبهـا=راح الحسب والنسب في جمـع الأموالـي
نفسي تبـي العـز والحاجـات تغصبهـا=ترمـي بهـا بيـن أجاويـد وأنـذالـي
المـال يحيـي رجـال ٍ لاحيـاة أبـهـا=كالسيل يحيـي الهشيـم الدمـدم البالـي
عفـت المنـازل وروحـي يـوم أجنبهـا=منها غنيمـه وعنهـا البعـد أولـى لـي
لا خير في ديـرةٍ يشقـى العزيـز أبهـا=يمشـي مـع النـاس فـي هـم إذلالـي
دار ٍ بـهـا الـخـوف دوم ٍ مايغايبـهـا=والجوع فيهـا ومعهـا بعـض الأحوالـي
جوعـى سراحينهـا شبـعـى ثعالبـهـا=الكلـب والهـر يقـدم كــل ريبـالـي
عـز الفتـى راس مالـه مـن مكاسبهـا=يامرتضـي الهـون لا عـز ولا مـالـي
ذللت بالـروح ليـن أرخصـت جانبهـا=وأنـا عتيبـي عريـب الجـد والخالـي
قـوم ٍ تـدوس الأفاعـي مـع عقاربهـا=ولهـا عزايـم تهـد الشامـخ العـالـي
خـل المنـازل وقـل للبـيـن يندبـهـا=يبكـي عليهـا بدمـع العيـن همـالـي
لا تعمـر الـدار والـقـالات تخربـهـا=بيع الـردي بالخسـاره وأشتـر الغالـي
ماضاقـت الأرض وأنسـدت مهاذبـهـا=فيهـا السعـه والمـراجـل والتفتـالـي
دار ٍ بــدار ٍ وجـيــران نقـاربـهـا=وأرض ٍ بـأرض ٍ وأطـلال ٍ بأطـلالـي
والناس أجانيـب ليـن إنـك تصاحبهـا=تكـون منهـم كمـا قالـوا بالأمثـالـي
الأرض لله نمـشـي فــي مناكـبـهـا=والله قــدر لـنــا أرزاق وآجـالــي
حـث المطـايـا وشرقـهـا وغربـهـا=وأقطـع بهـا كـل فـج ٍ دارس ٍ خالـي
وأطعـن نحـور الفيافـي فـي ترايبهـا=وأبعـد عـن الـهـم تمـسـي خـالـي
البالي من كـل عمليـة ٍ تقطـع براكبهـا=فـدافـد البـيـد درهــام ٍ وزرفـالـي
تبعـدك عـن دار قـوم ودار تقربـهـا=وأختـر لنفـسـك للمـنـزال منـزالـي
لـو مـت فـي ديـرة ٍ فقـرا جوانبهـا=فيهـا لوطـي السبـاع الغبـس مدهالـي
أخيـر مـن ديـرة ٍ يجفـاك صاحبـهـا=كـم ذا الجفـا والتجـافـي والتعـلالـي
دوس المخاطـر ولا تخشـى عواقبـهـا=المـوت واحـد وبعـد العـز يحـلالـي
إن المنـايـا إذا مـــدت مخالـبـهـا=تدركك لو كنت فـي جـو السمـا العالـي
ماقـرت الأسـد فـي عالـي مراقبـهـا=تسعى علـى الـرزق ماحنـت للأشبالـي
والشمس فـي برجهـا والغيـم يحجبهـا=تقفـي وتقبـل لهـا فالفلـك مجـدالـي
رب السـمـوات يامحـصـي كواكبـهـا=يامجري السفـن فـي لجـات الأهوالـي
ضاقـت بنـا الأرض وأشتبـت شبايبهـا=والغيـث محبـوس يامعـبـود يـاوالـي
يالله مـن مـزنـة ٍ هـبـت هبايبـهـا=رعادها بات له فالبحر زلزالي ريح العوالي
مــــن الـمـنـشـا تـجـاذبـهـا=جذب الدلي مـن جبـا مطويـة الجالـي
ديمومـة ٍ سبلـت وأرخــت ذوايبـهـا=وأنهـل منهـا غزيـر الوبـل همـالـي
تسقـي ديـار ٍ شديـد الوقـت حاربهـا=ماعـاد فيهـا لبعـض النـاس منزالـي
ياجاهـل أسـمـع تماثـيـل ٍ مرتبـهـا=فيهـا معانـي جميـع القيـل والقـالـي
مثـل الدنانيـر زادت فــي قوالبـهـا=في صرفها زايده عـن قـرش وريالـي
يـارب تـوبـه وروحــي لاتعذبـهـا=يـوم القيامـه إذا ماضاقـت أعمـالـي
وأزكى صـلاة ٍ علـى المختـار نوهبهـا=شفيعنـا يـوم حشـر ٍ فيـه الأهـوالـي

قصيدة للشاعر بديوي الوقداني

خالص تحياتي
اسطورة الخريف

سلمت يداك اسطورتنا

طرح ولا اروع

لقصيدة تعد من روائع ادبنا الشعبي

لشاعر كان يكتب الشعر

بالعربية الفصحى والنبطي

ويروى عنه ايضا رحمه الله انه كان يقرض الشعر بالتركيه

سجلي اعجابي وتقبلي تحياااتي

	المشاركة الأصلية كتبت بواسطة حسن المحمدي

	سلمت يداك اسطورتنا طرح ولا اروع لقصيدة تعد من روائع ادبنا الشعبي لشاعر كان يكتب الشعر بالعربية الفصحى والنبطي ويروى عنه ايضا رحمه الله انه كان يقرض الشعر بالتركيه سجلي اعجابي وتقبلي تحياااتي

اهلا ومرحبا اخي حسن المحمدي

مشكور على مرورك وكلماتك

صحيح والله شاعر فذ ومتميز لم أكن اعلم عنه شيئا قبل يومين

ولكن راجعت قصائده بعد عثوري على قصيدة له صدفه وجدتها ماشاء الله رووعة

رحمه الله وغفر له

تسلم وتعيش اخي ومشكور على ذوقك

خالص تحياتي
اسطورة الخريف

ماقـرت الأسـد فـي عالـي مراقبـهـا
تسعى علـى الـرزق ماحنـت للأشبالـي

والشمس فـي برجهـا والغيـم يحجبهـا
تقفـي وتقبـل لهـا فالفـلـك مجـدالـي


الله الله .. تصوير أدبي جميل

مجمل القصيدة حكم ومواعظ واعتزاز بالنفس ,

الشاعر بديوي من شعراء بادية الحجاز

واسمه .. بديوي بن جبران الوقداني العتيبي
توفي رحمه الله سنة 1296 هجرية ,

سيدتي اسطورة الخريف

كم انت ِ رائعة من خلال تذوق الأدب بكل شرائحه ,

تسلم اناملك يا اسطورة العطاء ,,

ايامنا والليالي

قصيده رائعه جدا وصح لسان قايلها

اسطورة الخريف

يعطيك العافيه على النقل

	المشاركة الأصلية كتبت بواسطة أبو خـ البجادي ـالد

	ماقـرت الأسـد فـي عالـي مراقبـهـا تسعى علـى الـرزق ماحنـت للأشبالـي والشمس فـي برجهـا والغيـم يحجبهـا تقفـي وتقبـل لهـا فالفـلـك مجـدالـي الله الله .. تصوير أدبي جميل مجمل القصيدة حكم ومواعظ واعتزاز بالنفس , الشاعر بديوي من شعراء بادية الحجاز واسمه .. بديوي بن جبران الوقداني العتيبي توفي رحمه الله سنة 1296 هجرية , سيدتي اسطورة الخريف كم انت ِ رائعة من خلال تذوق الأدب بكل شرائحه , تسلم اناملك يا اسطورة العطاء ,,

اهلا ومرحبا أخي وأستاذي البجادي

أسعدني مرورك لا عدمناك ومشكور على اضافتك حفظك الله , رحم الله الشاعر صراحة وجدت له عدة قصائد رائعة كان متمكن وفنان في نظمها سبحان الله

الروعة في حضورك سيدي وشهادتك وسام اعتز به

تسلم وتعيش على رقتك لا حرمنا الله منك

خالص تحياتي
اسطورة الخريف

	المشاركة الأصلية كتبت بواسطة ملكة الاحساس

	ايامنا والليالي قصيده رائعه جدا وصح لسان قايلها اسطورة الخريف يعطيك العافيه على النقل

تسلمي اختي الغالية ملكة الاحساس على مرورك وكلماتك

الروعة في وجودك هنا لا حرمنا الله منك

خالص تحياتي
اسطورة الخريف

قصيدة فريدة رددها الكثير في الزمن الماضي ومازالت وكأنها وليدة اليوم لقوة
ابياتها ونقاوتها شكرا لك اسطورة الخريف على هذا الاختيار الجميل لشاعر رحل
وترك بصمة ادبية في الشعر تتناقلها الاجيال على مر العصور رحمة اللة 0

اسطورة الخريف

مبدعه و متألقه دائما

تسلم يديك
.
.
.

	المشاركة الأصلية كتبت بواسطة النهر الخالد

	قصيدة فريدة رددها الكثير في الزمن الماضي ومازالت وكأنها وليدة اليوم لقوة ابياتها ونقاوتها شكرا لك اسطورة الخريف على هذا الاختيار الجميل لشاعر رحل وترك بصمة ادبية في الشعر تتناقلها الاجيال على مر العصور رحمة اللة 0

اهلا ومرحبا أخي النهر الخالد

صحيح هي فريدة وقوية وأعجبتني جدا هي وبعض القصائد الاخرى التي كتبها الشاعر رحمه الله

اشكرك على ذوقك ووجودك لا عدمناك

خالص تحياتي
اسطورة الخريف