لا تسألني .. جاوب وبس

صباح الورد ..


الرجل الطيب

الرجل طيب نفسه ولا طيب ثاني ؟

ياهلا والله وغلا .. إن شاء الله دايمة هالجية يارب
لا تقطع عاد

اللي ساعته طايحة المفروض يناظر في ساعة أخوه ..
بس نظرا لحالتك ولأني إنسانة ملوعتني المعدلات عذرناك , والفل مارك من غير تصحيح , بس لا تجي تشوف الورقة :p
ولو أقدر أرفع معدلك للخمسة رفعته

لكن العين بصيرة واليد قصيرة .. مالك إلا الرضى :p

وياهلا وغلا ..

.....


نايف ..

الله يهديك ..

ألحين يقولون أنا اللي مغششتك

والله يا جماعة تراني ماقلت له شي , ولا علمته بالإجابة , ولا كلمته عنها أصلا ..
بس الظاهر أنه راعي سوابق

على كل حال .. أصبت الهدف يا نايف ..
مبروك .. تهانينا :p
راجعنا بكرة عشان تاخذ جائزتك .. لكن برضو شكلك راعي سوابق ويمكن نسحب الجائزة منك :D
لربما تصبح مليونيرا :p <=== موضة ماشية هاليومين ..


....


وللجميع التحليل ..

الكل جاوب وفسر من ناحية نفسية .. إنطباعية , لكن ما تكلم عن الناحية العملية ..

ماعدا نايف .. والرجل الطيب ( واسطة )..


لما سألت قصدت بما أنه الوقت يحكم حياتنا ..
والمفروض نكون منظمين ونعي أهميته ..

بغيت كل واحد يقول لي كيف يقدر وقته ..


يعني لما أواعد واحد منكم وأقول أشوفك بعد ربع ساعة ..

وتروح ربع وتجي ربع .. ويمر يوم .. أحيانا يمتد التطنيش فترة ..
لأن الموعد فات وماقدرنا نحدد موعد ثاني , هذا هو السبب الرئيسي ..

لكن لما أشوف إللي واعدته واللي جيت في الموعد ومالقيته ..
راح أقول له كم في دقيقتك من ساعة , ويمكن يصير السؤال كم في دقيقتك من يوم ..

بالنسبة لي جيت في الموعد أو تأخرت شوي ..
قسمت الوقت اللي تأخرته على 15 دقيقة ..
زدت الناتج على الستين ثانية الأصلية .. وطلع لي كم في دقيقتي من وقت ..

لكن طبعا مو مقصود التوصل إلى جواب نهائي بقد ماهو سؤال بلكاعة :p


لازم الكل منا يحاول يكون دقيق بمواعيده ..
لأن الموعد التزام قبل لا يكون لأي شي ثاني ..
وتذكر أنه وقت المُنتظِر يكون طويل وطويل جدا .. لأنه ينتظر ..


هذي خلاصة الموضوع .
أشكر الجميع على ردهم ..

وإلى لقاء آخر مع حلقات تحليلية فلسفية أخرى ..

لكم تحية ..












الشمــــــــــــــــــس

نسيت أقول .. إني جاهزة لأي شرح أو توضيح ..

ما أحب أنه كلامي ماينفهم ..
أحب لما أشرح أخلي الكل يفهم ..


لكم تحية ..


الشمـــــــــــــــــس