طيب الحجاج في حكمه حلوه بس اقولها زي مانا قراتها مو بالتفصيل تقول الحكمه :لاتهدم شي اذا كنت لاتستطيع بناء شيء اخر هي مو زي كيذا بس انا على حسب ماقراتها وبعدين ياطالبات وطلاب لاتسمعون لكلام الحجاج صدقوني انا مجربتها اذا ماسهرتو في الاختبارات مايمديكم تخلصون الماده كلها سوو زي ماقولكم اسأل مجرب صدقوني بس مو ماتنامون مره نامو في اليل ضروري ع الاقل لو ساعه تكفيكم بالتوفيق ان شاء الله ليه ولجميييييييييع الطلبات والطلاب الي عندهم اختبارات
ياالله يا مياسم مرررررة حلوة حكمة البناء والهدم
مررررررررررررة حلوة بجد لا تهدم شي ازا ماتقدر تبني غيره
وعني انا باشوف انو الواحد ماله داعي يهدم حاجة اصلا
اختي شموع الغربية الله يوفقك ويوفق جميع الطلاب والطالبات
انا باقولك الحاجة دي من تجربة وخبرة امتحانات
خدوها نصيحة مني الايام الي قبل الامتحانات او في الايام الي بين امتحانين اسهر فيها ولا تنام الا قليل واشوف انو في الايام الي بين الامتحانات وقبلها انو الطالب ما ينام نومة وحدة متواصلة لا يقسم نومة يعني كل خمسة ساعات كدا ياخد له ساعة ينام ويريح ويقوم يزاكر زي كدا
لكن يوم الامتحان يعني بكرة عندك اختبار تنام من اول الليل وتنام ما لا يقل عن تمانية ساعات ولا تشرب اي منبهات لا شاهي ولا قهوة ولا تكتر كمان من السوائل حتتعبك في القاعة وتحشر مع الضغط النفسي والخوف
وازا حابب تصحى بدري وتقرا لك كلمتين مو مشكلة ونصيحة كمان لا تمسك كتاب او اي شي قبل موعد الاختبار بساعة ع الاقل مررررررة فضي دماغك من كل حاجة
لا تحاول تشغل نفسك باي شي ولا تجهد نفسك
لانو لما تجي تخش الامتحان لو تكون قريت الكتاب كله وحفظته بس ما ارتحت والله حتنسى كل المعلومات وحتطير منك وما حتركز وتلخبط وتنسى اسئلة ما تحلها وازا جاء سؤال ما انت حافظ اجابته مخك ما حيقدر يفكر ويجاوب ع السؤال حتى من غير ما يكون عدا عليه
لكن لو انت مرتاح ونايم كويس والله حتى لو السؤال دا ما قريت الموضوع ولا حفظته حتقدر تجاوب عليه وتلم من هنا وهنا وتفتكر اشياء تساعدك ع الاجابة
قبل الاختبار ابعد ع الطلاب الي يقعدوا يشوشوا الواحد ويلخبطوه خليك مركز ع الي انت زاكرته ولا تلخبط نفسك ، وحاول لو في شي مرررة مهم ونسيت تزاكره لا باس انو احد بسرعة يلخص لك الموضوع ببساطة بس من غير ما ينرفزك ويحسسك انو انت ما زاكرت وتخش وانت مرتبك وملخبط وخايف
ولما تخش الاختبار خش بنفس هادية وخلاص زي ما تجي تجي وقول حاجاوب ع الي اقدر عليه
وفي الاول والاخير خلي اعتمادك على الله ودعوات الوالدين
السلام عليكم ورحمة الله وبركاته :
مشاء الله عليك نصائح مهمه .
انا قلت اسهر عن تجربه والي مايستطيع يواصل احسن شي لايواصل في الختبارات ينام
اما عني انا طول عمري اسهر واوصل في الاختبارات ولا حصلي شي بلعكس اذا واصلت احل في الاختبار واذا نمت ماركز ولا احل شي
طيب مو مهم حكمتي اليوم:الاكثاااار من ذكر الله والاستغفار واذكار الصباح والمساء فانها تحفض الانسان
وحكمه ثانيه (في الامتحان يكرم المرء لايهان)