أنت غير مسجل في منتديات الوئام . للتسجيل الرجاء إضغط هنـا
 |
 |
|
|||||||
| || اوْرآق مُلَوَنة .. عِناق الوَاقع بقلمٍ حر ، الموَاضِيْع العَامَہْ ، للنقاش الحر والموضوعات الجاده |
 |
|
|
أدوات الموضوع |
12 / 12 / 2002, 21 : 11 PM
|
#1 | |||||||
|
وئامي فعال
شكراً: 0
تم شكره 0 مرة في 0 مشاركة
|
قصـــــة جارنا أبو علي تخوووووووووووووووووووووووووووف
السلام عليكم
القصه وقعت لجارنا ابو علي راعي التكسي هذا ابو علي رجال على قد حاله ينفق على عجوزه وزوجته وعياله من خلال التكسي اللي يكد عليه رجل مستقيم محترم جيرانه ولا يحب يخطي على احد من تكسيه للمسجد الى بيته يبدأ برنامجه بعد ان يصلي الفجر يركب التكسي ويكد الى طلعة الشمس ويرجع يوصل عياله لمدارسهم ويفطر في البيت ويرجع يكد على التكسي لين الظهر ويرجع يجيب اعياله ويتغدى وينام له شوي ويقوم يصللي العصر وعقبها يرجع يكد على هالتكسي لين يجي عقب صلاة العشا يرجع لبيته ويتعشى المقسوم ويرقد الى صلاة الفجر يصلي ويعود الى برنامجه اليومي ... وليله من الليالي الساعه تقريبا 2بالليل مادرى الا والجرس يرن قام من فراشه اللهم اجعله خير يوم طلع والا ثلاثة ايرانيين سلام عليكم عليكم السلام انت صاحب التكسي قال نعم قالو نبيك توصلنا الى مينا الشويخ نبي نسافر عن طريق البحر لايران ... قال انا تعبان لكنهم اغروه بمبلغ يجعله يرتاح من مكدة الصبح غسل وجهه وبدل ملابسه وركب التكسي قالو له نبي نمر السكن ناخذ اغراضنا مرو السكن واخذو اغراضهم يوم اركبو وطالع بالمرايه للي راكبين ورى والا يشوف عليهم علامات خوف وريبه ...شك فيهم وش يسوي وش يسوي ماله الا محطة البنزين على بو يعبي السياره بنزين عباها ومر على الكاشير وقال له تكفى دق على النجده وبلغ عن سيارتي وخللهم يحطون كمين اللي معي امرهم غريب والله يالبلا انه في بطونهم نعم البلا في بطونهم ماعلينا حرك ابو علي على نياته والفار يلعب بعبه اشوي والا النجدات متحاقطينه وقف وقف صاح الايراني اللي راكب قدام ليش يوقف قال مادري طلع مسدس الايراني وشهره بوجه ابو علي لا توقف وبدت المطارده المهم قدر الله وصدم ابو علي حاجز اسمنتي ووقف غصب مسكوهم الشرطه وبدو بتفتيش السياره وابو علي يصيح ياجماعه ترى مالي شغل سالوه منهم اللي معك هذولا قال بو علي والله هذ1ولا عبريه موديهم لمينا الشويخ بيسافرون لايران الفجر سالوهم الشرطه معكم اغراض قالوا ايه وين الاغراض قال بو علي بالدبه بطلو الدبه وبدو بتفتيش الاغراض يوم افتحو وحده من الشناط والا الله يدفع البلا فيها ثلاث روس اهنيه ابو علي انصرع ابو علي يقول ياجماعه والله اغراضهم طلعت ثلاث روس بصل ههههههههههههههههه تحياتي وان شالله الجايات اكثر |
|||||||
|
|
||||||||
|
|
13 / 12 / 2002, 29 : 02 PM
|
#2 | |||||||
|
وئامي دائم
شكراً: 0
تم شكره 0 مرة في 0 مشاركة
|
هههههههههههههههههههههههههههههههه
هههههههههههه حلوه منك ملقوف تسلم على القصه الظريفه اقول اخاف انت صاحب التاكسي يجي منك اكثر ننتظر جديدك القادم |
|||||||
|
وليت الذي بيني وبينك عامر
|
||||||||
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| يوميات جارنا المفقود .. | متعاطفه بحدود | || اوْرآق مُلَوَنة .. | 23 | 08 / 01 / 2009 08 : 10 PM |
| دارنا مثل العروس** و كلنا طلابها**من يبي شمس الشموس ** من يحب ترابهـــا | ظـِلال الأنوثـة | ملتقى الأصدقاء | 23 | 31 / 07 / 2002 37 : 06 AM |
| هذي دارنا؟ | الســــيف | ||ترفيه وَمسآبقآت | 6 | 06 / 03 / 2002 06 : 02 AM |
| ســــلبت طفولتها بزواجها...(قصـــــة) | &^ راكان ^& | مجلس عائلتي | 5 | 18 / 11 / 2001 08 : 09 AM |
