مواقف طريفة ===حقيقية=1

[c]
منقول من الايميل




ولا الضالين ..
موقف ما راح انساه كنت داخل مسجد وقت المغرب ومتأخر والامام يقرا في سورة بعد ما خلص من الفاتحة وكان الميكرفون متعطل المهم دخلت متحمس وبالحق على الصلاة معهم الا وعلى دخلتي اسمع الامام يقول (ضالين) وانا على دخلتي كبرت وقلت آمين .. الا واللي في الصف الاخير ماتوا من الضحك وقطعوا صلاتهم .. وانا احسب الامام في الفاتحه وهو يقرا سورة ثانية .. وسكت الامام شوي وكأن وده يضحك .. واناما علي قاصر ضحكت معهم المضحك اني كنت متحمس

كله من الثلج

تقول كنا في مكة ايام الحج وكانت خيمتنا في مكان مرتفع بعيد عن سيـارات الماء .. ذهب أخوي يجيب (ثلـج) وجاب قطعة كبيرة شايلها فوق كتفه ثم جت ثنتين من خواتي الصغـار بيساعدونه على إنزال الثلج وكان حريص .. بحيث انه لف قطعة الثلج بإحرامه اللي على كتفه حتى ماتثـلـج (تبرد) يدين خواتي المهم خواتي سحبوا إحرامه (السفلي) بدلا من اللي فوق اللي فيه الثلج .. وبسرعة ... طاح الإحرام وطاح الثلج .. وطاحوا أخواتي من الضحك ..

عسى ما نست ‍

مرة زوجتي غيرت الثوب ونقلت أغراضي من الثوب الأول إلى الثوب الجديد .. رحت أصلي الفجر وركبت السيارة وشغلتها وأنا أسوق تذكرت وقلت : عسى ما نست تحط المفاتيح في جيب الثوب ( والمفاتيح كلها بميدالية وحده طبعاً ) !! وأفتش جيوبي والله المشكلة مافيها مفاتيح .. وشلون إذا رجعت افتح الباب !! وانا محتار و أفكر يوم جيت ارجع إلى البيت وأطالع .. وألقى المفاتيح قدامي مشغل بها السيارة ..( والله الذكاء )

معرس بألف شوكة وشوكة

واحد تزوج على زوجته ( ومن الحرة اللي فيها )... جت في ليلة عرسه خذت ثيابه اللي بيلبسها ومسحت عليها قشر" برشوم " والبرشوم فاكهة لها اشواك رهيبة وماتنشاف

الشغالـة

اتصلوا علينا المطار قالوا ترى شغالتكم وصلت .. وعلى شان نفتك من تفويض استلام رحت بنفسي أخذ الشغالة ... المهم وصلت المطار وخذت الشغالة بطبيعة الحال معها شنطه فيها ملابسها .. استلمت الشغاله وطلعنا للسيارة فتحت شنطة السيارة على شان تحط شنطتها .. تفاجأت ... أن الشغاله مدت رجلها بتركب في الشنطه قدام العالم .. وانا ما مسكت نفسي ما قلت لها لا قعدت اضحك وما مسكت نفسي وقمت أشر لها على شان تنزل والعالم تضحك .. المهم في الاخير نزلت من الشنطه .. بس بعد ما كل الموجودين جاهم مسيل الدمووع من الضحك ..

وش اللي صار

فيه وحده من القديم تستحي مرة مرة .. ولما تزوجت كانت تستحي حتى تتكلم مع زوجها .. وكانوا الحريم يلومونها على هالحياء الزايد ويقولون لها لازم تحكين مع زوجك و تمزحين معه تدفينه بيدك مثلاً .. وصممت هالمرأة على كسر هالحاجز من الحياء الزايد ... ومرة من المرات هي وزوجها بالسطح يوم جاء الزوج بينزل مع الدرج ألا وهي تسرع وتدفه (تدفعه) وهي تبسم .. تدحرج المسكين وترن ترن مع هالدرج الى ان وصل آخر درجة وهو بعد ما استوعب وش اللي صــــــار …

مطر مفاجئ

وحده يوم عرسها بعد ما خلصت من التجميل والتسريحة .. يوم جت تطلع على الحريم والرزة على المنصة .. شافت بعض (الحمرة) في يدها دخلت تغسل يدها وفتحت الحنفية .. ومـادرت الا والدش يصب على راسها !!

تحريك جو

فيه وحده تقول في اول ايام زواجي طلب مني زوجي ان افتح له علبة بيبسي .. وبغيت احرك الجو بشي من الفرفشة .. قمت وفتحت العلبة قدام وجهه و… يا للهول طاااااااش البيبسي على وجه وملابسه والجدار .. وانا مع خوفي جتني حاله هستيرية من الضحك وانا اشوف هالموقف ..

تطبيق واقعي

وفيه وحده بعد تقول في الاسبوع الاول من زواجي حلمت اني العب مع اخواني وقام اخوي الصغير واخذ شي من اغراضي وقمت الحقه حتى مسكته وقمت اضربه واصفقه .. يوم توقظت لقيت اني اضرب زوجي !!

سبب واحد

وحده تقول قبل المغرب كانت امي تامرنا بفتح الشبابيك حتى يطلع الذباب برا … ومرة من الايام سالت المعلمة : لماذا نفتح النوافذ في منازلنا ؟ ورفعت اختي الصغيرة يدها ، وقالت وهي متحمسة : علشان نطرد الذباب يا استاذه !!!

الحمد لله انتهت

تقول كانت اختي جالسة عند التلفزيون أثناء استعراض برامج الغد وجاء في العرض (ثم نقدم لكم نشرة الاخبار المصورة الثالثة والاخيرة) فرحت أختي مرررة .. وراحت لأمي : يمه يمه الحمد لله خلصنا من الاخبار بكرة الحلقة الاخيرة …

الدش

واحد من الاطفال سمع كثير عن الدش ومخاطرة .. وانه فاسد وحرام .. وكان عند احد معارفهم (دش) وهالطفل ما يعرف وش هو بالضبط .. فقال : ال فلان عندهم دش اللي يغسل منه يصير كافر ..

المديرة

تقول احد المدرسات ان طالبة في الاول الابتدائي كانت بنتا للفراشة اللي في المدرسة … ولدت ام البنت وكانت بعض المدرسات مجتمعين عند مديرة المدرسة (هدى) .. نادوا البنت و سألوها عن حال امها ؟ وش جابت ؟ قالت هالبنت جابت امي بنت وتقول امي بنسميها (المديرة) .. وكانت تقصد بنسميها هدى !!!

بــوه (هواااااااااء لاحد يحاتسين )

تقول كانوا جيراننا من أهل القصيم .. اشترينا مرة تمر قصيمي من النوع الـسكري .. وقام ولدي يأكل منه ويقول ايه علشان اصير قصيمي مثل ولد جيراننا .. وبعد شوي سمعته يردد : فيه فيه .. وسالته وش فيه ؟ قال : اقول فيه .. ليش ما صرت اقول : بـوه …
** دقّه لنا يعني ياهل القصيم بس عادي ياللللللللللللللللللله الشكوى لله

براءة
تقول رن هاتف المنزل وردت اختي الصغيرة .. وسالتها المتصلة : وين الوالدة ؟ قالت اختي وببراءة : ماعندنا احد والد اليوم…


عن طريق الايميل

روح

[/c]

مرحبا.......


:D :D :D :D :D :D :D :D
:D
:D :D :D :D


تسلمين اختي الغاليه روح.....

والله يعطيك ألف عافيه على اسعادك لنا.....


تمنياتي لك بكل السعادة........



تحياتي
الهاجر

اخوي الهاجر


تسلم على دعواتك

والله يسلمك

احس انك اخطبوط المنتدى

ماشاء الله عليك ولا قوة الا بالله

في كل منتدى ومع كل مشارك

وفقك الله

واسعدك


اختك

روح

:D :D :D

:D :D :D

:D

مواقف مرة حلوة ,.,.,


الله يسعدك أختي روح زي مالا أسعدتينا ,.,


بس من الحين ,.,


ترا و لا موقف صار لي من هذولي ,., عشان ما تبلشيني بس:D


شكرا على المشاركة الحلوة ,.,.,

[c]


هلا ملجلج


تسلم

وشكرا على دخولك الموضوع


==


وبعدين اكيد صار لك مثل هذه المواقف ويمكن اكثر


بس تكفى علمنا لاتستحي

اعضاء المنتدى قليل ولا بينقلون الموضوع في الايميلات

ولا بينقلونه في المنتديات الثانيه

يعني لاتخاف مررررررره

احنا في اخر الانترنت ماحد يدري عنا


يعني قول ولا تستحي

خلاص


اوكي يالله احنا في انتظارك


لا تتاخر




اختك



روح

((ماني فتّانه))

[/c]

مواقف حلوه
تسلمين روح

اممممممم ,.,.,


أختي روح ,.,


أنا متأكد أن واحد دازك علي ,.,


بس منهو هذا ,.,

هذا اللي محيرني ,.,

بس يا خبر اليوم بفلوس بكرة ببلاش :D


تبين مواقف حصلت لي ,.,

ايه طيب ,.,

عشان بكرة أحصلها في الـسي ان ان ,.,

دا بعدك ,.,

[c]

ملجلج

والله ماحد دزني عليك

ولا شيء من هذا 00وخلاص ما بمزح معاك

شكلك شرير

هات المواقف لا تخاف

ضحت من السي ان ان هذا موقف اكيد!!

لازم تعلمنا بحكايته

00
ماعلمتني وش معنى ..ملجلج؟؟؟

اختك

روح



[/c]

تسلمين ياعاشقة البحر

والله وياك حبيبتي

اختك


روح

يا أنتي غثة يا اختي روح ,.,.,

بقولك موقف صار لي في أحد المنتديات عن معنى اسمي ,,.,

و ارتاح منك ,.,


معنى اسمي
تقدرين تقولين ملجلج هو الانسان كثير الحركة و كثير الكلام و ما يهجد ,.,., يعني تقدرين تقولين مرجوج أو مصرقع ,. تقريبا ,.,.


و الموقف اللي صار لي ,.,.,,

أنه كان في أحد المنتديات كان نقاش حاد ,.,

و أحد الأخوات تكلمت بكلام موضوعي و زين ,.,

و ان قلت لها ,., كلامك كله عقل و حكمة عكس أسمك ( اسمها كان فيه هبال شوي) ,.,.

فبعض مما جاء في ردها علي الله يذكرها بالخير التالي :



============
فاسمحلي اني احكم عليك من اسمك


الملجلج <<<<< هل فكرت في معنى الاسم قبل ان تختاره؟؟


الملجلج هو من يستعمل نوع من انواع المنبهات الممنوعه دوليا
من حبوب هلوسه او منشطات

وتجعله مستيقظ ونشيط لفترات طويله يعقبها خموووول شديد وانهاك للقوى الفكريه والجسديه

" يقولون ان اسمي بيتغير لارسطو بعد ذا الرد " <-- وش دخل ارسطو


فهل تتوقع ان كل من قرأ اسمك يفكر بانك شخص تتعاطى احد هذه الانواع لهذا سميت " بضم السين وكسر الميم وتجبيص الباقي "
بالملجلج ؟؟
===================


هذا جزء من ردها ,.., غالله يوفقها و يذكرها بالخير ’,,.,,

بصراحة انحرجت من كلامها كثييير ,.,

و ما أدري هل هو صحيح و الا لا ,.,

بس هذا موقف عطيناه لأختي روح عشان نفتك منها ,,.,

و كما اتفقنا محد يدري ,.,