ابنشد العراف عن داب على مدخال غار

السلام عليكم ورحمة الله وبركاته
وأسعد الله أيامكم جميع بطاعته

أشارك معكم بهاللغز وتراه ماهو لي ولكن راعيه معروف وهو معروف
وأتمنى أنه ينال رضاكم وإعجابكم
اللغز يقول:-

ابنشد العراف عن داب على مدخـال غـار = اليا حصل له شي واليا ما حصل له يلتـوي
من قرصته يا مكثر اللي بين خير وبين نار = ويا ماأكثر اللي ما قوى سمه لو انه ما قوي
حوله حرس اكثر من العشرين في ليل ونهار = متقاطرين وفعلهم ما يتركون الحـي سـوي
روس الحراب اتدقها والعظم ما يلقى جبـار = فراسة اللي من يمين الجيش ويساره هـوي

في أنتظار رمعاتكم
وتقبلوا جميعاً خالص تحياتي وتقديري

اخوي عازف الناي
صح لسانك يالغالي
هذا والله العالم اللسان الله يكافينا زلاته والحراس الاسنان
تحياتي

	المشاركة الأصلية كتبت بواسطة الأعصار

	اخوي عازف الناي صح لسانك يالغالي هذا والله العالم اللسان الله يكافينا زلاته والحراس الاسنان تحياتي

--------
----


أخوي الغالي ( الإعصـار )
حياك الله وياهلا والله ورحب فيك
وبيض الله وجهك يالقرم
جبتها بين العيون
وأنا ماعلمت براعي اللغز على شان محد يعرفه ويجب أخباره
وأثاريها ماتنفع
للمعلوميه اللغز للشاعر ( ناصر بن دغيم)
ماقول يالأعصار غير اللهم آآآمين وأنه يكفينا وأياك شر زلات اللسان وما يحصده
لاهنت ولاعدمناك يابعدي
تقبل بكل الود أحترامي وتقديري