أعشـــق حــروفك لين صرت اتهجّاك = وأستثني حروف الهجاء عن حروفك
شف ! حرف حرف المها وارجع اقراك= تخيل ! اقراها واناجي طيوفك
ياويل قلبي ! كل هذي سواياك !=هذا وانا لازلت محروم شوفك
شلون اجل لاصرت اشاهد محياك != ياخوفي اللي مايقارن بخوفك
والكارثه اليا همست لي شفاياك =واشهرت ياخلي بعيني سيوفك
اموت بك واحيا وعيني بعيناك =واضيع لامن لامسني كفوفك
واتوه لاضميتني في حناياك= واذوب بين احضانك ونار جوفك
آآه آآه ياللي كل هذي سواياك = مادري متى بالوصل تسمح ظروفك