غرامك مثل نارٍ حطبها الغلا والنـار ** تموت وغلاك اللـي بقلبـي يولعهـا

دليل المحبه شوف عيني عليـك تغـار = ولا ودي الحاسـد عيونـك يطالعهـا
مع إنك رحلت بعيد لكن بقى التذكـار = ليا شافتـه عينـي تسابـق مدامعهـا
دفنت الغرام بخافقي والقلوب أسـرار = مشاعرهقيـت إن الليالـي تضيعهـا
فرحت برجوعك ماطلبت لخطاك اعذار = ونفسي نست ماجرى من تواضعهـا
تهادت مشاعرخاطري لك بلامعيـار = تجاهلتهـا لوكنـت خابردوافعـهـا
يقولون : جنّب درب مالك معه معبـار = يلومون نفسٍ بعد الاحبـاب موجعهـا
يقولونها قبلـي يخـون البحر بحّـار = والآمواج لاهاجت خذت ماتبـي معهـا
تكاثرت منك الصد وأثرالعلوم كبـار = لقيتك على نفسـي تقلّـب مواجعهـا
اقوله وأنا اللي شفت ذاك الغلا ينهـار = يشوف الندم رجّال نفسـه يطاوعهـا
مثل ماضرب جّوٍ خلا غادي محتـار = يدّوج ورجله مـادرى ويـن موقعهـا
تعرض سموم القيض والدار مامن دار = هليك وشعر بالموت روحه ينازعهـا
جحدت الغلا لين امتلا بالخفوق وثار = قصايد عساها اليوم تطرق مسامعهـا
غرامك مثل نارٍ حطبها الغلا والنـار = تموت وغلاك اللـي بقلبـي يولعهـا
غلاك بضميري واضحٍ ماعليه غبار = تشيل الغلا نفسـي وأناعاجز امنعهـا
يقولون ماودعّك : قلت الفراق وصار = والإنسان روحه تنسلـب مايودعهـا
هذيك الليالي ويـن أثر الزمـن دوار = خذاهـا ولاظنـي زمانـي يرجعهـا
طوتها السنين ولا بقالي سوى التذكار = ليا شافتـه عينـي تسابـق مدامعهـا

متعب التركي

.
.
.

مع إنك رحلت بعيد لكن بقى التذكـار
ليا شافته عينـي تسابـق مدامعهـا


رائعٌ هو متعب التركي في إهدائه كل هذا الجمال لنا

ورائعةٌ أنتي في نقله لنا بهذه الصورة الجميلة

سديم ، شكراً جزيلاً لكِ

إعجابي وتحياااااتي

الرااااقيه سديم


سلمت يداااااااك


اختياااار ولا اروع


لقصيدة شااااامخة رااااقيه


جمالها يزداد باختيااارك لها


سجلي اعجااااابي

وتقبلي تحيااااااتي

العفوووو .. محمد ..

شكرااا للمتابعه
.
.
.

يسلمك ربي .. ابو رهف ..

شكرااا لتواصلك
.
.
.

يا سلام يا سلام

عشتي يا سديم
وعاشت الايادي
وعاش ها الذوق
يخليج ربي يا احلى سدومة

مشكورة تشكرات كثيرات
يا سديم الكون

دليل المحبه شوف عيني عليك تغـار
ولا ودي الحاسـد عيونـك يطالعهـا


سديم


ربي يعطيك العافية يا ذوق

قصيدة رائعة

تحياتي لك

متعب التركي.. شاعر كبير افتقدته الساحه الشعريه منذ أن ودعها..

وهنا إحدى درر متعب الرااائعه

سديم..

سلمتِ وسلم ذوقك الراقي في نقل هذه الفاتنه

تحياتي لك

العفوووو .. غيث السماء ..

شكراااااا لتواصلك
.
.
.

الاروع مرورك .. النبض الحزين ..

شكرااا لتواصلك
.
.
.
.